انا حاليا بفكر جديا فى بيع سيارتى الانوس وعايز اشترى حاجه تانيه مكانها
بفكر فى الياريس 1300 فول اوبشين اوتوماتيك
الانسر 1600 اوتوماتيك
الكورولا القديمه 1300 اوتوماتيك ده لو لقيتها
واخيرا كورولا 2008 اوتوماتيك فول 1.6

انا عارف ان العربيات الى انا مختارها ملهاش علاقه ببعض بس انا هشرح وجه نظرى

اولا قبل اى حاجه انا امنيه حياتى انى اركب عربيه تويوتا وكنت بالفهل هشترى كورولا 2002 بس للاسف غليت وقتها 10 الاف جنيه وفاشتريت مكانها كليو مو2003

اولا بانسبه للياريس
-عربيه تويوتا
-ناعمه جدا
-عوامل امان كثيره
-هناك اشاعه لا اعرف مدى صدقها ان ثباتها مش حلو
-انا خايف من حكايه 1300 على الاوتوماتيك اينعم سحبها حلو بس مش بتاع شد زى 1600
-استهلاك بنزين رائع
-مستغليها على حجمها حاسس انها كنزه شويه

ثانيا الانسر 1600 اوتوماتيك
انا بفضل ماركه تويوتا عن الانسر
-عربيه بياعه اوى
-قطع غيار موجوده بكثره
عربيه1600 على الاتوماتيك هتبقى تمام مع الفتيس السى فى تى

ثالثا الكورولا 1300 اوتوماتيك
-طبعا العربيه ده مفيس كلام ممكن يتقال عليها بس سعرها 124 و1300 سى سى يعنى الفرق بينها وبين الجديده 8 الاف جنيه +الجديده 1600 وفيها كماليات كتير اوى
-مش هاين عليا اركب عربيه شكل قديم

رابعا الكورولا 2008 الشكل الجديد
- صناعه جنوب افريقى لحد دلوقتى لسه مش عارفين ايه نظامها
-محدش اشترها لسه
-قطه غيار غير متوفره الا فى التوكيل على الاقل السنه الاولى
-خايف لتطلع مقلب واشربها
-بس بصراحه احلى شكل فى العربيات ده كلها ونفسى اشتريها مع انى لو هجبيها هقسطها

ايه اريكم شوفتوا الموضوع معقد ازاى ؟؟؟