صوت الكاوتش المزعج

**Dr Ahmed** · 17-11-2007 08:56 PM

من أكتر من شهر لاحظت ارتفاع صوت الكاوتش داخل السيارة وهى مغلقة بصورة غير عادية ، الشئ الوحيد اللى عملته وجايز يكون ليه علاقة أنى بدلت مكان الكاوتش كله وصلحت الثقوب اللى فيه (حوالى 2 فى كل كاوتش) ..

بفكر أعمل عزل للصوت بنفسى، عن طريق وضع أفرخ كاوتش سمكها حوالى 1 سم تحت الكنبة الخلفية + تبطين البلاستيك اللى تحت الرفارف الأمامية + عزل بفرخ حرارى جوه الكبوت..

إيه تعليقكم على المشكلة وعلى فكرة العزل؟

**Ahmed Anwer** · 17-11-2007 09:09 PM

طب مالأسهل تغير الكاوتش ؟؟
بنوعية أفضل ،،،

عشان مرة جبنا للنوبيرا كاوتش تركي

و كان اجارك الله

حول العربية ل 128 اصوات تقرف و اهتزازات و تعويم و حدف و كل العبر

و هوا لسه جديد

اضطرينا نستحمله عشان يشتغل بثمنه و غيرناه في اقرب فرصة

مقدرش افيدك في حوارات العزل

**Dr Ahmed** · 17-11-2007 09:57 PM

ياراجل أغيره وهو لسه معداش عليه 10 شهور وممشيش أكتر من 14 الف كم؟
ونوعه أصلا مفروض انه كويس ، وفكرة العزل اللى بقولها أرخص جدا وبإذن الله أحاول أعملها لأنى لاحظت لما كنت باركب الفرش والكنبة مش موجودة ان الصوت كان عاالى جدا ، ولما الكنبة رجعت قل، يعنى بتعزل، وكمان صوت ارتطام الزلط بالبلاستيك المبطن للرفرف بيسمع جوه يعنى برضه مكان للعزل..

**boody2** · 17-11-2007 10:26 PM

بس علي فكرة يا دكتولا احمد مش عارف هي صدفة و لا دي حقيقة انا في سنة واحدة برده في كل فردة كاويتش دخل مسمارين ما عرفشي ليه ؟؟؟

**Ahmed Hassan** · 17-11-2007 10:38 PM

المشاركة الأصلية كتبت بواسطة Dr Ahmed

من أكتر من شهر لاحظت ارتفاع صوت الكاوتش داخل السيارة وهى مغلقة بصورة غير عادية ، الشئ الوحيد اللى عملته وجايز يكون ليه علاقة أنى بدلت مكان الكاوتش كله وصلحت الثقوب اللى فيه (حوالى 2 فى كل كاوتش) ..

بفكر أعمل عزل للصوت بنفسى، عن طريق وضع أفرخ كاوتش سمكها حوالى 1 سم تحت الكنبة الخلفية + تبطين البلاستيك اللى تحت الرفارف الأمامية + عزل بفرخ حرارى جوه الكبوت..

إيه تعليقكم على المشكلة وعلى فكرة العزل؟

انا سمعت ناس كتير بتشتكي من موضوع اصوات في الانسر... و واضح فعلا ان العزل محتاج يزيد شويه. بالنسبه للعزل تحت الكنبه فكره جيده تستحق التجربه.
العزل الحراري تحت الكبوت لو النوع السميك هيعزل حراره و صوت.. بس مش الكبوت فيه عازل اصلا؟!!
المشكله في العزل داخل الرفاراف... هتركب فيها ايه؟؟ تبطين ازاي يعني؟؟ خلي بالك ان الحته دي بتغرق ميه.. يعني مينفعش تحط فيها حاجه ممكن تشرب الميه.

**Dr Ahmed** · 17-11-2007 10:48 PM

العزل الحراري تحت الكبوت لو النوع السميك هيعزل حراره و صوت.. بس مش الكبوت فيه عازل اصلا؟!!

لأ الكبوت فى الانسر مش فيه أى عازل

**Ahmed Hassan** · 18-11-2007 02:43 AM

المشاركة الأصلية كتبت بواسطة Dr Ahmed

العزل الحراري تحت الكبوت لو النوع السميك هيعزل حراره و صوت.. بس مش الكبوت فيه عازل اصلا؟!!

لأ الكبوت فى الانسر مش فيه أى عازل

في الحاله دي هيفرق كتير طبعا في صوت الموتور (بس مش جوه العربيه)... لو عايز تقلل صوت الموتور جوه العربيه ممكن تجرب تركب العازل ده على "صدر" العربيه.

بس بردو ناوي على ايه جوه الرفارف؟

**Dr Ahmed** · 18-11-2007 06:31 AM

هخلى السمكرى يرفع البلاستك ويحشر طبقة من الكاوتش.. كاوتش زى الفلين كده كنت شفته من فترة وشكله ممكن يمتص الصوت بفاعلية..
بس لسه هعمل كده الأسبوع القادم لما أفضى شوية إن شاء الله..

**مصراوي جدا** · 18-11-2007 08:51 AM

والله يا دكتور احمد هي فكرة جديدة وجميلة ولو نجحت يبقى تسجل براءة الاختراع ده باسمك

هو اللانسر الجديدة (الشكل الجديد 2008) احد الكماليات اللي فيها نظام عازل صوت Silence grade up system وده معناه انهم حاسين فعلا بالاحتياج للنظام ده في الموديلات السابقة ، بس انا مش عارف مكوناته ايه اكيد مش كل الحاجات اللي انت ناوي تعملها دي

بالتوفيق وفي انتظار النتيجة

-

الموضوع: صوت الكاوتش المزعج

LinkBack

أدوات الموضوع

عرض

صوت الكاوتش المزعج - انشر الموضوع فى :

-

-

Re: صوت الكاوتش المزعج -

-

-

-

-

المواضيع المتشابهه

الكوبلن وصوته المزعج وصوت جديد مش عارف من ايه

لقيت حل للرابيد شير المزعج عن تجربه

حل اخير لصوت الاقمشة المزعج

الطفل المزعج يحتاج معامله خاصه (:

صيانة ال 15000 والصوت المزعج!!

الكلمات الدلالية لهذا الموضوع

المفضلات

المفضلات

ضوابط المشاركة