الموضوع: استفسار بخوص السيارة الاتوماتيك ومحتاج مساعدة

المشاركة الأصلية كتبت بواسطة animalring

السلام عليكم
انا معايا اوبترا اتوماتيك بس العربية لما بتيجى تشاغل التكييف وانت ماشى على الطريق او من غير تكييف بتلاقى لما تيجى تدوس بنزين تلاقى فى صوت تكات كده مش كركرة لكن صوت تكات صغير اوى هو طبعا محدش يلاحظه خالص بس علشان انا اللى بسوقها وعارف يعنى لو انا فاتح الشباك ماشى طبعا عمرك متلاحظه لكن لما اقفل العربية وامشى اسمع صوت زى تك تك بيروح ويجى تقريبا مع الغيرات بس عايز اعرف هل ده طبيعى يعنى ده مع الاتوماتيك عادى وكمان عايز حد يقولى انا دلوقتى لما ببقى ماشى على 120 بلاقى عداد الار بى ام rpm بيبقى على 3000 وساعات بيقى 3.5 لما اقرص فهل ده امر طبيعى
واهم استفسار كنت عايز اعرف ازاى احدد كمية الزيت اللى احطها للفتيس اصل الخرطوم بتاع الزيت كان ضرب وسرب زيت فرحت البنزينة وخليتهم يحطولى زيت بس العربية كانت مبطلة وقعدوا يحطولى زيت لحد مالضبة بتاع الزيت جابت زيت قالى كده اتملى بس انا قريت ان لازم تكون العربية شغالة علشان اعرف فيريت حد يعرفنى ازاى احدد كمية الزيت يعنى غلط انى احط زيت لحد ماضبة الفتيس تلاقيها بتجيب زيت

هوة الموضوع مكتوب من زمان بس لفت نظرى معرفش انت متابع ولا لا بس اللى هيشوفة هيستفيد
ان شاء الله .
انا مش هقدر افيد فى حكاية التكات دى بس بالنسبة للفتيس هقولك
غلط قوى انك تحط زيت وانت مبطل العربية بتعرف النسبة المطلوبة ازاى من مقياس الزيت بتاع الفتيس غلط جدا جدا انك تملى الزيت لاخرة علشان هتلاقى الفتيس تقل جدا والعربية مكتومة ولا اكنك عملت حاجة . الزيت فى الفتيس لية نسبة معينة ودة على المقياس بتاعة
تغير او تزويد زيت الفتيس الاوتو بيكون والعربية دايرة وعلى غيار r وطبعا شادد الهاند بريك وانت بتزود بتراجع القياس لحد ميظبط معاك على علامتة
كمان زيت الباور بيتحط والعربية شغالة وبتلف الدركسيون يمين وشمال مع العملية دى هتلاقى العلبة بتفضى شوية وانت بتملى تانى لحد مقياس الزيت بتاع علبة الباور
انا عارف انك مطلبتش افادة على علبة الباور بس انا قولت اكتب عشان اللى معندوش خلفية