انا فى رأيى المفروض يعملو شباك اسمه شباك الكوسه و الناس تروح تتصور و تمشى على طول
عرض للطباعة
انا فى رأيى المفروض يعملو شباك اسمه شباك الكوسه و الناس تروح تتصور و تمشى على طول
لما عوزت أطلعها كلمت والدي لأن مدير الإدراة ابن عمه فقالي خليك مع الله و سيبك من اي حد تاني معجبنيش الكلام و روحتلوه المكتب ولقيت عنده ناس وعلشان مابحبش انتظر حد توكلت على الله و نجحت من غير جمايل من حد و ده بالرغم من صعوبة الامتحان " كل 10 ينجح واحد " لكن ربنا ستر
من غير كوسه و من غير مدرسه.. امتحنت و نجحت و طلعتها فى نفس اليوم
بالكوسة و البتنجان و الخيار و كل أنواع الخضار
طلعت بمزيج من المجهود و الكوسة لان الكوسة ما كانتش جامدة اوي يعني....!!!!!!!!!1
*******
* طيب إية رأيك بدون كوسه & كانت بالقهوة
* لما رحت أطلع الرخصة من 12 سنة وكنت واثق من نفسي أوي .... لكن لما دخلت المرور كانت الدنيا هايصة ومش عارف منين يودي علي فين
* بعدساعة عذاب ودوخة وكل ما أسال واحد عن الإجراءات يتوهني أكثر...يعني من أساسة لا قدمت ورق ولا عملت أي حاجة....لذا قررت امشي وأروح بيتنا وبعدين ربنا يفرجها وأسال الأصدقاء لو حد لة معرفة أو حد يدلني اتعامل مع الناس دي إزاي
* المفاجأة السارة وأنا خارج من الباب قابلت صديق لم أراه من أيام الثانويه العامة وعرفت منة أنه أتخرج من الشرطة ويعمل بمرور المنصورة وأنة جاي يقابل مدير المرورعلشان واحد قريبة نمرته اتسحبت منه ف المنصورة وهو جايب له النمر لغاية عندة
* طبعاً لما عرف الحوسة اللي أنا فيها ضحك وقال لي ورقك معاك ؛ طيب هات الورق .
* دخلنا علي مدير المرور وبعد الصباح والسلام وتسليمة النمر بتاعة قريبة ؛ قاله أني أبن خالة وجاي أطلع رخصة
* مدير المرور ضرب الجرس جة العسكري وقالة خد من الأستاذ الورق و60 جنية( الرسوم كانت حوالي 57 جنية ) وخلص لي الرخصة بسرعة بس الأول شوف البهوات قهوتهم إيه
* جت القهوة وعلي ما شربتها ندهولي أتصور وأستلمت الرخصة
* بس علي فكرة صاحبي بتاع مرور المنصورة أخد الرخصة وحطها ف جيبة وقالي بص يا سيدي كل حاجة خلصت والرخصة معايا بس لازم امتحنك وإداني مفاتيح البوكس اللي هو جاي بية وقالي ورينا شطارتك
==== يعني بأختصار طلعتها من غير كوسه === بس بفنجال قهوة مضبوط وعلي حساب مدير المرور كمان === وسوقت بوكس الشرطة كمان ====
فى اى مرور فى مصر لازم الكوسه والا يطلع عين الواحد علشان يخلص مصلحته ونادر جدا لمى تلاقى حد عمل اى حاجه فى المرور حتى لو حتسال على حاجه من غير كوسه انت اكيد فى مصر
انا كان معايا ملازم وعملتها فى ساعه وقالى هتمتحن ولا نعملهالك كده على الجاهز واصريت امتحن علشان اشوف فعلا هقدر اعدى الاختبار ولا لا مع ان الرخصه كانت هتطلع هتطلع
وامتحنت وكله كلام فاضى تعتبر الركنه هى الاختبار وبروضوا عاديه ورئيس الوحده بصلى كده وقالى امال جايب وسطه ليه قولتله ياباشا الواحد مش ضامن الظروف ايه واتصورت وخدت الرخصه وياابو فكيك روحت حضرت شنطه الهدوم وطلعت على الاسماعليه .....
بالكوسة فى نفس اليوم