المحرك بيبطل عند تهدئة السرعة

**Maged_Samy** · 30-10-2009 07:54 PM

عندى مشكله انى لما بقطع مسافة طويله بسرعة عالية ثم ابدأ فى التهدئه ولرفع قدمى من على دواسة البنزين العربية تبطل علطول ومجرد ما ادور تدور علطول والعيب يروح والغريب ان العيب ده مش علطول بيظهر وانا احترت فيه وارجو ان لاتتضمن حلول سيادتكم الآتى :
1- فلاتر وطلمبة البنزين .
2-الابلاتين والكوندثر والاسبراتير .
3-ضبط الكهرباء واسلاك البوجيهات .
4-الدينمو والبطارية .
5-كابل ماس الارضى .
6-بوبينة التكرير.
6- نوع البنزين .
7-فلتر الهواء .
8-انسداد مواسير العادم .
9-نوع زيت الموتور والفلتر .
10- تغيير البوجيهات .
11- ضبط التكيهات .
ولدى شك ان العيب بالكربراتير مع العلم ان منظفه وغير البك ببك اكبر دون جدوى وهل ممكن يكون العيب فى بك السلانسيه ؟ مع انها بتدور سلانسيه زى الفل ؟

شكراً لكم واعتذر عن الاطالة .....

**aymansaad** · 30-10-2009 08:07 PM

ممكن البكات عايزه تتنضف او البنزين مش كويس

**Maged_Samy** · 30-10-2009 08:54 PM

الموضوع ده بقالة كتير اوى والبنزين اتغير مئات المرات والبكات ان نظفتها وغيرتها زى ما اشارت فى الموضوع

**samirayad** · 30-10-2009 09:12 PM

أحتمال يكون فلتر الهواء اللى أتغير مسامه كبيره
وبيعدى زرات تراب من الجو وبتعمل سدد فى بيك السلانسيه مع السرعه
وبرضه فيه سؤال
هل البوجيهات كانت طالعه نظيفه وقفت تغييرها ولا كانت معرقه زيت خفيف

**sweetheart_** · 30-10-2009 11:06 PM

بص انا حصل معايا نفس العيب وبرده فى فيورا وبعدين شديت سلك الشفاط شويه عشان اعلى اللفات شويه لحد مروح لحد بتاع كربيراتير وفعلا روحت لواحد بتاع كربراتير وفكه حته حته وغير الجونات وسلك البكات وشيك على كل حاجه وكمان غيرت البوجيهات عشان العربيه كانت بدخن وجبت طقم سن قصير ومن ساعتها مبطلتش بس انا خليته يظبط ال اربى ام على 7 عشان العربيه متترجش وكمان عشان متفصلش فى السلانسيه ومبقتش بتبطل الحمد لله

**Maged_Samy** · 31-10-2009 08:06 PM

(حتمال يكون فلتر الهواء اللى أتغير مسامه كبيره)العيب موجود مع اكتر من فلتر.
(هل البوجيهات كانت طالعه نظيفه وقفت تغييرها ولا كانت معرقه زيت خفيف) البوجيه الرابع معرق زيت . والف الف شكر

**Maged_Samy** · 31-10-2009 08:09 PM

المشاركة الأصلية كتبت بواسطة sweetheart_

بص انا حصل معايا نفس العيب وبرده فى فيورا وبعدين شديت سلك الشفاط شويه عشان اعلى اللفات شويه لحد مروح لحد بتاع كربيراتير وفعلا روحت لواحد بتاع كربراتير وفكه حته حته وغير الجونات وسلك البكات وشيك على كل حاجه وكمان غيرت البوجيهات عشان العربيه كانت بدخن وجبت طقم سن قصير ومن ساعتها مبطلتش بس انا خليته يظبط ال اربى ام على 7 عشان العربيه متترجش وكمان عشان متفصلش فى السلانسيه ومبقتش بتبطل الحمد لله

الف شكر انا فعلا عندى شك كبير ان الكربراتير السبب بس ان مبحبش بتوع الكربراتيرات لانهم بينظفوا الكربراتير بالهواء وخلاص.

الف شكر لردك ولجميع الردود الغالية

**samirayad** · 31-10-2009 08:20 PM

البوجيه الرابع معرق زيت

أنت محتاج تغير كاوتش الصبابات

**sweetheart_** · 01-11-2009 01:06 AM

انا اللى رحتله فكه حته حته وغير كل حاجه بايظه وخد 30 جنيه بس لو عايز مكانه اقولك عليه وكمان بيديك اسبوع تجرب ولو فى اى حاجه بيظبطهالك
هو انت بتظبط التاكيهات دى ازاى وشكلها ايه ومكانها انا ممكن اكون اعرفها بس معرفش انها هى

**SAMEH_FOUAD** · 01-11-2009 06:43 PM

شوف انت بس اظبط كهربا كل دة هايتحل ان شاء الله لان كان نفس عيب فى عربية واحد صاحبى 128 كانت بردة نفس مشكلتك بالظبط كانها عربيتة اللى انت بتحكى عنها ومافيش اختلاف فى نقطة واحدة حتى تعريقة البوجيهات
كل اللى عملة انة ظبط كهربا وعلاها شوية غير بيج السلانسية بواحد اكبر كان عندة مقاس 105 جابة 110 ومن ساعتها مافيش حاجة

الموضوع: المحرك بيبطل عند تهدئة السرعة

LinkBack

أدوات الموضوع

عرض

المحرك بيبطل عند تهدئة السرعة - انشر الموضوع فى :

-

-

-

المواضيع المتشابهه

الجير الأوتوماتيك مش بيبطل ليه ؟؟

عداد السرعة و الحرارة والبنزين ولفات المحرك لاتعمل اوكتافيا 2000

الميه بتروح فين و التكيف بيبطل العربيه معي اكسارا2

الموتور بيبطل مع التكييف

من اين يمكن شراء اشرطة تهدئة السرعة

الكلمات الدلالية لهذا الموضوع

المفضلات

المفضلات

ضوابط المشاركة