إستفسار بخصوص الفرامل فى بولو 95

**mesho_kimi** · 10-11-2009 12:09 AM

أنا يا جماعة الفرامل عندى مجننانى أنا لسه جايب العربية من شهر وهى حالتها ماشاء الله وعجبانى جداً ..... المهم الفرامل كانت ضعيفه جداً ساعة اما جبتها المهم روحط عملتها عند واحد المفروض انه بيفهم طلعت على البحر كنت بجرى وكنت حتسبب فى كارثة بس ربنا ستر المهم طلع انى الصنايعى اللى بيفهم عملى العجل اللى قدام يقفل قبل اللى ورا المهم روحطلوا بيها تانى ظبطها بس لسه حاسس انها مش ميه ميه والتيل بيصفر كمان فأنا مش عارف أذا كان العربيه اساساً فراملها خفيفة ولا لا ولو فى حد ممكن اظبطها عنده فى اسكندرية وفين وشكراً ليكم

**M.Mostafa80** · 10-11-2009 01:30 AM

فرامل العربيه ممتازه كدا انت عندك مشكله فى هريسه كويس عندكو بس غالى شويه هو اخر ش سعد زغلول شمال بعد الأشاره

**original** · 10-11-2009 06:34 AM

عادى إن التيل يصفر طالما مش نوع كويس وممكن عشان مية الشتاء بس المهم لما تيجى تضبط الفرامل ظبط ورا على الشعرة هتعلى معاك وأهم حاجة مايكونش فيها أى هوا وكمان تتأكد إن الماستر الرئيسى مش مفوت عشان حصلت معايا وماتنساش تحط زيت ATE Dot4 Made in Germany وربنا معاك..

**mesho_kimi** · 10-11-2009 12:53 PM

المشاركة الأصلية كتبت بواسطة m.mostafa80

فرامل العربيه ممتازه كدا انت عندك مشكله فى هريسه كويس عندكو بس غالى شويه هو اخر ش سعد زغلول شمال بعد الأشاره

والله انا زهقت من حوار الفرامل ده ولو حغير مجموعة الفرامل كلها حغيرها بس تتعدل لانى بمشى مقلق

**mesho_kimi** · 10-11-2009 12:55 PM

المشاركة الأصلية كتبت بواسطة original

عادى إن التيل يصفر طالما مش نوع كويس وممكن عشان مية الشتاء بس المهم لما تيجى تضبط الفرامل ظبط ورا على الشعرة هتعلى معاك وأهم حاجة مايكونش فيها أى هوا وكمان تتأكد إن الماستر الرئيسى مش مفوت عشان حصلت معايا وماتنساش تحط زيت ate dot4 made in germany وربنا معاك..

أوك تمام ، بس انا اول مره أعرف انى الزيت بيفرق طيب التيل اجيب الاصلى ولا فى حاجه تانى بترشحها

**mesho_kimi** · 13-11-2009 11:13 PM

الحمد لله أخيراً أرتحت من مشكلة الفرامل الحوار كلفنى 500 جنيه وبصراحه الميكانيكى اللى روحط عنده اسمه الحاج محمد عثمان ده لاقيت عنوانه فى مشاركه هنا فى المنتدى وبصراحه هو راجل كويس جداً ونضيف فى شغله مش بتاع عك ، المهم غيرت تيل أمامى نوع قالى عليه الاستاذ مصطفى لأنى مش لاقى الاصلى وشكراً ليه على المساعدات الكبيرة اللى ساعدنى بيها وكمان غيرت تيل خلفى و خرط الطنابير وغيرت رومان بلى خلفى وجبت زيت اللى قال عليه الاخ أوريجينال والحمد لله فى فرق كبير بس لسه شويه عقبال ما التيل يطبع وحبقى أقولكم على التأثير كمان كام يوم إن شاء الله