زى ما العنوان بيقول أنا بتكلم بجد
فيه ناس على الدائرى بتشوفهم ماشيين و كل العربيات بتحود عليهم و هما بيحودوا على كل العربيات

وفى ناس تانية سواقتهم ملوكى ماشيين على 90 بسرعة ثابتة و الناس محافظة على المسافة بينها و بينهم لأنهم عارفين إن دول ناس بشوات فى السواقة و كمان تلاحظ إن العربية اللى سواقها ملوكى كأنه ماشى و الكل بيبص عليه و بيحترمه و طبعا ما حدش بيشتمه لأن الكل مراعيه ما هو باشا بقه.

أنا بتكلم بجد الناس اللى من النوعية دية بيسوقوا إزاى حد يعرف؟ و على فكرة ما بتفرقش معاه عربية مرسيدس أو دايو فى أى ماركة نفس الوضع الكل بيحترمه و بيحس بيه و يبعد عنه.

بأمانة لو حد ركز فى كلامى حتلاقى السواق اللى من النوعية دية بالبلدى كده فعلا بيثبت العربيات اللى ماشية على الطريق و يخليها تحفظ مركزها.

أرجوا الإفادة من البشوات المحترفين أما شباب العربة الطائشة و الخمسات و طريق المطار فيمتنعون لأن أسلوبهم مش محتاج تعليم أساساُ.