قررت ابقا بي اماوي حد ينصحني سريعا

**party_0000** · 05-11-2009 08:38 AM

السلام عليكم ياشباب
انا ان شاء الله ولو ليا نصيب هجيب عربيه 316 موديل 2008 الكامله كسر زيرو
هل العربيه دي فيها اي مشاكل او اي تعليقات عليها من ناحيه الاداء او اي شي تاني ؟
ياريت حد يفيدني علشان ابقا متطمن وخصوصا اني راكب ياباني واول مره احط رجلي في الالماني

وشكرا مقدما

**farahat** · 06-11-2009 08:44 AM

ربنا يوفقك في الإختيار و تتوافق لعربية كويسة إن شاء الله

هو مفيش مشاكل بمعنى مشاكل ، لكن في توضيح بسيط ، لو العربية إلي معك ياباني جديد و موتور ١٦٠٠ يبقى هتحس بفارق جمد جداً جداً جداً في السحب ، للأسف للأسوأ ، لأن ال-316i تقيلة جداً و موتورها ضعيف عليها ، يعني مش هتحس بنفس القوى إلي كنت في الياباني ، يعني مش أول ما تلمس البنزين هتطير ذي ما إنت متعود
بس في المقابل هتلاقي ثبات عالي جداً أكتر من الياباني ، فخامة في الخامات و التقفيل .
حاجة كمان يمكن تضايقك إن العربية ناشفة جداً ، و عفشثة مش ناعمة ذي الياباني .

دي ملحوظات سريعة و لو ليك أي إستفسار تحت أمرك

**party_0000** · 06-11-2009 07:50 PM

ياباشا انا متشكر على الرد انا معايا كورولا 1300 2002 ودي حجاا علشان حبيتها بفخامتها انما شد وكدا مليش فيه بس انا بسأل يعني عيوب ميكانيكا كهربا كدا يعني
هو حضرتك مهاك 316 بردوا ؟ لو كدا ممكن تفيدني بمواعيد الصيانه كل كام وفين اعملها يعني
انا متقل عليك

**farahat** · 07-11-2009 01:39 AM

يا عزيزي إنت تأمر ، ولا متقل ولا حاجة .
بالنسبة إلى إن حضرتك هتجيب عربية إن شاء الله موديل ٢٠٠٨ يبقى أكيد هيكون لسة عليها ضمان، يعني الصيانة لازم هتتعمل في التوكيل عشان الضمان ، و بعد نهاية الضمان يحلها ربنا ، و يكون قطع الغيار بتاعتها بقت في كل حتة .
الصيانة الدوكريه عموماً كل ١٠ الآف، ذي كل الأروبي ،و بيكون فيها تغيير زيت و فلاتر ، و غير كدة حسب الإستخدام ، يعني التيل و البوجيهات و الكلام دة كله بيظهر معاد تغييره حسب الحالة في كمبيوتر العربيه

**party_0000** · 07-11-2009 10:44 AM

تسلم ياراجل ياطيب

**farahat** · 07-11-2009 11:48 AM

العفو يا باشا ، و لو ليك أي إستفسار تاني اتفضل إسأل بدون تردد، و ربنا يسهل و يكون فيه إجابة

**party_0000** · 07-11-2009 02:25 PM

هو حضرتك معاك 316 بردوا؟

**bmw323** · 07-11-2009 02:38 PM

زى ما قال الأستاذ فرحات كدة العربية كويسة يعبها أن الموتور ال 1600 قليل عليها بس هى شكل وكماليات وثبات ممتازة جداا كفايا أنها بى أم

**party_0000** · 07-11-2009 09:50 PM

متشكر جدا يارجاله انا شايف فعلا لبي ام بي ام بس انا سقتها مكانش ضعيف قوي كان عادي

**bmw323** · 07-11-2009 09:53 PM

طيب يبقى خلاص توكل على الله وربنا يوفقك أن شاء الله للخير

الموضوع: قررت ابقا بي اماوي حد ينصحني سريعا

LinkBack

أدوات الموضوع

عرض

-

-

المواضيع المتشابهه

حد ينصحني من اهل الخبرة

سؤال صعب ممكن حد ينصحني ؟؟؟؟؟

حد ينصحني

بي اماوي مجنوووووووووون أخر حاجه

مقارنة جمداااا.... انت مرسيدساوي ولا بي اماوي؟؟؟؟؟؟؟

الكلمات الدلالية لهذا الموضوع

المفضلات

المفضلات

ضوابط المشاركة