ناوى اشترى ميجان

**karakero** · 28-05-2012 04:08 PM

السلام عليكم,
انا كان عندى استفسار ... انا دلوقتى معايا هيونداى نيو اكسنت موديل 2010 اوتوماتيك .. بصراحه العربيه فوق الممتازه .. انا بعمل حوالى الفين و نص كيلو كل شهر و العربيه مستحمله و ماشيه زى الفل ... تقريبا عمرى ما غيرت فيها اى حاجه غير الصيانات و لما بتتخبط او حاجه لا قدر الله ... الحاجه الوحيده اللى غيرتها عشان باظت كان ماستر فرامل عمومى و جبته استيراد ب 700 جنيه

المهم ان العربيه عامله دلوقتى 75 الف كيلو و كنت بفكر ابيعها و اجيب ميجان ... انا عايز عربيه تكون:
1- واسعه و مريحه عشان النيو اكسنت بالنسبه لى مش واسعه اوى و ببقى قاعد متكتف فيها
2- تكون فيها كماليات كتير و "ركوبه" يعنى ... لان النيو اكسنت بتستحمل و تجرى و عربيه ممتازه بس مفيهاش اوبشنز كتير
3- تكون بتستحمل .. انا ممكن اروح اصلح عربيه فى حته بعيده او اتعب شويه عشان االاقى قطع الغيار .. بس مش عايز كل تلات اسابيع اضطر اروح اصلح حاجه جديده فى العربيه

المهم انا بعد بحث لقيت عربيتين فى حدود السعر اللى انا عايزه ينطبق عليهم الكلام ده ... البيجو 307 sw و الرينو ميجان .... و بصراحه البيجو شكلها احلى بكتير بالنسبه لى بس لما بسال واضح من كلام الناس ان الميجان مشاكلها اقل كتير و يعتمد عليها ... فسؤالى للناس اللى معاهم العربيه دى، ايه العيوب المشهوره فى العربيه دى؟ .. كمان انا شفت كلام كتير عن ميجان 2 و حاجات كده و مش فاهم بصراحه الفرق؟ .. يعنى ميجان 2 دى من اول موديل سنه كام؟ و ايه الفرق بينها و بين ميجان 1؟ .. و هل لما اجى اشترى مثلا يفضل انى اشترى بعد موديل سنه معينه؟ .. هل فى موديلات معينه فيها عيوب يعنى؟؟

و جزاكم الله خيرا :)

**Hegazio** · 28-05-2012 04:26 PM

بخبرة 250 الف كيلو رينو في عربيتين ( ميجان2 و فلوينس ) .. مش حتلاقي حاجة بالمواصفات اللي عاوزها و السعر اللي معاك ( مواصفات / سعر ) غير العربيتين دول

سيبك من اللي حيقولك هات فوق 2005 لأن التغيير كان سوفت وير و اتعدل فصيانات 2006
بصراحة حتتكيف لو ثالث فئة اوتوماتيك بسقف بانوراما
ركز عالفئة و الحالة و انسي الموديل

اكشف عليها عند فرنش موتورز ضروري جدااااااا
2006 بتتكلم في 55 الف حالة جيدة
تحياتي

**Hegazio** · 28-05-2012 08:31 PM

فرنش موتورز مركز صيانة معتمد من التوكيل بس أرخص كتير

**karakero** · 29-05-2012 01:13 PM

المشاركة الأصلية كتبت بواسطة shawkylotfy

انا ممكن ابدل معاك بعربيتى ميجان 2005 فضى الفئة الاوالى ستيترونيك وحالتها جيدة بس انا من اسكندرية لو تحب تبدل كلمنى على تليفونى 01066036201

الفئة الاولى دى اللى هى اعلى حاجه يعنى؟ ... انا عايز اللى فيها سقف بانوراما و كارت

**shawkylotfy** · 29-05-2012 03:27 PM

المشاركة الأصلية كتبت بواسطة karakero

الفئة الاولى دى اللى هى اعلى حاجه يعنى؟ ... انا عايز اللى فيها سقف بانوراما و كارت

لا مفيهاش فتحة سقف ولا جنوط وكل الفيئات فيها السمارت كارت

**karakero** · 29-05-2012 04:38 PM

المشاركة الأصلية كتبت بواسطة shawkylotfy

لا مفيهاش فتحة سقف ولا جنوط وكل الفيئات فيها السمارت كارت

معلش بقى يا باشا، انا كنت عايز اللى فيها فتحه سقف ... لو حضرتك مهتم بعربيتى ممكن تشتريها لو عايز :)

ممكن بقى تقولى رايك فى الميجان؟ ... ايه اكتير عيوب مضايقاك فيها و اكتر حاجات عاجباك فيها؟ .... معلش انا بسال كتير انا عارف :)

**shawkylotfy** · 29-05-2012 06:14 PM

المشاركة الأصلية كتبت بواسطة karakero

معلش بقى يا باشا، انا كنت عايز اللى فيها فتحه سقف ... لو حضرتك مهتم بعربيتى ممكن تشتريها لو عايز :)

ممكن بقى تقولى رايك فى الميجان؟ ... ايه اكتير عيوب مضايقاك فيها و اكتر حاجات عاجباك فيها؟ .... معلش انا بسال كتير انا عارف :)

الميجان عربية جميلة جداااااا وسمارت جداااا
العيوب:
1. التكييف بتعها مش قوى زى الكورى واليابانى
2. الى بيتعامل مع العربية لازم يكون فهمها جداااا علشان مدوخوش وبتبقى حاجات بسيطة ولاخوة هنا فى المنتدى ماشاء الله ناس خدومة جدااا
3. مش اى حد يشتغل فيها علشان ميعكش الدنيا يعنى تروح بيها لناسها ومش لازم التوكيل
4. السحب فى الطلعة مش قوى
المميزات
فيها كل حاجة انت ممكن تتخيلها فى سيارة بالثمن دة
ثبات خرافى

**karakero** · 29-05-2012 06:19 PM

متشكر جدا يا باشا ... ربنا يكرمك

لو حضرتك مهتم بعربيتى هي نيو اكسنت 2010 اوتوماتيك عامله 75000 كيلو ... حالتها ممتازه و محدش اشتغل فيها غير التوكيل ... و ربنا يكرمك فى عربيتك ان شاء الله :)