في حالة عطل السيارة على طريق المحور (محدش فاهم حاجة)

**Powert** · 18-11-2007 09:41 AM

دي مسابقة جديدة عاملها الحكومة واتصل 169999 ولو جاوب صح تكسب عربية هدية

:D :D :D :D :D :D :D :D :D

**tutankhamoun** · 18-11-2007 10:14 AM

المشاركة الأصلية كتبت بواسطة eng_mkhalaf

:D :D :D :D
الحل بسيط - أتصل بالدليل 140 وقولهم على مكان اللوحة عالطول يديك الرقم - دة مش محتاج ذكاء الموضوع سهل وبسيط بس نشغل دماغنا حبة :twisted: :twisted:

عندك حق ......... ما هو الجيش قال زمان ............ أتصرف
و الحكومة عملت اللي عليها و حطتلك اليافطة
الباقي بقى مشكلتك أنت مش مشكلة الحكومة
و لو اتكلمت هايقولوا ما اليفاطة أهيه .......... عايزين أيه تاني ؟؟؟؟؟؟؟؟؟؟

**Casio2000** · 18-11-2007 08:53 PM

ايه التفرقة العنصرية دي ؟؟؟؟

عزيزي قائد السيارة ...............

مافيش عزيزتي قائدة السيارة ليه ؟؟ :-)

أنا بيتهيألي يا جماعة اكيد دا اللي مزعلكوا - اكيد مش زعلانين ان اللوحة مافهاش نمرة - ماتحاولوش تقنعوني انكوا توقعتوا فعلا انهم يكتبوا نمرة و يجيبولها عدة و حد ينجد الناس

انتوا جداد هنا ولا ايه يا جماعة ؟؟

**fady** · 20-11-2007 09:10 AM

يا جماعه الرقم هو 0101990400
و هوه كان موجود بالفعل في لوحه تانيه كانت موجوده جنب اللوحه اللي في الصوره دي
و لكن وزي ما انتوا عارفين ان هما كل شويه بيزودوا شويه في الجزء اللي بيوضبوه في المحور.
اللي حصل ان اللوحتين كانوا جنب بعض في اول مرحله من التجديد
بعد كده في المرحله التانيه العبقري اللي قرر انه ينقل اللوحه نقلها لوحدها من غير اللوحه التابيه اللي عليها الرقم

منتهى التنظيم و عبقرية الاداره :)

**MoToRiZeR** · 21-11-2007 05:14 PM

حد متخيل يه اللي ممكن يحصل لو الطريق ده وقف ساعة واحدة؟؟؟

يا راااجل ساعة واحدة ايه .. 8) انا كل يوم عالمحور و يوم ما يقف ساعة ده بيبقي يوم جميل

دنا ساعات ببطل العربية في الحتة بتاعة التحويلة دي من كتر ما الطريق بيموت
و ساعات بقصر اصلا و اخد الدائري و اخش 6 اكتوبر من ناحية الهرم بدل ما اوجع دماغي

ده من ساعة التحويلة دي و بجد حياتي عذاب .. لأن انا لازم بمشي عالمحور كل يوم اكتر من مرة