حد بيفكر يشترى الكورولا الجديده

**qwertyqwerty** · 18-04-2008 12:11 AM

السادة ملاك الكورولا 2008 الجنوب افريقى الكرام
موضوع النتش يقلقنى للغاية خاصة اننى بافكر احجز الكورولا قربيا باذن الله.
هل هو موجود فى الاوتوماتيك العادى ام التيبترونيك فقط.
كان عندى سيارة اوتوماتيط فى السابق ام يكن فيها اى نتش وسبق حتى ان قدت جولف تيبرونيك لم يكن بها نتش ايضا.
ايه الحكاية !!!!!!!!!

**hn_kamal** · 20-04-2008 02:35 PM

المشاركة الأصلية كتبت بواسطة makram555

انا كنت فاكر كده اعتقد انه لابد من استشارة مختص في التوكيل وياريت تطمنا عملت ايه

فعلا انا رحت التوكيل وقالولى انهم شاكين فى ان الموضوع يكون بسبب راس كوبلن وبالفعل حايغيروه على اخر الاسبوع ده

**qwertyqwerty** · 24-04-2008 03:59 PM

ماهى مدة الضمان فى السيارة؟
ارجو الافادة

**طارق ابراهيم** · 27-04-2008 07:59 PM

انا متهيقلي احسن جيل من السيارات الجنوب افريقي هو الجيل الحالي لأن الخبراء اليلبانيين لسا ملحقوش يسلموا الموضوع كاملا للجنوب افريقيين كما ان مصر من أهم الاسواق لشركة تويوتا وخاصة في الكورولا تحديدا مش زي السعودية اللي التيوتا فيها تقربا معظمها كامري وعشان كده اليابان مش هتقل عقلها معانا ابدا وتضيع سوق من ايديها اكيد هتجرب في الاسواق الضعيفة
مع ملاحظة ان الكلام ده كله نظري مش مبني على خبرة تاريخيه

**Sharky** · 27-04-2008 08:38 PM

أستاذ طارق مبيعات الكرولا فى السعودية تفوق مبيعات مصر من الكرولا
على فكرة مصر هى الدولة العربية الوحيدة إللى بتجيب الكرولا من جنوب افريقيا

**طارق ابراهيم** · 28-04-2008 08:18 AM

شكرا ياشاركي باشا على التوضيح

**hn_kamal** · 29-04-2008 06:05 PM

المشاركة الأصلية كتبت بواسطة hn_kamal

فعلا انا رحت التوكيل وقالولى انهم شاكين فى ان الموضوع يكون بسبب راس كوبلن وبالفعل حايغيروه على اخر الاسبوع ده

تم تغيير الكوبلن اليوم

**qwertyqwerty** · 29-04-2008 09:57 PM

السيد كمال
عاوز تقول انك غيرت كوبلن سيارة مشتريها من عدة اشهر فقط؟؟؟؟؟؟؟؟
وهل موضوع النتشه توقف!!!!!!!!!

**Ramy.Gamal** · 16-05-2008 12:42 AM

الكورولا الجنوب افريقى فيها مشكله فى الفيتيس بتاعها سواء النتشه او السحب من الاول للتالت ودة لينك الملاك المتضررين من الكرولا الجنوب افريقى:http://www.nilemotors.net/Nile/showthread.php?t=23057
دول حسسونى ان تويوتا حبت تجرب فينا الحاجات الجديدة قبل الخليج وكمان دول عاوزين يشتكوا لجمعيات حمايه المستهلك كأنها عربيه صينى انا اعتقد ان الكورولا الجنوب افريقى اثبتت عدم قدرتها على منافسة بقية اليابانى مثل اللانسر الجديدة والهوندا سيفيك والمازدا ولا السوبارو

**medo_cars** · 16-05-2008 02:18 PM

كلام مظبوط فعلا بس واحد صاحبى قالى ان الكلام دا فى اول دفعه بس
وكلام الاستاذ رامى غير صحيح تماما لانه ذكر انها اصبحت لا تقدر على منافسة بقية اليابانى كاللانسر الجديده والهوندا السفيك والماذدا والسوبارو والسيارات التى ذكرها شبه غير موجوده بالسوق المصرى ما عدا السيفيك والكورولا مبيعاتها اكثر من الباقى بكثير اين الدليل على انها اصبحت لاتنافس الاخرين