الموضوع: إدفع الضريبة العقارية على شقتك وإلا فالحكومة سترميك في الشارع (واللي مش عاجبه يهاجر)

المشاركة الأصلية كتبت بواسطة samehafez

يا سلام
ايه المشكلة يعني جت علي دي
زمان كنا رجالة ووقفنا وقفة رجالة و لما خلوا كيلو اللحمة بجنيه و قفنا وقلنا لا و لما زودوا سعر الرغيف قرش ساغ قلبنا البلد
دلوقتي ...فين الرجالة ؟!؟!؟!؟ كيلو اللحمة ب 45 جنيه و الرغيف مش لاقيينوا و بندفع فلوس عشان نسكن في شققنا التمليك و بندفع ضرايب مبنستافدش بيها
و بتدفع مخالفات ده لو فكرت تنزل من بيتك
و البنزين غلوه و السجايرر هيغلوها تاني
بتدفع في الفنادق اغلي من الاجانب وهما ياخدوا الغرف اللي فيها lcd و انت التلفزيونات النصر ...
احنا القطرات بتولع بينا و لو فيه اجانب يعطلوا القطر لحد ما سعادتهم يركبوا
انت في مصر فيه اماكن مكتوب عليها ممنوع دخول المصريين
انت في مصر فيه اماكن مكتوب فيها ممنوع دخول المحجبات

يا سلام جت يعني علي ال 150 جنيه بتوع الضريبة ما ياخدوها يا عم

يا ناس من كتر السلبيات اللي في بلدنا انا خايف اصحي في يوم اجي ادور العربية متدورش ... يكون الطرف الموجب بتاع البطارية اختفي بقوا الاتنين سالب

أطمئن مش لوحدك بطاريات رجالة البلد كلها نايمة من زمان و بنمشيها بالزق
و يجعلة عامر

المشاركة الأصلية كتبت بواسطة د.أحمد سمير

قانون الضرائب العقارية معيب وغير دستوري لسبب بسيط جداً
وهو أنه يفرض ضريبة على رأس المال ..
الضرائب تفرض على الأرباح وليس على رؤوس الأموال ..
وكل قانون يفرض ضريبة على رأس المال غير دستوري

الضريبة العقارية تدفع في الغرب أنا شخصياً كنت بدفعها

الضرائب العقارية يا جماعة بتدفع من زمان اللى هيا العوائد وكانت بتدفع فى الاحياء المحلية واحنا بيتنا ثلاث أدوار بيت العائلة وكنت بروح أدفع العوائد كل سنة حوالى من 60:100 جنية على كل البيت تقريبا دلوقتى هما مش هيخدوا عوائد اللى هيا ضرائب عقارية الا من أصحاب العقارات أو الشقق التمليك التى تقيم بأعلى من 500 ألف مش متأكد أوى ممكن 200 ألف مش أقل من كدة يعنى ذى بعض الآخوة ما قال مستهدفين فئة معينة اللى هيا أعلى من 500 ألف وكتابة الاقرار مش هتخسر حاجة هى مجرد اجراء روتينى ممكن تعملوا لما تبقى فاضى فى أى وقت تجنبا للمشاكل مش أكتر وأغلب الناس ومعظم متوسطى الدخل مش هيجى عليهم ضرائب عقارية يعنى بأذن الله احنا فى بيتنا مش هندفع دلوقتى لا ضرائب ولا العوائد اللى كنت بدفعها قبل كدة لان البيت عند تقيمة لن يقدر ب 500 ألف أو 200 ألف بس غالبا هما بيحسبوا على 500 ألف . والله المستعان وحسبى الله ونعم الوكيل ولا حول ولا قوة الا بالله .

المشاركة الأصلية كتبت بواسطة abdm

الضرائب العقارية يا جماعة بتدفع من زمان اللى هيا العوائد وكانت بتدفع فى الاحياء المحلية واحنا بيتنا ثلاث أدوار بيت العائلة وكنت بروح أدفع العوائد كل سنة حوالى من 60:100 جنية على كل البيت تقريبا دلوقتى هما مش هيخدوا عوائد اللى هيا ضرائب عقارية الا من أصحاب العقارات أو الشقق التمليك التى تقيم بأعلى من 500 ألف مش متأكد أوى ممكن 200 ألف مش أقل من كدة يعنى ذى بعض الآخوة ما قال مستهدفين فئة معينة اللى هيا أعلى من 500 ألف وكتابة الاقرار مش هتخسر حاجة هى مجرد اجراء روتينى ممكن تعملوا لما تبقى فاضى فى أى وقت تجنبا للمشاكل مش أكتر وأغلب الناس ومعظم متوسطى الدخل مش هيجى عليهم ضرائب عقارية يعنى بأذن الله احنا فى بيتنا مش هندفع دلوقتى لا ضرائب ولا العوائد اللى كنت بدفعها قبل كدة لان البيت عند تقيمة لن يقدر ب 500 ألف أو 200 ألف بس غالبا هما بيحسبوا على 500 ألف . والله المستعان وحسبى الله ونعم الوكيل ولا حول ولا قوة الا بالله .

+1111

سمعت ان الشقق اللى فوق 500 الف فقط .

المشاركة الأصلية كتبت بواسطة casperinoo

وكمان قريت علي مصراوي انك ممكن تملاه اون لاين بس فين بقي مش عارف

اكيد طبعا ده حاجة بسيطة من الحكومة النظيفة الذكية الى بتحاول تخفف العبء على المواطنين وبدخل النت فى كل حاجة وانا عايز الاخوة العضاء ينظرو للموضوع نظرة ايجابية الحكومة عملة الموضوع ده عشان نقدر نتعود نملا اقرارات على النت ونتعود على العولمة و التكنولوجيا الحديثة.
ومقدرش اقول غير يعيش مولانا وقرع مولانا اقصد بطيخ مولانا
حاجة تقرف!! وحسبى الله ونعم الوكيل .