أنا عملت فيها شجيع السيما ورحت لوحدي اطلعها من مرور عين الصيره
طلعو عيني وضيعو وقتي طبعا
بس الحمد لله ربنا ستر
نجحت في الكومبيوتر
وفضلت 3 ساعات في الشمس مستني العملي
دخلت العملي طبعا منهار ومع اني بسوق كويس جدا العربيه بطلت مني مرتين
المهندس قاللي لو بطلت منك تاني هالغيلك الامتحان
الحمد لله عديت بطلوع الروح وصورني صوره غريبه شكلي فيها من 9 سنين زي شكلي دلوقتي !! :(
بعديها بشهر واحد قريبي كان عايز يطلع الرخصه واستنجد بيا اجيبله واسطه
جبتله كارت من مدير مرور القاهره شخصيا
ورحت معاه مرور عين الصيره ودخلنا علي مدير المرور زي الباشاوات
قعدنا ربع ساعه نشرب عنده شاي لغايه ما الورق اتعمل لوحده والرخصه جت لغايه عندنا
فعلا بلد شهادات صحيح