انا بسأل بس عن قيادة الأيزى ترونيك ومش عارف هل هو عملى ولا لأ خاصة فى الأوب فكترا...... ولكم جزيل الشكر.....
عرض للطباعة
انا بسأل بس عن قيادة الأيزى ترونيك ومش عارف هل هو عملى ولا لأ خاصة فى الأوب فكترا...... ولكم جزيل الشكر.....
لا يفيدك فى الموضوع ده غير خالد ايمن
بس هى بوجه عام مبنية على مانيوال
متابع
خالد بك هيرد على طول بتقرير مفصل انا عارفه كويس
أنت فين يا مستر خالد.....
خالد ايمن و مصطفي فاروق و اسلام عاكر و الدكتور احمد سعد الدين..
و في ناس تانيين بس بصراحة مش فاكر الاسماء قوي..
بس متقلقش.. الناس كتير و هيردوا عليك باذن الله..
بص يا سيدى الايزى تروزنك فيه 2 مود
الاتوماتك ويرمز له بالرمز A فى dashboard
والمود ده حضرتك شكليا زى الاتوماتك تماما حضرتك مش حتلمس الفتيس تماما بعد ما تجيب اتوماتك انت بس تخف (مش ترفع حتى) رجلك عن البنزين عشان العربيه تنقل
طيب لو ما حفيتش رجلك عن البنزين ولا حاجه العربيه حتنقل عادى بس حيكون فى نتشه خفيفه وده ما بين الاول والتانى بتحس اوى بالنتشه بس بعد كدا فى النقلات التانيه مش بتحس اوى بالنتشه حتى لو ما خفتش رجلك عن البنزين
جمال الموضوع فى راى انك تقريبا بتتحكم فى النقلات كأنك عندك دبرياج بس هو مش موجود
حركة رجلك على البنزين هى الى بتحدد
رجلك خفيفه على البنزين العربيه بتقل لما انت تخف بنزين بس طبعا بعد ما تكون عديت 2500 على rpm
ضغط جامد على البنزين فالعربيه تشد وتلاقى rpm يعلا ل 4000 وينقل متأخر
يعنى من الاخر العربيه بتتفاعل معاك حسب سواقتك
مود المانول وده حضرتك حتحرك الفتيس للامام والخلف وتنقل لما انت ترغب تماما
لا يوجد نتشه تماما فى هذا المود
طيب لو انت نسيت تنقل او اتأخرت فى النقل
عموما الفتيس مزود ببرنامج حمايه من حجتين
1 ان العربيه تكرركر او تقف
2 انك تؤذى الموتور يعنى تعلا rpm لدرجة كبيره اة تذخل فى المنطقة الحمراء فى rpm
هذا يعنى انه فى المانول مود العربيه حتنقل لوحدها لو انت نسيت تنقل والعربيه كانت حتكركر او الموتور لفاته حتزيد اوى فالعربيه تعمل النقله لحمايه العربيه والفتيس
طيب ايه الفرق بقى
الفرق انه فى المانول مود النقل فى حاله الخطر فقط على العربيه اما الاتوماتك مود فينقل حسب حركة رجلك على البنزين
طيب ايه الوحش فى الفتيس؟؟؟
اولا العربيه عموما معقده الى حدا ما و مش سهله جدا
السواقه بالفتيس محتاج شويه تعود
بس اوحش شئ على الاطلاق لما تهدى فى بعض الاحيان تسمع صوت تككككككككك
الى هو صوت فصل الحركة
الموضوع ده هو الاسوء بس ليه حل مع التوكيل ان شاء الله
واى خدمة يا باشا
الله ينور ياباشا
استاااااااااااذ
اكيد استاد
شرح وافى
وكمان الفتيس دة فى كمبيوتر لتصيحي اخطاء السواقة النتجة عنك ودة الجميل فى الموضوع لاعطائة اكثر مرونة وعمر اطول
بس انا عايز اقول حاجة الفتيس دة ولا هو اتومتك ولا منوال هو فتيس جديد شكل تانى من الفتسات التقدم التكنولوجى زى السبترونك لما نزلوة فى bmw والمرسيدس والعربيات الفرنسية كان بردة بيقابل انتقدات لكنة نوع جديد وشكل جديد لا يجب معملتة على اساس انة اوتومتك
الله ينور ياباشا تامر
ودا راي كويس برضه
اساتذه و الله
بس ده فتيس على قد كده معقد بس جامد قوى
سمعت ان الفتيس ليه سوفت وير
احمد باشا شرف الدين ..
استاذ و مينفعش اقول كلام بعده ..
بالنسبه للفتيس فى اضافه صغيره ..
الفتيس ده ليه سوفت وير خاص بيه ..
بيحدد توقيت النقلات (يعنى الفتيس بيستغرق اد ايه فى النقله من الاول للتانى مثلا سرعه التعشيق يعنى)..
السوفت وير الى فيها سرعه التعشيق بطيئه شويه ..
فى صيانه ال 5000 هتطلب منهم السوفت وير الجديد ..
ده لما ينزل هتحس ان الفتيس بقى هااااادى..
و النقلات بقت اكثر هدوءا و سرعه (و هى اصلا كويسه مفهاش حاجه),,
بالنسبه لصوت التكه ده خفيف جدا و بيحصل فى حاله ان رجلك مش على الفرامل و فى نفس الوقت العربيه بتنزل من التانى للاول ..
و سالت فى التوكيل قالى متخفش ده مش حاجه غلط هى كده و حتى برا كده ...
الفتيس ده بعد تجربه 9000 كم ..
انا اعترف انه افضل فتيس ركبته فى حياتى ..
بس طبعا مش افضل من المانيوال العادى ..
انا قصدى انه احسن من فتيس الاوكتافيا و الاوبل الاوتو العادى ..
و رأيى انه ميزه فى العربيه مش عيب ..
انا شفت ناس بتقول عليه اللى مركبش عربيه ايزى نرونيك يبقى مركبش عربيات
فعلا ..
و الى مركبش ايزى ترونيك ميتكلمش عليه لان الغالبيه مش فاهمه و بيفتى و خلاص !!!!
الشعب هنا بيتحرج يقول معرفش !!
لأ يا راجل
انزل الشارع و اسأل اى حد قوله ايه رأيك فى الأيزى ترونيك
هيقولك حلو بس بيعمل حموضه باليل و لازم تاكل وراه علبتين زبادى نستله ام وش عشان الحموضه تروح بس هو كويس بيضيع الصداع و البرد و الم الأعصاب و بيعالج القلب و السكر و الضغط و كل امراض الدنيا و خليك دايماً خده على معده فاضية
و التانى يقولك وحش قوى اصله بيحك فى المطبات و صوته على الأرض عالى بس هو كويس عشان كورى و نازل فى العربيات الجديده كلها
و هتسمع العجب
استحاله هتلاقى حد يقولك طيب هو ايه ده يا بيه
و ممكن واحد يضربك بونية و شلوت و يقولك بتشتم ليه يا بيه انت شكلك كان راجل محترم
مش عيب برمجة اى عربية بتبقى تحت الأختبار و بينزل updateكل فتره لمعاجة العيوب
او تعديل فى كفاءة الأداء
هو فعلا تعديل فى كفاءه الاداء ..
لان الفتيس قبل السوفت الجديد مش معيوب ولا حاجه ..
هم بس فى السوفت الجديد حسنو الاداء ..
يعنى انا صح
طب سؤال بقه ....
هو السوفت وير الجديد ده لازم يعني ينزل في صيانة ال 5000 ؟
ولا ممكن ينزل وقت ما الواحد يحتاجه؟ مثلا بعد شراء السيارة فورا ؟
أصل أول أما تسأل بتوع منصور بينكروا أصلا ان في حاجه اسمها سوفت وير جديد ... يقوللك أبدا أبدا مافيش كده وهو سوفت وير واحد وزي الفل !!!!!!
بصراحة زي ما خالد سبق وقال أكتر من مرة ... العربية دي ممتازة لكن يعيبها توكيل منصور ....
وتوكيل منصور يعيبه في الأساس وقبل كل شئ ... انعدام الشفافية في التعامل .... هو يعني أحسن من مين من التوكيلات ......
ايه موضوع السوفت وير دا
السوفت وير بتاع الفتيس بيتحكم فى توقيت التعشيقه..
يعنى الوقت الى العربيه بتاخده فى النقل من غيار للتانى..
السوفت وير الى العربيه بتنزل بيه التوقيت ده طويل شويه ..
فبتحس ان السحب توقف و رجع تانى و هى العربيه بتنقل ..
و مش زى ما انتو متخيلين انك لو بتشد مع حد هيسبقك بسبب كده ..
لا ده فى جزء من الثانيه ..
لكن بتحس بيه (فى الغيار من الاول للتانى لكن بعد كده مفيش حاجه)...
السوفت وير الجديد بقى (يعتبر تعديل فى السوفت و ليس سوفت جديد)..
قلل زمن التعشيقه ..
فبقت اسرع ..
و اكثر سلاسه و هدوء ...
و لو روحت منصور قلت عايز السوفت الجديد هيقولك لا مفيش حاجه اسمها كده (ده بالنسبه لمهندسى الصيانه)..
لو سالت المبيعات هيقولك اه فى سوفت جديد ..
(ده ان دل على شىء فهو يدل على انه وكيل حرامى)...
عشان تنزل السوفت وير الجديد ..
روح منصور
و اعمل زعلان
و مش طايق العربيه ولا الفتيس ..
و ارمى الجته عليهم ..
هيطلع مهندس يجرب معاك ..
كل ما تلاقى العربيه بتنقل قوله شوووووووف
لالالالالالا
شوفت النتشه
اعمله حوار و حسسه ان العربيه قريب هتنفجر بيك ..
هيقولك اتفضل فى الاستراحه و انا هشوف الفتيس ..
هنعمل check عليه يا فندم ..
و الى هيعمله هو تحديث سوفت العربيه ...
و لما تجرب بعد كده هتحس ان النتشه بين الاول و التانى شبه منعدمه ..
انا عندى يعتبر مفيش نتشه حتى لو مخفتش رجلى من على البنزين ..:w6266d
خالد بك , اعتقد ان الكلام ده مضبوط بس يحتاج لبعض التعديل لان الزمن مش معيار للتعشيق و انما تسارع العربيه مع عدد لفات المتور بدليل انى ممكن امشى فتره طويله على التانى مثلا بدون ما ينقل للثالث, و لا ايه رايك. و لا قصدك زمن التعشيقه.
الله ينورياخالد
شكرا يا خالد على التوضيح
حتى هوا بخيل ف دي كمان الله اكبر
حرام والله منصور ......
ميه ميه يا خالد
خالد ملك السى
فعلا يا باشا ..
انا قصدى زمن التعشيقه نفسه ..
و على فكره الكلام ده كله ناتج من تجربتى للعربيه و قابل للصح و الخطا ..:mahf(5):
انا تحت امرك يا باشا
أأمر و انا اخدمك فى اى وقت يا جميل ..
ياااااه
فى حاجات اكتر من دى يا باشا ...
ههه
تلميذك يا كبير
اللقب ده كبير عليا اوى يا معالى الباشا :36_3_18[1]: