هل استخدمت الكوسه عشان تطلع رخصه السواقه؟

**anwarnono** · 13-03-2009 04:15 PM

بالفعل طالعتها من مرور مدينه نصر من غير اى كوسه وسبحان الله كان المفروض جاى معايا واحد وكيل نيابه علشان يطالعها بدون اى شئ بس كانت عنده مأموريه،واختبرت ونجحت ومكنتش مصدق نفسى (الحمد لله) وبعربيه دوجان كمان!

**braveheart911** · 14-03-2009 01:36 AM

طبعا ب الكوووووووووووووووووووووو وووووسه

كان معايا مستشار وطلعتها فى دقايق

**mg523i** · 14-03-2009 03:16 PM

انا معايا 4 رخص من مكانين و كلو بالكوسه لان مصر مفيهاش حاجه من غير كوسه ده لو عايز تشتري حاجه و تدفع فلوس برضه لازم الكوسه عشان تستلم الاول والبركه في الحكومه هيا اللي عودتنا علي كده و خلت الواحد قبل ما يروح اي مكان لازم يكون مكلم اي حد يظبطه عشان ميتبهدلش و يطلع عينه
وهي دي مصر

**A.Elsheikh.01** · 14-03-2009 04:02 PM

متفكرنيش
انا اعدت 3 اسابيع متغاظ من والدى
والدى طلع الرخصه بتاعته فى اسبوع عن طريق واحد صاحبه فى امن الدوله ومن غير اختبارات
وانا اعدت بالشهر رايح جاى يوميا علشان اتابع وبرضه من باب الغيره وعايز اخلص فا الشهر عدا بالتمام والكمال من غير اى واسطه
وبال170 جنيه بتمن الشنطه الدوسيه وعلب السجاير الروثمان :)

**A.Elsheikh.01** · 14-03-2009 04:05 PM

والمفارقه فى انى وانا بختبر كمبيوتر اول اختبار بعد ما جبت 98 من 100 اكتشفت انى اختبرت فى اختبار دراجه ناريه وطبعا قمه غيظي فى الساعه دى لانى كنت مزاكر وطلعت الى مزاكره فى الامتحان
ولما اختبرت تانى بعد ما الظابط قالى امتحن تانى جبت 89 من 100
ولاد التييييييييييت مخدوش بالاولانيه وكنت مقلق والحمد لله طلعت

**the-hero** · 14-03-2009 07:21 PM

طلع عينى فيها مع ان والدى له معارف كبيرة فى المرور والشرطة
بس مستعنتش بيه وزعل منى

**ahmed2000** · 14-03-2009 08:35 PM

انا لسة كنت في المرور النهاردةعلشان اطلع لواحد صاحبي الرخصة وهوة مواليد (15\10\1991) قالنا انت لسة ماجبتش السن القانوني يا ريت حد يفيدني يا جماعة هوة كدة لسة ما جابش السن القانوني ولا جابة
هوة هيطلع رخصة خاصة

**emadmody2010** · 16-03-2009 02:47 PM

انا عن نفسي بدور على حد في مرور فيصل

**ahmednabeel** · 20-03-2009 09:23 AM

كوسة اساسي

وعلى فكره اضحكم شوية انا فضلت اسوق من وانا عندي 10 سنين وعمرى ما اتمسكت خالص بدأت في المنطقة في مدينة نصر في الشوارع الداخليه سنتين وبعد كده ابتديت اطلع على الشارع مشاوير قريبه وانا عندي 12 سنه وسافرت وانا عندي 15 سنه اسكندرية سايق وجدي جمبي رايح و جي انا اللي سايق المهم انا 29 سنه دالوقتي

يوم اللي طلعت فيه رخصة واحد وقفني وقالي رخصتك ههههههههههههههههههههههههه وكان الاخ اللي وقفني ظابط ظريف
قولت له على الحكاية دي وفضل يضحاك