للأسف أنا طلعت رخصتى من سنة عن طريق مدرسة تعليم القيادة التابعة للمرور , اللى فى مساكن شيراتون ..
الصراحة ربنا ما يعيدها أيام .. بيعلمك على عربيات نصف نقل مدمرة , و أغلب المدربين مستواهم .....!!!!! ناهيك انه ممكن يطلعلك مدرب سايكوباتى , فاكر نفسه روميل , عمال طول الوقت يزعق كأنه واقف فى فصل ابتدائى ... :shock: :shock: :shock: :evil: :evil: :evil:
و لازم طبعا تدفع للمدرب بعد كل حصة , بخلاف الاشتراك اللى انت دافعه أصلا .. ناهيك انه مفيش التزام بالجدول , وممكن وقتك اللى المفروض انه ساعة أو ساعتين , متحطش رجلك فى عربية غير ربع ساعة لأن فى ناس غيرك مشتركة فى نفس الوقت على نفس العربية , و مش بيدربك على حاجة غير الامتحان على ال ( U ) , تدخل بوشك , و ترجع بظهرك , و دمتم ... الصراحة كانت حاجة تقرف ...
بس الميزة الوحيدة , انك فى الاخر , 99% حتنجح فى امتحان الرخصة ... مش لأنك بتعرف تسوق , لكن لأنك جاى من مدرسة المرور و ميصحش تسقط ...