أنا تعمدت أقلل درجات التقييم لتقليل الخطأ الناتج من أن بعض الناس تميل لوضع تقييمات متفائلة و العكس
برجاء المشاركة ممن يتعامل بشخصه مع الوكيل لضمان نزاهة الإستطلاع (شكرا)
عرض للطباعة
أنا تعمدت أقلل درجات التقييم لتقليل الخطأ الناتج من أن بعض الناس تميل لوضع تقييمات متفائلة و العكس
برجاء المشاركة ممن يتعامل بشخصه مع الوكيل لضمان نزاهة الإستطلاع (شكرا)
إنت ليك تجربة معينة مع التوكيل؟!
انا بروح توكيل بريليانس القطامية
توكيل محترم (الضمان عندهم ضمان بجد مش بتلاقى حوارات من شاكلة اصل البتاع ده باظ علشان انت دخلت العربيه برجلك الشمال من غير ما تسمى)
مواعيده مظبوطة و اسعاره عادية مش مبالغ فيها
خدمة العملاء : ممتازة
يتم تحديد الموعد و الساعة و المهندس اللى هايشرف على سيارتك بالاسم
يتم مراجعتك عن تقييمك بعد الصيانة و اية ملاحظات
الصيانة : جيد جداً
- يتم اخذ ملاحظاتك ، و بعد الفحص لو وجد شيء يتم اضافتة
قبل الصيانة بيعطيك تقرير كامل اية اللى هيتعمل و حساباتة كام
تجربة بعد الصيانة و لو في حاجة خلال اسبوعبن بترجع مجاناً
غسيل السيارة قبل الاستلام
لا بقشيش او تعامل غير مع المهندس المحدد لك
اجمالي العاملين ( مؤدبين - ذوق ) + المكان نظيف
قاعه الانتظار : جيدة جدا ( تلفزيون / انترنت / مشروبات )
مدة الصيانة : متوسطة يعنى على حسب الشغل اللى في العربية لكن اعتقد انه ممكن يكون اقل من كدة لكن الاجمالى وضع مقبول
عيبهم الوحيد الكسل ولازم تفضل وراهم لغاية اما تحل المشكلة
أرجو ان تتفضل مشكورا بوصف عنوان مركز صيانة القطامية لأنى اول مرة هروح هناك و اخد ميعاد و مش عارف العنوان ..... شكرا
redabachat@yahoo.com
:3_3_102[1]:
استلمت سيارتى الجديدة FRV موديل 2010 منذ اسبوع من المعرض و كان مفتاح الريموت لا يعمل و الباب اللى جنبي لا يغلق جيدا الا اذا قفلته جامد و اتصلت بالتوكيل و تم تحديد ميعاد لى و فعلا فى الميعاد وجدت اسمى مدون هناك و قام المندوب بوضع الأشياء الخاصة بى فى كيس و اعطاه لى و قام بتكييس الكراسى و الدريكسيون و اخبرتنى المهندسة المسئولة بالأنتظار فى صالة الأنتظار و ان ميعاد استلام السيارة سيكون الساعة 2 ظهرا - انتظرت فى الأستراحة و هناك توجد مشروبات ساخنة مجانية ( شاى - قهوة- نسكافيه - كابوتشينو ) و مياة ساقعة و كافيتيريا اسعارها ممتازة جدا - و فى حوالى الثالثة :majd(2): تم اخبارى بان السيارة تم عمل اللازم فيها و بالفعل وجدت السيارة مغسولة و نظيفة من الداخل و الخارج و تم اصلاح الباب و تم تغيير الريموت و فى الحقيقة بالرغم من انى اتأخرت ساعة عن ميعاد استلامى لكن طريقة المعاملة الجيدة و احترام الناس هناك خلانى راضى و مبسوط و اتمنى ان تكون كل زياراتى للتوكيل بهذه الطريقة فيما عدا الميعاد :Ta_clap[1]:
على فكرة انتوا اراءكوا حببتني في بريليانس مع اني مكنتش حاططها في حساباتي خالص وان شاء الله هاجيبها الشهر ده
ممكن حد مشكور يضع عنوان التوكيل فى القطامية ....
وشكراً
محد يضيفة على جوجل ايرث ويرفعلنا ال kml عشان منتوهش
01190494271التليفونالمحافظةالنشاطأسم الشركة
القاهرةمركز خدمة معتمد46101723شركة ابو غالى
0140222262
القاهرةمركز خدمة معتمد26985527-28شركة اوتو تك
23927668
القاهرةمنفذ بيع قطع غيار0164752985شركة خالد النمر
0104535695
الجيزةمنفذ بيع قطع غيارشركة الحرمين
0142300500
الجيزةمنفذ بيع قطع غيارشركة احمد موتورز
0165588772
الأسكندريةمركز خدمة معتمد0101429898شركة الطارق
0123420784
الأسكندريةمركز خدمة معتمد0127379959المصرية الاوروبيه
0163115474
قنا
مركز خدمة معتمدالمهندس - قنا
0122213845
أسوان
مركز خدمة معتمدشركة المولى-اسوان
0693664033
شرم ااشيخ
مركز خدمة معتمدايمكس راغب
0653452999
الغردقة
مركز خدمة معتمداوتو مارين
أنا رديت طبقا للمركز اللي بتعامل معاه ف شرم الشيخ - سئ للغايه
شكررا جزيلا موضوع مفيد جداااااا
استاذنا العزيز تحياتى
كنت حابب اخد رايك فى البرليانس كروس موديل 2011 او 2012 لان شكلها وموتورها عاجبنى جدا بس خايف من قطع الغيار وبرضه دى اول عربية ان شاء الله هركبها فايه رايك وكمان لو عندك معلومات عن الاتوماتيك يا ريت تفيدنا وجزاك الله كل خير
وكمان انا محتار بينها وبين ال byd
++++++++++++++1
انا زيك بالظبط انا كمان وعاجبانى Brilliance FRV CROSS 2012 جدااا بس اكمن دى اول مرة اشترى عربية فقلقان بصراحة من موضوع قطع الغيار دا وعايز حد يقولى العربية دى نظامها اية واية العيوب اللى فيها اللى طلعت بعد الاستخدام لان اكتر من واحد بيقولى ريح دماغك وهاتلك شيفرولية لانوس وخلاص بس انا بصراحة عاجبنى مميزات البريلينس اوى وشكلها تحفة لانة قريب اوى من الشكل BMW
مفيش بينها وبن اللانوس مقارنة يا باشا (كان عندى لانوس على فكرة بطة لما تشغل التكييف)
مفيهاش فرامل تقريبا وبعكس البريليانس ال abs بيلعب معاك جامد والحمد لله انقزنى اكتر من مرة
70 الف تقريبا معنديش مشاكل تذكر
وقطع الغيار للموتور لانسر والعفشة اوكتافيا a4
السلام عليكم , أنا أستلمت عربيتى الكروس من أسبوع بالظبط أنا الحمد لله مبسوطة بيها قوى بس حصلت حاجة النهاردة قلقتينى و زعلتنى , النهاردة أول ما وصلت بالسرعة ل 100 كم/الساعة الدركسيون بقى بيرعش فى أيدى ! فى حد عنده فكرة ده من أيه و المفروض أعمل أيه ؟ أنا كل اللى عملته بيها 211 كيلو بس :(((
ترصيص للعجل مع ضبط الهواء للإطارات ومشكلة رعشة الدريكسيون تنتهي
Thank you for your help :)
و لوحة العدادات تعطلت فجاة منذ شهرين وعندما ذهب الى مركز الخدمة قالوا غير موجوده ومنذ ذلك الحين وكلمات اتصلت يقولوا لم تصل بعد .
هل يعقل ان تظل سيارة بدون لوحدة عدادات هكذا ولا تسطيع التوكيل توفيرها خلال تلك المدة.
بصراحه انا كرهت العربية
ياريت لو فى حد يساعدنى لحل هذه المشكلة
الحمدلله الوحة اتغيرت وشغال تمام ...
واحب اشكر المهندس محمد على ده رجال محترم وزق جدا هو فى الفرع الجديد للخدمة.
وماشاء الله مركز الخدمة الجديد اللى فى حسر السويس ممتاز وكبير
الاخوه الاعزاء
يوم الاثنيين الماضى كنت بأعمل صيانه ال2000 لعربيتى فى مركز القطاميه ... المركز للاسف كان سيئ جدا ميعادى كان الساعه 12 وصلت فى الميعاد استلموا منى السياره حوالى الساعه 1:30 ... نصيحه فيه مهندسه استلام هناك اسمها زينب ..هى من النوع كل شيئ تمام و اى مشاكل يبقى من استخدامك و المشكله دى مش من عندنا ..المهم . ابلغتها بالملاحظات الخاصه بالعربيه و مثلا موضوع الشنطه التى تقفل بالرزع .. هى قالت انه لا يوجد اى حد اشتكى منها ابدا .... كان عندى ايضا الفرامل بتصفر شويه ... قالت لى بعد الغسيل سوف تكون تمام .... المهم علشان ماطولش عليكم انتظرت حتى الساعه 6 مساء و استلمت السياره بنفس المشاكل و لم يغسلوا السياره ولا حتى وضعوا عليها نقطه ميه ... و ظلوا يعتذروا للناس الى كانت مستنيا معايا المهم ... هم اخذوا الفلوس و لطعوا الناس و ياريت عملوا شغلهم كويس ... ده بقى كوم و القصص التى سمعتها من الناس و الشكاوى كوم تانى ... انا مش علرف الحل ايه فى مراكز الخدمه الى بالشكل ده
تحياتى
نفس اللى عانيته معهم وبالذات المهندسه اللى تقولى كله تمام وفى الأخر ما عملوش حاجه... أسوء فرع تتعامل معاه بضمير
عندى التيل مع ضغط الفرامل عند بداية الحركه صوت تزييق عالى جدا كأنى راكب عربيه نقل غسلت العربيه ما فيش فايده ...ربنا يسهل وأغيرهم خارج التوكيل بتل ألمانى
السلام عليكم
انصحك تروح فرع جسر السويس ان شاء الله هتلاقى الخدمة ممتازة
بالنسبة لموضوع تصفير التيل وصوته العالي ملوش علاقه بغسيل العربية او بنظافة الطنابير القصة ببساطه ان التيل زمان كان ليه تركيبه معينة التركيبه دي فيها عناصر مضرة بالبيئة شركات تصنيع قطع الغيار المحترمة كلها غيرت التركيبة دي علشان تحافظ علي البيئة وده بيسبب الصوت اللي انتوا بتسمعوه يعني التيل اللي بيصفر ده تيل اصلي وسليم واللي مابيصفرش يبقي للاسف مغشوش ومش اصلي
طبعا دي حاجه تضايق بس هي دي الحقيقة
حاجه كمان التيل صديق البيئه الجديد في ميزة تانيه مهمة جدا انه بيحافظ علي الطنابير اكتر من التيل القديم يعني بيقلل معدل التاكل بتاعها
ياستاذ/أحمد التيل مش بيصفر.... ده عند بدايه أى حركه وانا دايس ع الفرامل فى الجراج مثلاً أسمع تذييق ببقى محرج جدا ،المهم رحت لعفشجى معرفه قالى التيل هيبتدأ يدخل ع الطنابير وهو ده سبب صوت التذييق .... سألت النهارده فى التوفيقيه على تيل ati قالى كل فى السوق مضروب سألت على تيل الجولف 4 عامل 210 ج
انا رحت ابو رواش مرتين من نفس الشكوا سوء فى صيانه ال2000 او صيانه ال10000 ومحدش فدنى خالص كل مشتكى من حاجه يرد يقولى هىا العربيه كدا
رحت الصيانه مرتين فى صيانه ال2000 وصيانه ال10000 بنفس الشكوا ومحدش فدنى خالص الكلام ده فى ابو رواش بصراحه سيى جدا وبكلام المهندس بيقولى انهم مش الوكيل انهم توكيل معتمد بس زى اى توكيل والتوكيل الرئيسى فى جسر السويس
ممكن اعرف اسعار قطع الغيار برا التوكيل
طب سؤال ليه ضمانها قليل جدا على 60.000 كيلو او 3 سنين مع ان الجيلى بقت فى غبور 100.000 او 5 سنين و نص ثمن ال v5 - انا عايز اجيب ال v5 بس ثمنها العالى 156.000 الف مخلينى متردد مع ضمنها القصير 60.000 ك و نفسى اعرف اسعار قطع غيارها
مركز صيانه توكيل بريليانس جسر السويس زي الخرا
عفوا لم أجد وصفا أكثر نظافه لوصف هذا التوكيل الفاشل تماما و من فيه
امبارح قضيت فيه 7 ساعات و كل الحاجات اللي طلبتها ماتعملتش و اللي اتعمل منها مش سليم
النهارده جيت تاني و انا قاعد في الاستراحه عندهم دلوقت و لما زخلت المكان الصبح لاقيت عميل جايبلهم البوليس!
تجربتي مع التوكيل الفاشل ده هرويها بالتفصيل بس لما أعصابي تروق كدا ان شاء الله
و هديلكم نبذه
اشتكيت من زنه في التابلوه جايه من مكان الساعه و بتحصل في المطبات الخفيفه تقعد تزن زززززز
البهوات فكوا القطعه المحيطه بالساعه و ركبوها و الزنه زي ما هي و كمان لاقيت آثار سن مفك! العبقري فك قطعه التابلوه بسن مفك و خدشها من الجنب و قلتلهم دلوقت لو ماتعالجتش او اتغيرت مش هسكت
.... و امبارح ركبولي انذار ماركه وولف
لما بقفل العربيه و افتح الباب من بره او اخبط علي العربيه ما بتنطقش و لا بتصفر
اعتقد الانذار ده معمول عشان الحرامي ما يسمعوش حرصا علي هدوء اعصابه اثناء السرقه ههههههه
و كمان زرار فتح الشنطه في الريموت مش شغال
يمكن انا اللي مش فاهم اتعامل ازاي مع الانذار ده :d
تحذير هام
انا لما روحت اعمل صيانة 2000 لعربيتي بريليانس v5 روحت القطاميه ورغم اني روحت قبل ميعادي بنص ساعه لكن قعدت ساعتين لحد ما المهندسه جت خدت بيانات العربيه و طلبت عمل بعض الملاحظات ذي لمبة الارباج اللي لقيتها بعد 1000 كيلو نورت ديما وترييح قفل الابواب وخاصة الشنطه و معالجة صوت التصفير او تغيير تيل الفرامل
طبعا المهندسه كتبت الملاحظات وقالت هتتعمل مع الصيانه وسكتت
وفضلت قاعد ساعتين كمان والعربيه متعملش فيها حاجه والحمد لله اني قمت اشكو لمهندس محترم موجود النأخير فطلب من المهندسه ورقة البيانات وبعد ان قرأها قال لي اعمل حسابك انك هتدفع غير مصاريف الصيانه قيمة اصلاح الملاحظات عدا لمبة الارباج مجانا فقلت اذاي ادفع والعربيه في الضمان فقال لي انا عشان انا بنبهك قبل منعمل لاننا وخدين الصيانه الدوريه لتغيير الزيوت والفلاتر فقط ام ملاحظاتك بتتعمل في صيانةالتوكيل وعنده ايضا صيانه دوريه
وده فى جسر السويس هو لسه فاتح من فتره قريبه امام مدرسه محمد الدرة بعد مركز خدمة مرسيدس امام سوق القنال وفعلا روحت هناك صحيح قعدت ساعات طويله لكن الناس محترمه جدا وعملوا الصيانه والملاحظات المطلوبه مني
ومدفعتش غير مصاريف الصيانه فقط وهي تقل 50 جنيه عن القطاميه لكن رغم انهم غيروا تيل الفرامل لكن بعد فتره رجع صوت الصفير تاني وبدرجه اقل وهما عموما قالوا ان التيل عليه طبقه للحفاظ على البيئه طبقا للمواصفات الاوربيه وهي اللي بتعمل صوت الصفير وهو عموما مش مزعج الا اذا كان الجو بالليل وهادي وانت فاتح شباك العربيه
لكن عموما العربيه ممتازه بالنسبه لأمكانياتها ولسعرها مقارنة بعربيات اخرى متقاربه في السعر ذي الكارينز او اغلى سعرا ذي القشقاي