الموضوع: تغيير زيت الفتيس

المشاركة الأصلية كتبت بواسطة أبو عبدالله

الكتاولجات كلها بتقول لحد معين ولازم يستبدل
ولكن كل الصنايعيه وكل التوكيلات تقولك زوده
وانا رأيي انه يتغير بعد مده لسنتين او ثلاثة حتى لو العربيه ممشتشي حتى
او بعد 40 او 60 الف كم

لأن خصائصة بتتغير بعد فتره ورأي كده افضل اكيد

شكراً لرأى حضراتكم ولأهتمامكم بالرد
والله أنا رأيى برضه أن أنا أمشى على حسب الكتالوج اللى بيقول يتغير كل 20 ألف كم
وفعلاً أنا غيرته بعد 20 ألف وفى نفس الوقت العربية بقالها سنتين بالتمام والكمال موديل 2007

المشاركة الأصلية كتبت بواسطة Amr Axel

الافضل انك تغيره كل 40-60 الف و خلال الفترة ديه لو نقص ممكن تزوده
لكن تغيره ده شئ اساسي كل 40-60 الف او سنتين ايهم اقل
و لما تغير اوعي تغير من اللي بيبقي في الاسطوانة البرتقالي عشان انا فقستهم بيملوها ايه
الباشوات بيملوها زيت عربيات قديم ع شوية شحم و يعبي الفتيس و طبعا الفتيس فجأة هيبقي حتة خردة بسبب غشهم و جشعهم
فلما تغير او تزود تخليه يفتحلك جيركن مخصوص و بيحاسبك انت استهلكت اد ايه من الجيركن مش بيحاسبك ع الجيركن كله يعني لتر و نص لترين كده يعني
الا بقي لو انت عايز تشتري الجيركن كله براحتك

و بالتوفيق ان شاء الله

اعلم ان الموضوع قديم ولكن حبيب اضيف ان كلامك مظبوط 100 %

لاني بعد شراء السيارة كشفت علي زيت الفتيس بمحل عادي وحطلي كيلو ب 16 ج من الاسطوانة البرتقالي
والان فعلا حاسس ان الفتيس مشنشن واحساسي جايب انه الزيت بتاع معدومي الضمير

وحبيب التوضيح للافاده العامه وتحزير من الاسطوانة البرتقالي
عايز تغير اشتري موبيل او شل بنفسك جركن مغلق وروح غير
اوعي الزيوت مجهولة الهوية

اوعى تغيره اكبر غلطه لان الزيت بتكون له مواصفه api لاتوجد فى الزيوت الى فى السوق وبناءا عليه حتسمع ونه ووره رهيبه هذا ما حدث معايا لسيارتى السيات قرطبه واضطريت اغير الفتيس بعد الشر عليك ولكن هذا ما حدث