احنا فاهمين طبعا ahfares انك مش بتكرهنا فى العربية بس المشاكل دى مشتركة بينك و بين ناس كتير جدا و برضاحة ميصحش تشترى عربية جديدة دافع فيها 70000 وتلاقى فيها المشاكل دى و هو ده بصراحة اللى يسبب الحيرة بينها و بين العربيات التانية .
عرض للطباعة
احنا فاهمين طبعا ahfares انك مش بتكرهنا فى العربية بس المشاكل دى مشتركة بينك و بين ناس كتير جدا و برضاحة ميصحش تشترى عربية جديدة دافع فيها 70000 وتلاقى فيها المشاكل دى و هو ده بصراحة اللى يسبب الحيرة بينها و بين العربيات التانية .
بالنسبة للفيديو فالهزة دي زيادة جدا و مش بالشكل ده و اعتقد انها حالة فردية مش اكثر و هي مش هزة بسيطة في الفيديو ده
يا باشا العربية فعلا جميلة و عدد اللي حجزها و استلمها كل يوم بيزيد و بعدين انا ملاحظ ان حضرتك مركز مع اللوجان اوي يعني احساس انك عاوز تشتريها بس خايف، علشان تحسم الموضوع ده ممكن تعرف عيوب اللانوس و الجيتز و تعرضها هنا و احنا نقلك بالنسبة للوجان ايه قصتها و منها نعرف عن العربيتين دول عيوبهم بس اللي اعرفه ان اللاونس فيها عيوب تقفيل و شفتها بنفسي في عربية كانت عاملة 1300 كيلو و فيها صوت غريب في التابلوه من ناحية الباب اليمين و حتى الان مش معروف سببها و التوكيل بيقول انها مش موجودة و الصوت واضح جدا ليه و صاحب العربية و اي حد يقعد جنب السواق و عيب تاني بالنسبة لتكييف اللانوس احيانا كان بيجيب هوا سخن و لما بيختار الزرار اللي بيخلي الهوا من جوة العربية و مالوش دعوة باللي برة مبيقفلش الهوايات اللي بره ده اللي اعرفه عن التجربة مع الانوس + ان استهلاكها في البنزين عالي جدا و بعد فترة بتحتاج طقم رشاشات علشان رشاشاتها بتبوظ بعد قد ايه ممكن من جولة في منتدى الدايو و الشيفروليه لانوس و مشاكل العربيات الفردية دي بتحصل في كل العربيات عادي جدا بس بيبقى هنا دور الوكيل
مثال على كدة الميجان حبيبة قلبي اللي الناس هريتها اشاعات كان في دفعة فيها عيب صناعة في الكويلات بتاعة البوجيهات الكويل الواحد ب500 جنيه و كانو بيتغيروا مع اول صيانة بعد اكتشاف العيب ده و هكذا مش وكيل هيقعد يماطل معاك على انها عيب صناعة ولا عيب استخدام و هكذا و الاستخارة و بعدين لو فيه اي حاجة الوحوش هنا سدادين منهم رينجو و احمد عبد المقصود و العقيد خالد و كل وحوش رينو كل الناس دي مش هتتأخر عنك في اي حاجة
[OVERLINE]
لوجان سيارة ممتازة والعبوب الى انتى بتقول عليها ديه من لوجانيه بيقيموا العربية بحيادية وذكرو امور بسيطة لا ترتقى الى مرحلة كونها مشاكل ابدا اللوجان لاتقارن بالانوس فهى اقوى منها وكمان سمعت كلام وحش جدا عن عفشة الشيفروليه لانوس الى تم تغيرها عن الموجوده فى الدايو راجع الرابط ده
ط§ط.ط°ط± ط´ظٹظپط±ظˆظ„ظٹظ‡ ظ„ط§ظ†ظˆط³ | Facebook
ولا تقارن بالشاهين رغم انها سيارة قوية هى الاخرى الا انها خشنة جدا وتكييفها تعبان - ده بالنسبة لل 1600 ولاحظ أن مفيش منها زيرو الا كام عربية عند الشركة 1400 الى هيا بدون كماليات ( الشاهين بالتكييف لا يكون الا مع ال 1600 فقط
[/OVERLINE]
0
superiorboy انت فعلا عرفت تقرا دماغى انا فعلا عجبانى اللوجان جدا بس خايف اشتريها عشان كده بش بسال كتير و بجد متشكر جدا على اهتمامك انت و كل وحوش الرينو .
zkralla انا فعلا سمعت كتير عن عيوب اللانوس و بدات اصرف عنها نظر خالص و فى وقت قريب انشاء الله هاكون حسمت المنافسة بين الجتز و بين اللوجان و شكرا جدا على اهتمامكم .
طيب يا باشا انت بتتكلم في فئتين مختلفتين تماما هاتش باك شبابي الى اقصى درجة و سيدان عائلية الى اقصى درجة
انت احتياجاتك اييه؟!
و ياريت لو تشاركنا هنا باللي تعرفه عن الجيتز من مميزات و عيوب
السلام عليكم
طبعا بدون كلام الللوجان ما شاء الله ربنا يبارك لكل الى معاه لوجان والمسلمين اجمع
بص انت اركب مع حد لوجان وشغل التكييف واقفل الزجاج وخليه يجرى بيها لو حسيت ان العربيه ماشيه اصلا .........
لو نفسك فى الهاتش باك استنى اللوجان سانديرو على اول السنه
وربنا يوفقك فى اختيارك
Superiorboy بص يا سيدى انا اولا شاب 20 سنة بس الحمد لله بسوق بقالى كتير من وانا 15 سنة تقريبا , بس لسه عندى سنة رعونة الشباب يعنى احب الجرى طبعا و ده العادى فى سننا و خصوصا ان انا بكون بيها على طرق سريعة كتيير و اصلا انا بطبعى بقضى وقت كبير فى التنقلات بالعربية عشان كده لازم تكون حاجة مضمونة على الاقل 90 % .
مشاكل الجتز يا سيدي يتصدرها توكيلها ( غبور ) و ما ادراك و ما تعامل غبور , العربية فى موتور اكثر من رائع لكنها تفتقر لمعظم عوامل الامان من فرامل و اير باج يقال ( والله اعلم ) من ملاكها ان فى مشاكل فى السنتر و ان تكييفها ضعيف شوية .
Shoka متشكر جدا على مشاركتك و يا ريت تقول معلومات اكتر عن اللوجان سانديرو .
بص يا باشا احنا كة من سن بعض انا محمود جبريل 20 سنة بردو و اتشرفت بمعرفتك تعالى بقى ناخدها بشكل موضوعي
من ناحية الشكل اعتقد ان الجيتز تكسب
اللوجان شكلها مش وحش لكن من ورا الناس مسترخماها انا شايفها كويسة
من ناحية الموتور انا عاوز اققلك ان موتور اللوجان هو موتور ميجان 1 و اكيد رينو مش هتحط موتور اي كلام في المبجان يعيبه بس كام حاجة كموتور اللي هو تكنولوجيا قديمة شوية من سنة 99 و انو 8 صباب مش 16 زي ال mcv و صوته العالي شوية و اللي قلنا انو بيهدى بعد كدة
اما بالنسبة لموتور الجيتز فاعتقد انو SOHOC او حاجو كدة و ده تكنولوجيا جديدة و اسمع عنو انو كويس جدا
لكن تعالى نشوف باقي الخاحات في حالتنا هنا انت عاوز تجري يبقى معنى كدة انك عاوز ثبات طيب اخبار وزن العربيتين؟!
الجيتز مرة سمعت هنا في المنتدى كانت مقارنة بينها و بين حاجة تانية انها مرة اتزنقت على رصيف جابو ملتين سرير و نزلو العربية عليها و الملل ماتكسرتش فمعنى كدة انها خفيفة و ده مع موتور قوي و طرقنا الرائعة مع عدم وجود ABS + EBD و كاوتش عريض اعتقد انها هتمثل مشكلة
نيجي للوجان موتور عفي فعلا و تسارع مش بطال و جرب تعمل search على اليوتيوب و هتلاقي فيديوهات رائعة على تسارع اللوجان و ثبات مش ممكن انا اول مشوار ليا على الطوالي جبت بيها من غير ماقصد على محور المريوطية الجديد ده 120 و محستش انها ماشية و ده بسبب كاوتش عريض عفشة ممتازة و وزن معقول و اللي عاوز اقلهولك كمان ان العربية دي اصلا بتنزل برة بنفس البودي بموتور 1400
نيجي للامان اللي فيها
العربية واخدة 3 نجوم امان و ال3 مش بسبب انها وحشة في الكراش تيست لكن علشان مثلا اليرباج اللي جنب السواق اختياري، ال ABS اختياري وهكذا و اعتقد انها لو كانت اساسيات في العربية العربية دي كانت هتاخد مش اققل من 4 او 4.5 نجمة لان الكراش تيست فعلا العربية مدخلتش الهوا على اللي راكبين جوة و الازاز حتى ماتكسرش و ممكن حضرتك تشوفو بردو على اليوتيوب بردو + ان العربية دي فيها ايرباج و التانية لأ العربية دي فراملها ممتازة التانية معرفش اهبارها ايه اللوجان عربية على المدى الطويل مش هتحتاج تغيرها علشان تبقى عربية عائلية الجيتز مش عارف بس انا افضل اجيب الحاجة اللي تعمر مش اللي اغيرها كمان فترة قصيرة
اللوجان وكيلها محترم و الجيتز وكيلها ................
و شوف اللي هتستريحلو ايه بس اعمل حسابك امي هاخد لفة :)
superiorboy يا باشا العربية كلها تحت امرك , ةالله انا سعيد بمعرفتك و معرفة كل الاعضاء اللى شاركونى النهاردة .
بجد انا احترمت مقارنتك جدا بين اللوجان و الجتز لان فعلا الجتز خفيفة و انا كمان بحب شكل اللوجان انا مش شايفه وحش وكمان اللون البترولى و النبيتى بتوعها جامدين جدا و ربنا يوفقنا انشاء الله باللى فيه الخير و اكيد هنكون على اتصال لما يحصل نصيب انا قدامى حوالى 10 ايام و احجز عربية و لحد النهاردة 70% هتكون لوجان:S_thum1[1]:
إضغط هنا : سانديرو