الاخوة الافاضل

أخو المدام معاه النترا مو 98 و التكييف مجننه , الاول شحنه و بعد حوالي اسبوع لقى الفريون مسرب و التكييف هواه سخن بعد كده راح التوكيل بناء على نصيحة مني و كشفوا له على التكييف و قالوا له الكمبرسور تمام و كل حاجة سليمة و قالوا له أكيد اللي شحن لك قبل كده شحنوا بفريون مضروب و شحنوا له التكييف مرة ثانية و غيروا زيت الكمبرسور و لكن المرة دي بعد حوالي شهر لقى التكييف شغال هوا بس مافيش فريون و قال لي : الله يسامحك يا أبو نسب أنت اللي نصحتني أروح التوكيل و طلب مني اسأله له عن لغز تسريب الفريون .

أنا لي عدة اسئلة :

أولا : هل من الممكن يكون فيه تسريب في السربنتينة الامامية خاصة انه من حوالي سنة أخذ خبطة كسرت وش الفانوس الامامي و غير معاه الاكصدام و لما بصيت على السربنتينة الامامية بتاعة التكييف عنده لقيت فيها آثار خبط .

ثانيا : هلى توجد وسيلة للكشف على تسريب الفريون من السربنتينة يعني زي سربنتينة الرادياتير لما بتكون بتسرب بنفكها و نحطها في حوض مياه و نكبسها لحد ما نشوف المياه بتخرج منين , هل يوجد أختبار مثيل لسربنتينة الفريون ؟؟؟؟؟؟؟؟؟؟؟

و لو كان هل توجد وسيلة لاصلاحها و الا بتتغير اسهل من التصليح و اللحام الغير مضمون ؟؟؟؟؟؟؟؟؟؟؟؟؟

ثالثا : هل توجد وسيلة اختبار للكمبرسور زي كبس الموتور كده خاصة و ان فكرة كمبرسور التكييف مقاربة لفكرة موتور العربية .

رابعا : تقريبا كم سعر سربنتينة التكييف الامامية لان الخلفية غالبا عنده سليمة أذ انها في داخل التابلوه و احتمال تلفها أقل .

خامسا : الراجل اتعقد من التوكيل لانهم قعدوه ثلاث ساعات و في الآخر أخذوا 300 جنيه و بعدين ما فتش شهر و الفريون سرب فهل توجد ورشة تكييف كويسة بتراعي ربنا و بتصلح كويس حد يعرفها و مش مهم المكان فين , هو ساكن في مدينة نصر لكن ممكن يروح لاي حد بس يكون مضمون .

عذرا للاطالة و كثرة الاسئلة لكن أنا محرج من الراجل و قلت له اعرف مهندسين شاطرين على النت و أنا عارف أن خبرة الاخوة في المنتدى كبيرة خاصة المهندسين سبعاوي و سمير عياد و باقي الاخوة بدون أن أنسى أحد .

شكرا لكم .