أي حد يا جماعه عنده اي استفسار ممكن اساعده على قد ما يسمح وقتي
عرض للطباعة
أي حد يا جماعه عنده اي استفسار ممكن اساعده على قد ما يسمح وقتي
طيب موضوع الحريق الني ( ريحة بنزين من الشكمان ) و عادم اسود مع الكبس عدة مرات ممكن يروح ازاي
تنظيف رشاشات ؟
توضيح صغير للميعرفش قطب
هو ميكانيكي متخصص فورد بس و ورشتة في الضاهر القاهرة
الراجل و الشهادة لله شاطر جدا و امين جدا و سعرة كويس جدابالنسبة لخبرته و فعلا من الناس المشغولة
و لما بيقول على اد ما وقتة بسمح هنا ده علشان هو مشغول مش نوع من الرسم او التعالي
حبيت بس اكتب الكلمتين دول علشان محدش تفكيرة يروح لبعيد
انا طبعا بشكر الاستاذayabooyعلي الضوضيح الجميل الي اقلو وطبعاياجماعة الخير زي مانت عرفين انا لما بقل علي قد وقتي ما يسمح دة مش نوع من التعالي ولكن انابرد عندي شغلي ولكن انا حابيب اكون معاكم واحد منكم مش عاوز حد يزعل مني
بنسبه للحريق الني استاذayabooy ده من عدد 2 حساس اول حساس الشكمان ثانين حساس الماس اير فلو(M.A.F) ان ماكنشي ده او ده يكون المحرك خافيف اوفي مشكله في الكمبيوترزي احد الصدقاء معانا علي الموقع شكرا
السلام عليكم ياباش مهندس قطب
الواحد بصراحة سمع عنك بالخير كتير
انا عندي سؤال لو تسمح
عندي أول ما أدور الموتور والعربية باردة بيكون صوت التاكيهات عالي جداً زي ماتكون مكنة جاز بس بعد ماتسخن بيكون صوت الموتور ناعم جداً ومفيهوش أي مشكلة والموضوع دة متأثرش بظبط التاكيهات لأني زبطها بس الصوت زي ماهو السحب وإستهلاك البنزين إتحسن بس الصوت مفرقش خالص
فهل دي حاجة عادية ولا كدة في مشكلة معينة في الجزء الخاص بالتاكيهات؟؟
طبعا عربيتي اللي بتكلم عليها فيستا 1100
اية دة اية دة هنلأح كلام من اولها ماشي يا عم قطب:shine[1]:
على فكرة يا جماعة انا كان عندي مشكلة في العربية ولفيت على ميكانيكية كتير و كل واحد يقولي غير دة ودة وفي الاخر امشي بنفس العيب لحد ما رحت عند قطب واول لما رحتله غيرلي الكنترول يونيت حسيت بعدها اني سايق عربية تانية خالص .بصراحة قطب اشطر ميكانيكي اتعاملت معاه
:verygood:
استاذ remoz بنسبه لصوت التاكيهات ده غالبا ضعف في طرمبة الزيت او بوش في جلب الكامة او تأكل في عصافير التكيهات او تكون محتاجة ضبط حسب المانوال وهي 20-30 و اي خدمة
ألف شكر ياباشا على الرد السريع
هو بالنسبة لضعف طرمبة الزيت أعتقد انة ممكن يكون مستبعد علشان اللمبة عندي مش بتنور حتى لو الزيت على علامة ال Min في مقياس الزيت أول مابدور مافيش ثانية او إتنين بتطفي
بس بصراحة انا مش عارف إيه هي جلب الكامة وإيه هي وظيفتها لو توضحهالي يبقى كتر خيرك
وبالمناسبة معلش هو أنت شغال ميكانيكا بس ولا عفشة كمان ؟
وبتشتغل الجمعة ولا أجازة؟
السلام عليكم
كان عندي استفسار يا استاذ قطب انا نظفت الايدل كنترول في عربيتي فورد فوكاس ومن ساعتها اول ما بدور العربيه ال rpm مبيبقش مظبوط وساعات يكون في رعشه في العربيه وبعد شويه يظبط تاني
[QUOTE=aYaBooY;3872120176]نصيحة من اخوك عربيتك محدش يلمسها غير و في ايدة جهاز كمبيوتر حتى لو بتغير حاجات بسيطة في الفرامل مثلا
و الكلام لاي عربية اعلى من 2002]
شكرا يا باشا علي النصيحة
لو سمحت انا عربيتى فورد فوكس 2003 وعلى التانى بيكون فى زى نتشه بسيطه كده فا ياترى ده من ايه وشكرا على الموضوع الرائع
السلام عليكم
باشمهندس قطب , شئ جميل وجودك معانا وده يدل على خبرتكم ويزيد ثقتنا فيك .
عربيتى اسكورت 1600 زيتك مشكلتها اول ما ادور الموتور لا تدور مهما احاول الا بعد فصل فيشه الرشاش رقم اربعه كده تدور بس مش منتظمه واعيد تركيب الفيشه بعد ما تدور لتنتظم ,,, واحيانا صوت الموتور يزيد ويقل بطريقه خفيفه غير منتظمه و rpm غير ثابت ... شكرا جزيلا..........
انا عربيتى اسكورت 98 1300 سىسى كربراتير كانت ماشيه زى الفل و فجاه لقيتها بتبطل لوحدها و هى مموره و انا واقف على السلانسيه رحت لواحد من الى ما لهمش فيها قعد يلعب فى الكربراتير شويه و بعدين الكهرباء عليه سنه و بعدين مشيت من عندة شويه و لقيتها بتبطل تانى اخويا العزيز قطب ايه الموضوع دة انا مش فاهم
يا الدلر عباره عن جزاين الاول ميكنيكل والثاني الكتركل الجز الثاني مكون من ملف يعمل علي قطع شربون جز الشربون يحدث به تاكل +ضعف في سوستيت الجز المكنكل يحدث الرعشه اثناء الدواره ولو تم تغي البطاريه يحدس هذه الرعشه ايضا او فك كبل البطاريه لي سباب يحدس مثل هذا العيب برده
يارب اكون وصلت المعلومه شكرا
شكرا يا بشمهنس عالمعلومات الجميلة
المهندس قطب:
بعد التحية وكل سنة وانت طيب، انا عربيتى القديمة كيا ريو 2001، الصبح لما باجى ادور العربية العربية مش بتقوم(بدور بس مابتقمش) اطفى وادور تناى تدور عادى جدا
هل من الممكن حضرتك توضح السبب وكيفية علاجه.
شكرا
اخى العزيز قطب ارجو ابداء الراى فى المشكله دى انا و انا ماشى بسمع صوت صفارة السفارة دى بتيجى فى طرق و طرق تانيه لا او بمعنى ادق اسفلت بيجيب الصفارة و اسفلت تانى ما بيجبهاش و بعدين بعدها بفترة بقت العربيه بتعوم منى مش عارف اوصفلك ازاى يعنى ممكن تيجى يمين و شمال لوحدها على السرعات فوق 100 رحت اظبط زوايا عند واحد مش اوى لان انا ما بظبتش الا عند شيبوب فى الزقازيق فقلت حاجه تمشى لغايه ما اروح لشيبوب فقالى ان انا عايز اغير جلب مقصات و بيضه شمال قبل ما اظبط انا مش مقتنع بالكلام دة و بعدين رحت لميكانيكى يربطلى العفشه و سالته قالى لازم تتفك المقصات و نتاكد و لو البيضه لو متغيرة فى المقص قبل كدة يبقى لازم المقص يتغير بالكامل اى يا جماعه الكلام دة افيدونى قبل ما ادبس و اروح اشترى مقصات
انشا ء الله الفوز لمصر
قطب فورد
اخى العزيز انا ناو اشترى فورد اسكورت تنصحنى اجيب 1600 ولا 1300 وانجكشن ولا كربراتير من حيث توفر و تمن قطع الغيار وفدرة التكييف و لو فى قدامك عربيه اسكورت كويسه ياريت تقولى بسرعه ......... ولا تنصح بأيه
اخى العزيز قطب انا سيارتى اسكورت1300 موديل 98 كربراتير هل ينفع استخدم بنزين 80 او اخلطه على 92 نص التانك و نص ارجو الافادة و ايه الاضرار لو عملت كدة علما بانى دلوقتى بمون 92 بس وجع جيبى قوى و شاكرين يا باشا
السلام عليكم ورحمة الله وبركاتة
كل عام وأنتم طيبين وربنا يتقبل منا ومنكم صالح الأعمال في هذة الأيام التي ما من أيام العمل الصالح فيها أحب إلى الله منها
سؤال لقطب باشا انا كنت روحت مرة أظبط زوايا عند واحد قالي العجلة اليمين عندك مفتوحة من تحت 1 سم وعايزة زرجينة علشان تتقفل قلتلة ماشي عملي زرجينة من المساعد نفسة فالمساعد باظ وجاب زيت الله يجازيه بقى
المهم إني من فترة قربية غيرت المساعدين الأمامي فقلت اروح أظبط زوايا بتاع الزاوايا قالي بردة على نفس الموضوع إن العجلة مفتوحة وقالي روح لسمكري خليه يفتحلك البطاحة من فوق 1 سم
السؤال بقه هو إن كنت عايز اعرف المقاس بتاع الفبريكة بين رأس المساعدين الأمامي اللي بتكون في وسط البطاحة وبيتربط فيها الصامولة اللي بتمسك المساعد من فوق علشان اعرف هل هي عندي فعلا مقفولة فأعمل الزرجينة من الحوض وأوسع بين البطاحات ولا الموضوع سببة تحت في العفشة ؟؟؟
معلش انا طولت عليك
يعني بإختصار لو تعرف المقاس كام سم بين رأس البنز بتاع المساعدين الأمامين يبقى كتر خيرك
قطب باشا رجاء شرح الموضوع ده
المحروسة عندي مفيهاش ولا بوجيه معرق كله حارق كويس
سحب زي الفل صوت الموتور كويس ( فيه صوت كوستبان و بيروح مع الحرارة )
الموتور بيطلع دخنة بيضة مستمرة
عارف ان ده معناه انه مفوت بس عاوز افهم منين بتحرق زيت و منين البوجيهات سليمة ؟
بصراحه انا لااملك سياره فورد
بس باحترم العربيه دى جدا
وكان نفسى اجيبهالولا تخوفى من قلة قطع الغيار
وحبيت اهنيكم اصحاب الفورد بوجود ميكانيكى متخصص
بينكم فى المنتدى
وعقبالنا فى قسم الفيات
سيارتى مازدا 323 موديل 1999 عاملة 148 ألف، العربية بتستهلك بنزين كتير وبدخن دخان أسود وساعات بشم ريحة دخان فى الصالون، عملت تنظيف للإنجكشن الريحة قلت بس ما إنتهتش ولسه الإستهلاك عالى، ممكن يكون العيب من إيه.
أنا عارف إن مازدا وفورد واحد.
معايا فورد مونديو 98 مانول الحراره عندي بتوصل الي حرف (l) في كلمه نورمل وبعد كده المراوح تشتغل هل ده طبيعي ولا لا مع العلم اني كنت جايب حساس تركي من شارع دمشق وغيرته بواحد اصلي استيراد مش جديد
اعمل اية في حرارة المونديو