حد بيفكر يشترى الكورولا الجديده

**AOMARA** · 07-04-2008 05:08 PM

السلام عليكم
أنا عندي كورولا 2008 1600 ستيبترونيك جنوب أفريقي و أحب أوضح الأتي :

1) طبقا لما هو موجود في الكاتلوج إلى جاي معاها فأن محرك السياره هو 1ZR-FE Dual VVT-i , و بينصح بأستعمل بنزين 91 أوكتان على الأقل.
يعني نستعمل 92 إلى في مصر ب 140 قرش اللتر.

2) فعلا بحس بالنقلات بتاعت الفتيس زي ما أكون قاعد في سياره مانيول جمب السواق و هو بينقل الفتيس ( بيخف بنزين و يدوس دبرياش و ينقل) و دا من وجهة نظري راجع لأن الفتيس أساساً مانيوال و النقل فيه بيتم كهربائياً بشكل أوتماتيكي لما يكون الفتيس على E أو عادي لما بتكون على M و تدوس على + أو - .

أتمنا أكون أفدت السائل و شكراً

**qwertyqwerty** · 10-04-2008 11:02 PM

السيد مالك السيارة الكورولا الجديدة
ربنا يبارك لك فيها
ولكن هل تعتقد انها سيارة جيدة وتستحق السعر العالى الذى يطالب به التوكيل.
هل بها مشاكل؟
ماذا عن قطع الغيار هل هى رخيصة؟
مع الشكر والف مبروك مرة اخرى

**hn_kamal** · 14-04-2008 11:36 AM

الى الاخ AOMARA
أولا السلام عليكم
انا اشتريت الموديل الـ Profisional MMT بس عندى ملاحظة ياريت الافادة :
لما باركن العربية و الف الدركسيون على الاخر من الثبات وعند بدء الحركة باسمع صوت حاجة بترقع من ناحية العجل.
يرجى الافادة عن مدى خطورة الصوت من عدمه
وشكرا

**makram555** · 14-04-2008 01:38 PM

الي الساده ملاك التويوتا الجديده ممنوع منعا باتا لف الدركسيون غلي الاخر وتركه علي هذا الوضع ولابد من قراءة الكتالوج جيدا لان به ارشادات كويسه جدا والسياره رائعه وتقفيل فاخر

**hn_kamal** · 15-04-2008 08:55 AM

توضيح للاخ Makram سؤالى مش انى بالف الدركسيون على الاخر واتركه لكن مشكلة الصوت اللى باسمعه ده اثناء لف الدركسيون على الاخر لركن العربيه

**Sharky** · 15-04-2008 10:33 AM

المشاركة الأصلية كتبت بواسطة AOMARA

2) فعلا بحس بالنقلات بتاعت الفتيس زي ما أكون قاعد في سياره مانيول جمب السواق و هو بينقل الفتيس ( بيخف بنزين و يدوس دبرياش و ينقل) و دا من وجهة نظري راجع لأن الفتيس أساساً مانيوال و النقل فيه بيتم كهربائياً بشكل أوتماتيكي لما يكون الفتيس على E أو عادي لما بتكون على M و تدوس على + أو - .

أتمنا أكون أفدت السائل و شكراً

يا جماعة الإحساس بالنقلات و ساعات نتشة خفيفة دا طبيعى فى الفتيس الستيب ترونيك و موجود فى الميجان و الأوكتافيا و ظاهرة قوى فى الأسترا

ياريت يا جماعة لو حد يعرف أسعار قطع الغيار و الصيانة كام من ملاكها يقولنا

و ربنا يبارك لكم فى الكرولا الجديدة

**makram555** · 15-04-2008 09:38 PM

المشاركة الأصلية كتبت بواسطة hn_kamal

توضيح للاخ Makram سؤالى مش انى بالف الدركسيون على الاخر واتركه لكن مشكلة الصوت اللى باسمعه ده اثناء لف الدركسيون على الاخر لركن العربيه

انا كنت فاكر كده اعتقد انه لابد من استشارة مختص في التوكيل وياريت تطمنا عملت ايه

**AOMARA** · 16-04-2008 11:58 PM

السلام عليكم
عذرا لعدم الرد طول الفتره السابقه و لكنت كنت مشغول شويه.
أولا/ السيد qwertyqwerty

موضوع أختياري لكرولا كان بعد مفاضله طويله و عميقه أستمرت حوالي الشهرين و تضمنت عربيات كتيره أهمها الانسر الشكل القديم و التيدا و الألنتر و الكورولا و السيفيك و الياريس و السيتي.
أستمرت المفاضله لحد ما أتحسرت بين التيدا و الكورولا.
أخرتها لقيت الكورولا الوحيده إلى بتجمع كل المواصافات إلى أنا عايزها زي أستهلاك الوقود و قطع الغيار و خدمه مميزه من التوكيل و أضافات مميزه من ناحية الأمان و أفضل سعر عند البيع.
و الحقيقه كانت التيدا قريبه جدا و السعر ممتاز و تقريبا أقرب أضافات للكورولا -تقريبا زيها تمام عدا الفتيس - و كان سبب أستبعدها هو أن السيدان منها يتنزل بفرش داخلي بيج فقط زي السيتي كدا و دا طبعاً مهلك جدا في المحافظه عليه و صعب تنظيفه.
و بالنسبه للسعر كان فعلا مبالغ فيه شويه نظرا لأن الكورولا تعتبر سياره عائليه صغيره و لكن شوف أسعار الألفينات من الكورولا و قارنه بالانسر و أنت تعرف أنك بتكسب فرق كبير لما تيجي تبيع بعد 7 أو 8 سنوات.
بالنسبه للمشاكل و قطع الغيار فدا أن أعتمدت على سمعة تيوتا فيه.

الأخ hn_kamal

للأسف أنا خارج مصر و العربيه أنا رافعها، بس إن شاء الله أنا راجع قريب و هاجرب و أشوف مكتوب أيه بالضبط في الكاتالوج و أرد عليك.

**qwertyqwerty** · 17-04-2008 12:10 AM

الف شكر للرد وربنا يبارك لك فيها
وترجع بالسلامة.
ولكن ماذا عن الوان الفرش؟
انت عارف ان مصر بها تراب كثير ولون فرش فى السيارة الفضى الميتالك فاتح

**AOMARA** · 17-04-2008 12:21 AM

لأ الحقيقه أنا لون الفرش الداخلي ج اي أسود
و على فكره ميزة الكورولا 2008 أن الفرش الداخلي بتاعها ضد الميه يعني مابيمتصش الميه.
أنا أشتريت دواسات جلد للأرضيه إلى هي ساقطه من جوا علشان لو وقع فيها ميه تتحجز في الدواسه و ما تنزلش على الموكيت.
كمان جبتلها دواسه جلد للشنطه مغطيه تقريبا 90% من أرضية الشنطه و دا بيتباع ب 70 جنيه عند بنزينة شل إلى في مكرم عبيد في مدينة نصر أدام المسجد. و لاكن بصراحه نفسي يسعفني الوقت أشوف حاجه أحسن.