الفرح باظ بسبب مخالفه مرور

**mada121977** · 10-11-2009 01:32 AM

تحول فرح بمدينة المنصورة مساء الخميس، إلى وقفة احتجاجية أمام قسم شرطة أول المنصورة بعد القبض على خالد زكى السلامونى (العريس) وسالى محمود عطا الله (العروسة)، بسبب مخالفة مرورية بشارع الجمهورية.

حيث وقفت إحدى سيارات الزفة فى الشارع "صف تانى" فأعطاها ضابط المرور مخالفة قام السائق بسداد قيمتها إلا أن الضابط صادر رخصه، مما تسبب فى مشادة كلامية انتهت لمشاجرة ولكمات بين الضابط وبعض المعازيم، ولم يرحم الضابط توسلات العروسة التى قالت له "أبوس رجلك سيبنا" فكان رده "لو أمك باست رجلى برده مش هاسيبكم".

تم إلقاء القبض على العريس والعروسة و3 من أقاربهما، وتم اقتيادهم إلى قسم أول المنصورة، بينما كان المعازيم فى انتظارهما فى قاعة نفرتيتى بطلخا، وهو ما دفع العروسان للاتصال بذويهم، لينتقل المعازيم للوقوف أمام القسم انتظارا لخروج العريس والعروسة، مرددين بعض الهتافات المطالبة بالإفراج عنهما، مما دفع قسم الشرطة للاستعانة بقوات الأمن المركزى لتأمين القسم.

حرر النقيبان محمد رمزى وأحمد صبرى محضرا ضد كل من أحمد ياسر زكى شهاب الدين وشقيقه محمد وهما أبناء شقيق العريس وعاطف زكى شهاب الدين "ابن عم العريس"، ووجها لهم تهم التعدى على رجال المرور بالسب والضرب وتمزيق ملابسهم الرسمية أثناء تأدية العمل أمام استوديو عادل بالمنصورة. تم تحرير المحضر وعرض المتهمين على نيابة أول المنصورة.

**mada121977** · 10-11-2009 01:34 AM

هل ياترى لو الفرح بتاع ضابط ولا مستشار البيه ضابط المرور هيعمل نفس اللى عمله مع الناس دول ؟؟؟؟ طبعا لا

**mahamedaraby** · 10-11-2009 01:55 AM

مش عارف اقول ايه

ماهو الصح فى البلد دى مش صح

لو كنا فى بلد تانيه كنت قولت برفوا لامين الشرطه ده ويستاهل وسام ولازم حقه يجى ونحفظله كرمته وده بيعمل شغله ولما الشارع يقف هنكلمه هو والكلام الحلو ده

لكن المشكله اننا فى مصر

واللى للاسف لو ده ظابط او هيئه قضائيه اى حاجه من دى يعنى

كان قاله امين الشرطه الف مبروك ياباشا وكان وقفله الشارع لحد مايتصور ويخلص كمان

فعشان كده الصح فى بلدنا مش دايما هو الصح

**ahmad alshaaer** · 10-11-2009 05:58 AM

حسبي الله ونعم الوكيل

بس بردو ياجماعه نتعلم حاجه وهي اننا نحترم غيرنا سواء بعدم تعطيل السير لان اكيد في ناس وراها مصالح او يلحق حد بعد الشر تعبان مثلا او غيره
وكمان نتعلم اننا نحترم بعضنا ونقدر بعضنا

تحياتي للجميع وقدر الله وماشاء فعل ماحدش كان عارف كان ممكن يحصل ايه للعريس او العروسه بعد الشر

تحياتي

**Karim_Mohy** · 10-11-2009 06:58 AM

طب كان فيها ايه يعني لما يديلو رخصح ما هو دفع الغرامة
طب فين روح القانون....انا ماقولتش انه يسيبة من غير مخالفة...بس ليه البواااااخة ده...ايه اللي استفاده...ما هو كده كده بيعدي غيره من غير ما يفتح بقه

**tutankhamoun** · 10-11-2009 08:17 AM

طبعا ج ع ع

أولا أنا مش عاجبني اللي عمله العريس و الخناقة و دي بصراحة بتبين قد أيه أحنا وصلنا لمرحلة من عدم أحترام النفس و عدم أحترام الشرطة و كل بسببهم .
و لكن لو كانت العربية دي زي ما زمايلي قبلي قالوا تابعة لضابط شرطة أو هيئة قضائية ........... مكنش فتح بُقه .

بس برضه أحنا شعب غريب غرابة غريبة
بجد
تلاقي مثلا الناس معزومين في فرح
تلاقيهم سايبين الرصيف كله و كل راكن ادام باب النادي و تلاقي على بعد 100 متر الرصيف فاضي و فيه أماكن ركن
و اللي مش مصدق يروح شارع البحر الأعظم في الجيزة و يتفرج على المهازل اللي هناك .

في صلاة الجمعة الناس كلها راكنة ادام باب الجامع و سايبين أماكن الركن فاضية ........ ده طبعا في 6 أكتوبر.

بس كل السلوكيات الغلط دي لو كان فيه قانون صارم يقابلها مكنش حد أتجرأ يعمل كدا
و برضه لو فيه عدل في التطبيق
مش وكيل النيابة أو قاضي يمشي على سرعة 160 و يدخل اللجنة يأخد تعظيم سلام
وواحد عادي تاني يدخل اللجنة على سرعة 105 مثلا و يدفع غرامة 150 جنيه ؟؟؟؟

و تحيا ج ع ع و شعبها المغوار

**Karim_Mohy** · 10-11-2009 08:58 AM

فعلا يا توت لو كان القانون اتطبق ع الكل ماكنش ده حصل والله اعلم مين اللي غلطان في الحوار بينهم سواء الضابم ولا العريس
مش ناوي تقول الحرفين اللي بعد ج دول ايه :ddd

**zaza_lanos** · 10-11-2009 10:06 AM

المشاركة الأصلية كتبت بواسطة tutankhamoun

طبعا ج ع ع

أولا أنا مش عاجبني اللي عمله العريس و الخناقة و دي بصراحة بتبين قد أيه أحنا وصلنا لمرحلة من عدم أحترام النفس و عدم أحترام الشرطة و كل بسببهم .
و لكن لو كانت العربية دي زي ما زمايلي قبلي قالوا تابعة لضابط شرطة أو هيئة قضائية ........... مكنش فتح بُقه .

بس برضه أحنا شعب غريب غرابة غريبة
بجد
تلاقي مثلا الناس معزومين في فرح
تلاقيهم سايبين الرصيف كله و كل راكن ادام باب النادي و تلاقي على بعد 100 متر الرصيف فاضي و فيه أماكن ركن
و اللي مش مصدق يروح شارع البحر الأعظم في الجيزة و يتفرج على المهازل اللي هناك .

في صلاة الجمعة الناس كلها راكنة ادام باب الجامع و سايبين أماكن الركن فاضية ........ ده طبعا في 6 أكتوبر.

بس كل السلوكيات الغلط دي لو كان فيه قانون صارم يقابلها مكنش حد أتجرأ يعمل كدا
و برضه لو فيه عدل في التطبيق
مش وكيل النيابة أو قاضي يمشي على سرعة 160 و يدخل اللجنة يأخد تعظيم سلام
وواحد عادي تاني يدخل اللجنة على سرعة 105 مثلا و يدفع غرامة 150 جنيه ؟؟؟؟

و تحيا ج ع ع و شعبها المغوار

الله ينور عليك يا توت كلامك حَكم

**Abo_Lina** · 10-11-2009 02:52 PM

لو ظابط تمام و واثق من نفسه عمر ما كان الموقف وصل لكده ..
إنما واضح من كلامه "لو أمك باست رجلى برده مش هاسيبكم" إنه كان متعنت بشكل ما معاهم ..

**SHNORY** · 10-11-2009 03:22 PM

لو كل واحد احترم نفسه الناس كلها حتحترمه
دلوقتي اللي بيعمل فرح او بياجر قاعه او استوديوا
بيعمل حساب ركنه العربيات قبل اي حاجه
واخر حاجه كان واحد صاحبي عامل فرحه في فندق علي البحر وقبل ما يحجز الفندق سئل علي مكان لركن عربيات المعازيم
وقبلها برضه واحد صاحبي ميسور اخد تصريح ودفع فيه كتير طبعا علشان العربيات تركن صفين في الشارع
لانهم كانوا اكتر من 1000 عربيه
فياريت اللي عنده مناسبه يراعي الناس اللي حتجيله

الموضوع: الفرح باظ بسبب مخالفه مرور

LinkBack

أدوات الموضوع

عرض

-

-

-

-

-

-

-

المواضيع المتشابهه

وزير الداخلية يحيل قيادات مرور «الغربية» للتحقيق بسبب الازدحام

مرور القاهرة يغلق كوبرى "السيدة عائشة" ليلا بسبب الحوادث

مخالفة مرور بسبب اختلاف محل الإقامة !!

هل تركيب الدفندر( لاكصدام الاضافي ) يعتبر مخالفه مرور؟

الكلمات الدلالية لهذا الموضوع

المفضلات

المفضلات

ضوابط المشاركة