المشاركة الأصلية كتبت بواسطة superiorboy
مبدئيا مفيش اي سبب للاسف على التاخير
تاني حاجة من فضلكم يا جماعة بلاش حضرتك دي انا اسمي محمود و بس
بالنسبة لقصة الموتور و كهربته انا مفهمش فيها اوي لكن عندي معلومات بسيطة جدا
هو فعلا العربيات الانجيكشن كلها شغالة على حساسات بمعنى ان في اماكن معينة بيبقى متثبت فيها حساسات الحساسات دي بتبعت القراية بتاعتها للكومبيوتر بتاع العربية علشان يبدء يدي كل حاجة حقها يعني ليه العربيات الجديدة مبتسقفش زي ال128 مثلا علشان الحساسات بتدي القراية للكومبيوتر فيبدأ يخلط لهوا و البنزين مع بعض بشكل معين علشان متسقفش و هكذا فاعتقد ان كلامو مظبوط
لكن
في بعض السوفتوير اللي بيبقى على الكومبيوتر ممكن يعدل الكهرباء دي لانو بيعدل الsettings بتاعة الكومبيوتر نفسه و انا مفضلش ده لانو لعب في الحاجت الstandard بتاعة المصنع اللي العربية معمولة عليه
اما بالنسبة للفتيس فانا بردو لازلت مش قادر احكم عليه بس اعتقد انها زيادة عندك شوية
و اكرر مرة تانية بالنسبة للكلام اللي قلتو فوق ده ان انا مبفهمش قوي في القصص دي لكن دي معلومات بسيطة على قدي و لو في اي حاجة غلط من فضلكم صححولي