بسم الله الرحمن الرحيم


فى ناس كتير اوى بتعانى من موضوع جلد الماستر انه دايما بيضرب ويخلى زيت الباكم ينقص وخصوصا مع سيارات الطنابير(الشاهين-ال128-البيجو القديم .......الخ)




السبب فى الموضوع ده هو زيت الباكم لان فى السوق فى نوعية زيت باكم ردئ جدا وده الى الاغلبيه بتستعمله والى علبته بلاستيك لونها اصفر والزيت ده بيكون فيه كحول(سبرتو)والكحول ده بيخلى الجلد بتاع الماستر يوسع(ينفش)وده عن تجربه




ولو عايز تتاكد حط شوية زيت باكم من النوع ده فى كوبايه وحط فيها جلدة ماستر فرامل وسيبها يومين وشوف هايحصلها ايه





وافضل نوع زيت باكم هو الزيت الفرنساوى الى فى علبه صفيح واسمه بيندكس pendix الزيت ده نضيف جدا وعن تجربه سنتين




اما سعره: العلبه الكبيره كانت ب10 جنيه ولما الحوار اتعرف والاقبال زاد كعادة التجار زودوا وبقى ب12



اما العلبه الصغيره فبحوالى 6جنيه والله اعلم



الكلام ده عن تجربه


ملحوظه:فى زيت باكم علبته لونها اصفر برضه بس اماراتى فى ناس قليله بتقول انه كويس بس بصراحه انا ماجربتوش لان البيندكس انضفهم


الموضوع مش منقول وده من تجربه شخصيه



....*اسالكم الدعاء....*