الموضوع: الفئة المفقودة فى بيجو

فعلا دى حقيقة هى المشكلة ان الفئة دى مفقودة فى مصر بسبب ارتفاع سعرها ومش فى بيجو بس ده فى فئة الاوربى عموما ماعدا رينو ميجان ودى سعرها معقول لانها بتتصنع فى تركيا يعنى بيجو سيدان وهى 407 بس سعرها غالى
ولو بصينا للفولكس مثلا هنلاقى نفس الفئة الباصات والجيتا وبرضه اسعارهم غالية كذلك بى ام دبليو ومرسيدس حتى الاوبل وهتى تعبتر الفكترا ارخصهم فى الفئة دى بس برضه غالية
حضرتك انا كنت هتكلم فى نفس النقطة دى فى الموضوع ال طرحه الاخ الزميل فى المقترحات ال احنا عايزينها من توكيل بيجو الجديد وهو لازم بيجو تنافس بعربيات محترمة فى الفئة دى لان دى اكبر فئة مطلوبة فعلا فى مصر والناس لما بتيجى تشترى بيجو فى السعر ده مش بتلاقى غير 207 مثلا او اقل فئة فى ال 307 بتيجى على نفسها عشان تركب هاتشباك بس يبقى اسمه راكب بيجو لكن فى ناس تانية مش بتحب الهاتشباك اصلا تعمل ايه؟
وفى ال بيدخل على المستعمل بقى زى ال 406 وال 405 وبرضه مش كل الناس هتركب مستعمل
ياريت لو نوصل للتوكيل الفكرة دى لو هيعمل حتى زى الرينو الميجان لان اكيد الفئة دى لو فرنسى مش هتبقى رخيصة وده بسبب طبعا فرق سعر العمالة والخامات ال بتحطها فرنسا
بس طبعا تكون بيجو ومحترمة زى الميجان كده

يمكن برضه احد الاسباب ان فى فرنسا واوروبا بيهتموا اكتر بفئة الهاتشباك وبيحبوها اكتر من السيدان واعلى مبيعات عندهم هى الفئة دى 206 و207 و307 والجولف والفيات البونتو ولما بيحبوا يجيبوا حاجة اكبر بتكون ستيشن واجن زى ال 307 وال 407 ال sw ده حتى ال406sw وال 407sw ال مش موجودة فى مصر الا نادرا منتشرة هناك

يا جماعة عربيات بيجو مثل 206 و 307 موجود منها سيدان
فى منها هاتش باك وفية منها سيدان بس من الواضح ان السيدان متتقفلش هنا نظرالارتفاع سعرها لمصلحة الوكيل
بس فعلا فيه قصور فى العربيات متوسطة الحجم السيدان المفروض تكون اصغر من 405.406.407 واكبر من 308.307.207.206
بس برضه فيه نقطة العربيات الهاتش باك تعتبر كبيرة فى الحجم وصالونها واسع
وده رابط فيه كل العربيات بيجو الجيل الجديد
Cars

ايوة يا باشا تمام هى فعلا عربية واسعة جدا وجميلة وثابتة ماشاء وده سبب نجاحها وناس فضلتها على السيدان وفعلا زى ما هيرو قال فى منها سيدان بره بس مش بتنزل مصر :(
بس هو استاذ عمرو مش بيتكلم عن الوسع بس هو بيتكلم عن السيدان بالتحديد فى ناس مش بتحب الهاتشباك او ال sw وبتفضل السيدان

شكرآ على الردود
و عذرآ على التأخير فى الرد

انا معاكوا ان 307 واسعة و صالونها مريح
لكن هل ممكن أن يكون مساحة الصالون بتاعها قد مساحة عربية سيدان و هل مساحة الشنطة بتاعتها هتكون بنفس الوسع بتاع السيدان؟
انا لا أظن

الحاجة التانية ان ال307 كمان مش موجودة دلوقتى لإنهم وقفوا إنتاجها و الكلام ده سمعته من المبيعات فى بيجو
يعنى كمان لو قلنا إن 307 ممكن تنافس فى الفئة العائلية أصبحت كمان مش موجودة
و لو إتكلمنا عن 308 فهى عربية غالية
و الحصول عليها مش سهل

النقطة الأهم فى الموضوع
فيه ناس مش بتحب الهاتشباك و عايزين عربية سيدان يبقى لازم يستبعدوا البيجو؟؟

و بعدين التنوع مطلوب برضه ...

إيه رأيكم؟

المشاركة الأصلية كتبت بواسطة amr mokhtar

و لو إتكلمنا عن 308 فهى عربية غالية
و الحصول عليها مش سهل

بس العربية دية نزلة بماتور جبار انتاج مشترك بين بيجو وبي ام فلازم تكون غالية
لكن هى كل المشكلة بتتلخص فى ان اسعار السيارات البيجو عامته مرتفع عن مثيلاتها بالسوق المصري
لو حبيت تجيب هاتش بالك من زى207 ب من 90.000 ل110.000
العائية بقي 407 ب 210.000 ل375.000
وغلو السعر ده اعتقد مش من فراغ اكيد الشارى هيكسب قصاده
1. جودة عالية فى الخامات
2.ماتور عالمى جبار
3.امان وثبات واوبشن وكمبيوتر
4.راحة ووسع صالون
5.راكب بيجو يعنى برستيج عالى وليها انطباع خاص للى بيشفوك سواق غرب او معارف
بيجو مركة لا تقل ابدا عن ال بى ام والتنين اسعارهم غالية فى المبيعات نظرا للابتكار المستمر والشهرة العالمية

المشاركة الأصلية كتبت بواسطة the-hero

بس العربية دية نزلة بماتور جبار انتاج مشترك بين بيجو وبي ام فلازم تكون غالية
لكن هى كل المشكلة بتتلخص فى ان اسعار السيارات البيجو عامته مرتفع عن مثيلاتها بالسوق المصري
لو حبيت تجيب هاتش بالك من زى207 ب من 90.000 ل110.000
العائية بقي 407 ب 210.000 ل375.000
وغلو السعر ده اعتقد مش من فراغ اكيد الشارى هيكسب قصاده
1. جودة عالية فى الخامات
2.ماتور عالمى جبار
3.امان وثبات واوبشن وكمبيوتر
4.راحة ووسع صالون
5.راكب بيجو يعنى برستيج عالى وليها انطباع خاص للى بيشفوك سواق غرب او معارف
بيجو مركة لا تقل ابدا عن ال بى ام والتنين اسعارهم غالية فى المبيعات نظرا للابتكار المستمر والشهرة العالمية

طبعا طبعا اكيد مش من فراغ