اقتباس المشاركة الأصلية كتبت بواسطة Hosam_Optrawy مشاهدة المشاركة
على فكره الكروز برضه بتخرج من مصنع جنرال موتورز دايو بكوريا

واللاسيتى بتتباع فى كوريا بعلامة دايو وخارجه من نفس المصنع

يبقوا حاجات حقيره برضه ؟

والبرتون طبعا احسن ؟

على اساس ايه ؟
مع احترامي لكل ملاك شيفرولية انا مقصدش اشتم حد
بس انا بتكلم عن عربية لو هنت فيها شوية اخرها 10 او 11 سنة و تلاقيها فيصت خلاص
انما لو عربية اوربى او ياباني تعد معاك بال 40 و 50 سنة لما تبدأ تكحكح فعلا
تكنولوجيا كوري مفيش بمعنى مفيش (كله مقتبس من الياباني و الاوربي) حتى الشكل في بعض الموديلات مفيش ابتكار
بص الكوري حلو بس كله مقتبس و انا مبحبش المقتبس لان مهما اقتبست من مطور للتكنولوجيا عمره ما هيديك احسن حاجة عنده اكيد هيديك الاقل دايما عشان هو الاصل و لازم يفضل مميز

مثال:
تكنولوجيا VVT اللي موجودة في النيو اكسنت دلوقتى ده فيات مبتكراها من سنة 1960 اصلا و اول موديل استخدمها كان الفا روميو عام 1980 و دلوقتى كل عربيات فيات موجود فيها التكنولوجيا دي ومن غير ما تكتب فيات كده عليها اصلا لانها تكنولوجيا قديمة و يبقى عيب اننا اتمنظر بتكنولوجيا انا عاملها من 50 سنة
دلوقتى النيو اكسنت حطاها على عربياتها عشان تغري الناس و كتير اوي فاهمين انها مش موجودة غير في النيو اكسنت

مثال تاني:
الايزي ترونيك
قللي كام عربية كوري فيها الايزي ترونيك (مش ستب ترونيك)
و هو موجود في معظم العربيات الاوربي و الياباني و الاوربي اكتر
البونتو اللى معايا فيه منها ايزي ترونيك بس منزلتش مصر

و خد من ده كتير
عشان كده انا مبحبش الكوري ولا عمري هشتريه
و لو شفت اي موديل كوري لو رحت لنفس الفئة منه ياباني او اوربي ممكن يكون اغلى شوية (ان مكنش نفس السعر) بس احسن منه بمراحل
عمرك شفت شيفرولية اوبترا بتطلع من بي ام دبليو 316i؟ مستحيل طبعا عشان فرق التكنولوجيا
ولا الكروز تطلع منها
و الاوبترا متطلعش من اللينيا 1400 سي سي بالعكس اللينيا تبهدلها و تزعل صاحبها
و غيره و غيره