الموضوع: Suzuki SX4

العربية هتنزل موديل 2011 سيدان وهتشباك دة الكلام اللي اتقلي في التوكيل وانا بعمل الصيانة الدورية ليها

المشاركة الأصلية كتبت بواسطة salahlaw

ياريت يا جماعة كل واحد يقول معلومة يعرف هو بيتكلم عن اية ؟ الاخ مازن بيتكلم عن sx4 - 2500 cc مع أن لا 2000 cc ولا 2500 نزلت مصر أصلا ولا كمان sx4 4x4 ياريت نتكلم عن الموديل اللي يخصنا في مصر وهو sx4 1600cc 4x2 مواصفات خليجية - اوروبية سواء السيدان او الهاتشباك وهي موديلات يابانية 100x100 وتقدر تتأكد من كده من حاجتين الفاتورة وشهادة المنشأ وهي صادرة من اليابان وكذلك اسفل باب السائق ( على العتب ) يوجد الشريحة الحديدية الزرقاء المثبت عليها بلد الصنع والمواصفات
وشكرا

ال SX4 اللى شفتها فى فورميولا الأهرام هذا العام كانت AWD على فكرة مش 4x2.

المشاركة الأصلية كتبت بواسطة haneena

السلام عليكم ورحمة الله وبركاته

أنا باعتذر عن انقطاعى لفترة طويلة عن المنتدى بصراحة لانى لاقيت حاجات كتيرة فيه مش عاجبانى من بعض الاعضاء وبعض افراد الادارة كمان

المهم انا عايزة ارد عن كل الاسئلة اللى الاخوة بيسألوا فيها عن العربية sx4 لانها معايا من حوالى سنتين ونص موديل 2008 وهى عاملة دلوقتى 38000 كيلو وأنا معايا السيدان

العربية فى المجمل أكثر من رائعة هى فعلا عالية قوى عن الارض بشكل ملحوظ ومريح جدا فى السواقة مش باقلق من اى مطب مهما كان علوه ومهما كنت محملة فى العربية الحمد لله
وهى من جوة واسعة اوسع من الماتريكس والاكسنت واليارس وفى نفس الوقت من بره حجمها ملموم ودى ميزة طبعا فى الركن
العربية موتور قوى وسحب اكتر من ممتاز ودى اكتر حاجة عجبانى فيها وبالرغم من علوها الا انها ثابتة فى الملفات يعنى انا باخد ملفات حادة بيها على 80 ومش بتخرج عن حارتها ابدا
وفى حاجة انا لاحظتها فيها وكنت قلت معلومة خطأ ومش مقصودة بسبب الملحوظة دى وان التكييف مش بيأثر نهائيا على سحب العربية ودى حقيقة لاحظتها وبسبب كده اعتقدت ان فيه موتور للتكييف منفصل عن ماتور العربية لكن الحقيقة ان المعلومة دى غلط
لكن فعلا التكييف مش بيأثر على سحبها نهايئا ودى ميزة كبيرة وطبعا تكييفها تلاجة زى كل اليابانى
طبعا العربية يابانى 100%
طبعا العربية فيها اوبشنز كتيرة حلوة بالنسبة لسعرها ومتهايألى كل الناس عارفاها
العربية ادائها مااختلفش من يوم ماجبتها ومبسوطة منها قوى ومريحانى جدا
وللامانة اللى يعيب العربية دى عدم انتشارها اللى مخلى قطع غيارها مش متوافرة غير فى التوكيل بس الاسعار فى التوكيل فى نفس رينج باقى التوكيلات
وللاخوة اللى بيسألوا عن التوكيل هو توكيل مودرن موتورز وهم ناس محترمين ومحترفين وانا مرتاحة معاهم وماصادفنيش مع التوكيل اى مشاكل وطبعا انا باتكلم عن مودرن موتورز اسكندرية مااعرف باقى الفروع نظامهم ايه
ارجو انى اكون اجبت عن اسئلة الاخوة وانا تحت امركم فى اى اسئلة تانية

اولا بشكر حضرتك على دخولك و اجابتك على جميع الاعضاء اللى كانوا بيتسألوا على العربية
و ارجو من حضرتك انك تعملى تقييم مفصل ليها فى كل حاجة من اول ما حضرتك اشترتيها لحد الان
و ايه المشاكل اللى قابلتك مع العربية و هل الوكيل حلها ولا لا؟؟و الحاجات دى كلها ده طبعا بعد اذنك
و حكون مشكور جدا لذلك لان فعلا فيه اعضاء كتير بتسأل على العربية دى و محدش من الاعضاء اللى ممتلكين العربية دى بيعمل تقرير عنها
و اسف انى طولت على حضرتك و حضرتك نورتى المنتدى من تانى

المشاركة الأصلية كتبت بواسطة haneena

السلام عليكم ورحمة الله وبركاته

أنا باعتذر عن انقطاعى لفترة طويلة عن المنتدى بصراحة لانى لاقيت حاجات كتيرة فيه مش عاجبانى من بعض الاعضاء وبعض افراد الادارة كمان

المهم انا عايزة ارد عن كل الاسئلة اللى الاخوة بيسألوا فيها عن العربية sx4 لانها معايا من حوالى سنتين ونص موديل 2008 وهى عاملة دلوقتى 38000 كيلو وأنا معايا السيدان

العربية فى المجمل أكثر من رائعة هى فعلا عالية قوى عن الارض بشكل ملحوظ ومريح جدا فى السواقة مش باقلق من اى مطب مهما كان علوه ومهما كنت محملة فى العربية الحمد لله
وهى من جوة واسعة اوسع من الماتريكس والاكسنت واليارس وفى نفس الوقت من بره حجمها ملموم ودى ميزة طبعا فى الركن
العربية موتور قوى وسحب اكتر من ممتاز ودى اكتر حاجة عجبانى فيها وبالرغم من علوها الا انها ثابتة فى الملفات يعنى انا باخد ملفات حادة بيها على 80 ومش بتخرج عن حارتها ابدا
وفى حاجة انا لاحظتها فيها وكنت قلت معلومة خطأ ومش مقصودة بسبب الملحوظة دى وان التكييف مش بيأثر نهائيا على سحب العربية ودى حقيقة لاحظتها وبسبب كده اعتقدت ان فيه موتور للتكييف منفصل عن ماتور العربية لكن الحقيقة ان المعلومة دى غلط
لكن فعلا التكييف مش بيأثر على سحبها نهايئا ودى ميزة كبيرة وطبعا تكييفها تلاجة زى كل اليابانى
طبعا العربية يابانى 100%
طبعا العربية فيها اوبشنز كتيرة حلوة بالنسبة لسعرها ومتهايألى كل الناس عارفاها
العربية ادائها مااختلفش من يوم ماجبتها ومبسوطة منها قوى ومريحانى جدا
وللامانة اللى يعيب العربية دى عدم انتشارها اللى مخلى قطع غيارها مش متوافرة غير فى التوكيل بس الاسعار فى التوكيل فى نفس رينج باقى التوكيلات
وللاخوة اللى بيسألوا عن التوكيل هو توكيل مودرن موتورز وهم ناس محترمين ومحترفين وانا مرتاحة معاهم وماصادفنيش مع التوكيل اى مشاكل وطبعا انا باتكلم عن مودرن موتورز اسكندرية مااعرف باقى الفروع نظامهم ايه
ارجو انى اكون اجبت عن اسئلة الاخوة وانا تحت امركم فى اى اسئلة تانية

الحقيقة مشاركة قيمة .. مشكورة جدا عليها ..

الفترة اللى فاتت كنت محتار جدا ما بين ال SX4 و مابين التيدا .. بس غالبا هجيب ال SX4 .. و ده لسببين .. أولا ان السوزوكى يابانى 100% .. أما التيدا تقفيل مكسيكى .. و تانى سبب هوة التصميم الخارجى .. ودى طبعا أذواق

بس بصراحة اللى شايفه نقطة ضعف شوية فى ال SX4 (و ياريت تصححيلى لو كنت غلطان ) هوة التابلوه .. حاسس انه فقير شوية مقارنة مع عربيات كتيرة بنفس السعر .. برضه الزراير الكتير فى التابلوه بتعمل منظر :

و برضه الشنطة ( أنا كل ده بتكلم على الهاتش باك ) .. حاسس انها ممكن كانت تكون أكبر من كدة .. يا ريت بما انك جربتيها .. تقوليلنا رأيك فى النقطتين دول ..

المشاركة الأصلية كتبت بواسطة haneena

اشكر حضرتك لذوقك وباعتذر عن موضوع التقييم ده فى الوقت الحالى ولكن هاحاول بإذن الله انى اعمله ولو انى كنت عملت تقييم قبل كده عنها اول مااشترتها والتقارير اللى هنا موضحة كل امكانياتها أما بالنسبة للمشاكل اللى صادفتنى فيها فالحمد لله مفيش اى شئ انا باعملها الصيانة الدورية العادية فى مواعيدها مع التوكيل ومفيش اى مشاكل قابلتنى مع العربية او مع التوكيل والعربية جميلة بجد ومريحانى الحمد لله وعلى فكرة انا من النوع اللى بيزهق بسرعة وباحب اغير العربيات كل سنتين تقريبا والعربية دى صعبانة عليا ومش حابة ابيعها لكن انا عارفة نفسى مش هاكمل بيها تلات سنين وكده يبقى تمام قوى عليها وربنا يسهل واقع فى عربية تانية يكون ادائها احسن منها او على الاقل زيها لأن سحب العربية دى اكتر من رائع بجد ودى اكتر حاجة عجبانى فيها

الشكر لله يا فندم و حضرتك اللى كلك ذوق و احترام

اما بالنسبة للمواضيع للى كانت عن العربية,فديه قديمة و الناس اكيد عاوزة تعرف العربية عاملة ايه لحد دلوقتى مع ملاكها عشان يتأكدوا من اعتمادية العربية خصوصا ان العربية بش منتشرة اوى
و انا اسف انى حتعب حضرتك عشان التقييم اللى حضرتك حتعمليه,,بس كله استفادة للكل
و اذا كان على المواضيع,,فا فيه مواضيع ضاعت كتير,,لان المنتدى عمل تجديد للسيرفر
و ربنا يباركلك فى العربية اللى معاكى و تشترى ان شاء الله عربية افضل منها و يباركلك ربنا فيها
اسف على الاطالة
و شكرا

انا جربت قياده ال sx4 لمده يوم كامل سيدان اتوماتيك 18000 كم وقارنتها مع الاتى الانسر 1600- الكروز - الكرولا.
السياره سيئة جدا من ناحية التعليق ( العفشه) والتسارع
الارتفاع عالى زياده عن اللزوم
اشترى لانسر او كروز افضل منها او ادفع اكتر واشترى كرولا