الكوبلن وصوته المزعج وصوت جديد مش عارف من ايه

**arabmarket** · 06-08-2012 01:44 AM

دى ثالت مره اغير الكوبلن خارجى وداخلى ( استعمال ) واخيرا اكتشفت ايه السبب وهو انى عندى تاخير فى العفشه كام مللى للخلف اكتشفتها وانا بعمل زوايا واتزان ودى نتيجه حادثه

انا هغيره تانى بعد ما اظبط التاخير الى فى العفشه لانى العربيه بتعمل صوت مزعج جدا والطقطقه بقت عاليه جدا جدا لما بلف يمين وشمال بس لما بكسر شمالى بتكون اكثر
الحاجه المهمه بقه اغيره استعمال تانى ولا جديد تايوانى ؟ وكده يبقى خارجى وداخلى ويمين وشمال ؟ احدد ازاى يا رجاله

فيه بقه صوت وحش قوى اليومين دول تحتى بحس بدردره لما بدوس بنزين وبتقل مع الدوس وبتزيد قووى لما برفع رجلى عن البنزين او ادوس فرامل انا بقول من الكوبلن ؟ يكون ضرب خالص ؟
الصوت شبه الكوبلن شويه بس الدردره جامده ورحت عملت تشحيم واربط عفشه قلت يمكن ناشفه محتاجه تتشحم الصوت راح نهائى لمده يومين ورجع تانى النهارده وصوت طقطقه الكوبلن خف قوى ورجع تانى عالى النهارده

ايه رايكم يا وحوش ده غير بطىء السحب انا بقالى كام اسبوع مبطل اشد مع اى حد مش عاوز احرج هوندتى وحد يعلم عليها

**wildwest100** · 06-08-2012 02:11 AM

جديد يابانى ب 275 او 300

**arabmarket** · 06-08-2012 02:20 AM

المشاركة الأصلية كتبت بواسطة wildwest100

جديد يابانى ب 275 او 300

ده كامل بره وجوه ولا راس بس ؟
وحاجه تانيه فيه كود للكوبلن ولا لأ لانى وانا بدور على واحد قبل كده البياع قالى ده بتاع si ولما ركبته كان فى اختلاف فى السنون الى بتركب فى الفتيس