البيتلز عندي فيها مشكله مجنناني(البطاريه بتنام علي طول) اعمل ايه؟

**drjadoire** · 04-11-2009 12:50 AM

السلام عليكم
معلش والله يا شباب البيتلز انا مقصر معاكم في المرسله نظرا لظروفي وظروف عملي اللي بتخليني علي طول بره البيت نباطشي معظم الاسبوع

انا عندي مشكله غريبه تعبت منها بقالي شهور
وهي البطاريه بتنام مني دايما
ودخت اقيس شحن الدينامو الاقيه بيشحن وزكله تمام
وبيقولولي البطاريه كويسه
مش عارف فيه تسريب ولا ايه المشكله
خصوصا لمابمشي في الزحمه فتره والعربيه بتكون دايره وانتم عارفين ان لمبه الدينامو بتنوز لما بتشيل رجلك من البنزن
واول متمشي تشحن في البيتلز
انا مش عارف يا ريت تدوني اقتراحاتكم وانا معاكم نتناقش سوا؟
مش عارف اجيب بطاريه
او الدينامو او فيه مشكله ايه؟؟

**M.Mostafa80** · 04-11-2009 08:38 AM

لما بتحطها على جهاز قياس الشحن بيديك قرأه كام لو من 13ونص الى 14 يبقى كويس أقل من كدا يبقى الدينمو تعبان لو مش كدا يبقى البطاريه فيها مشكله وبتفرغ الشحن

**smsmxxxxxx** · 04-11-2009 09:15 AM

انا كان عندى نفس المشكلة بتعتك بالظبط
اللى حلهالي كهربائي بيتلز
لقي كتاوت الدينامو هى المشكلة كانت عايزة ظبط
ظبطهالي والحمد لله بقت تمام
بس خللي بالك وديها عند كهربائي كويس علشان يصلحهالك
بدل ما يقولك هات كتاوت تانية لان الاستيراد 120 جنيه

---------------
محمد سالم

**ahit** · 04-11-2009 11:09 AM

السلام عليكم ورحمة الله وبركاته

واحشنى و الله يا دكتور أحمد
و ربنا يعينك و يعينا على متاعب و ضغوط الحياه

ممكن تروح لمسعود الكهربائى اللى فى الملك الصالح يراجعلك على الدينامو و البطاريه و الكتاوت و السلوك , و إن شاء الله تبقى بسيطه
و لو عزت أى حاجه إبقى كلمنى فى أى وقت إنت معاك تليفونى.

**ابوهاشم** · 04-11-2009 06:24 PM

دكتور احمد رشدى
واحشنى جدا والله
وانا عاتب عليك كتير
يعنى مش عارفين نشوفك وكمان حارمنا
من مشاركتك فى المنتدى
انا عارف انك مشغول وكان الله فى العون

**ahit** · 04-11-2009 08:04 PM

أعتقد يا هاشم إن الدكتور أحمد إفتتح العياده الجديده و خايف يقولنا عشان مانجيبلوش زباين مابتدفعش فلوس

**drjadoire** · 06-11-2009 03:07 AM

يا صباح الفل يا هاشم باشا حبيبي وحبيب قلبي احمد حسن
انتم واحشينني جدا لكن والله بكون نباطشي معظم الاسبوع ويادوب اول مبقعد عالنت بحاول ابعت
اولا يا جماعه حصل شويه حاجات عملتها
البكاريه دلوقتي بقت تقعد يومين او اربعه ايام وتفضي
مع اني قست شحن الدينامو وكان 13 ونص وداخل علي ال14 لو دايس سلانسيه
ولو من غير والعربيه دايره عادي بيدي 12 ونص
الناس بتقولي كويس
والبطاريه فيها مشكله

وفيه ناس تانيه وصنايعيه قالولي ال=دينامو ملفوف لفه مصري وعاوز دينامو استيراد وان الدينامو بتاعي عاده
والاحسن اركب اكتيفاير ده بيشحن والعربيه دايره وواقفه في زحمه لان العاده بيشحن عالجطرق السريعه او مع السلانسيه
انا احترت
مع ان العربيه بقالها سنه معايا موضوع الدينامو العاده مكانش بيقول حاجه
هل فعلا بطاريه
وهل عسشان انا مركب 59 امبير تبقي ضعيفه
علما بانها داخله في سنه مش عارف مش عاوز اشتري حاجه ويطلع السبب مش فيها
وانتم عارفين احا منش ناقصين مصاريف
ديا ريت تدلوني اي السبب
معلش طولت عليكو بس كان لازم اتكم كتير لاني بجد واحشني الكلام معاكوا ومفتقدوا بمصدقت بصراحه نرغي شويه

**ابوهاشم** · 06-11-2009 01:56 PM

دكتور احمد
الحل الوحيد ان تحاول تبدل البطاريه مع حد قريب منك
او من عند كهربائى لو يرضى لمدة 4ايام مثلا وتجرب
لو حصل نفس الكلام يبقى العيب فعلا من الدينامو
اما لو استمرت البطاريه البديله شغاله تمام معاك
ومانامتش يبقى العيب من البطاريه والحل انك تشترى
بطاريه جديده بس نصيحه لو اشتريت بطاريه جديده
هاتها جافه مش سايله لانها افضل بكثير

**M.Mostafa80** · 06-11-2009 02:51 PM

بس شحن 12ونص فى السرنسيه دا مش كويس الآ لوظروف ونظام البيتلز مختلف عن كافه العربيات اللى اعرفه أنو من 13 الى 14 هو دا الشحن الطبيعى

**semam** · 09-11-2009 04:08 PM

الموضوع دة كان بيحصل معايا بالظبط

ان البطارية كل فترة كدة تنام ومعرفش السبب من اية بالظبط

ناس تقولى دة الدينامو واقيس الدينمو يدينى 14 وناس تقولى البطارية

من فترة كدة ومعرفش اية اللى حصل بالظبط الدنيا بقت مظبوطة لوحدها

مع ملاحظة حاجة ( لما كنت بشحن البطارية الكهربائى كان مدينى بطارية امشى بيها مؤقتا لحد ما يشحنلى بطاريتى وهو بيفك بطاريتة علشان يركب بطاريتى المشحونة العربية بطلت وقالى العيب من الدينمو
ورحت لكهربائى فولكس قالى الدينمو بيدى 14 وكدة هو سليم
ومن ساعتها وانا شغال كويس الموضوع دة بقالة بتاع شهرين تقريبا )