افيدونى عن كيفية تركيب انذار لوجان

**Egyzizo** · 17-11-2009 03:21 PM

عظيم .. ظريف موضوع الفرامل ده هاشوف حد يوصلها لى ..
خصوصاً ان لما بآجى أبطل العربية الانذار بيفتح كل السقاطات حتى لو كانت العربية مفتوحة
فلما تتقفل لما تدور هتكون للحركة دى معنى ..

طيب سؤال .. فيه طريقة تخلى الانذار مايشتغلش لما أنزل من العربية وأسيبها ..
لأنى كل ما أنزل من العربية الانذار بيشتغل اوتوماتيك بعد حوالى 10 ثوانى
وفيه أحوال بابقى مش عايزه يشتغل زى لو سايبها فى مغسلة مثلاً أو كده

**wisambasha** · 17-11-2009 04:04 PM

بص يا سيدي الكلام اللي جاي ده كلام اخونا المهندس ahmed_su وهو عنده نفس الجهاز وكان دلني علي الطريقة دي لما طلبت استشارته فيها

"هي فيها اوبشن اتو لوك بيشتغل بعد اقل من دقيقة لو عاوز تلغيه

وحدة الانذار الرئيسية فيها على الجنب 4 جمبرز زى اللى بيبقو على المازر بورد بتاعة الكمبيوتر

بتغير مكان الجمبر تقدر تخلى الاوبشن ده ديسابلد يعنى تلغى الاتو ارم

لو انت عاوز تسيب العربية من غير ماتشغل الانذار الريموت فيه اوبشن انك تعطله
زى حالة انك تسيب العربية فى الصيانة او الجراج مثلا.....

سعادتك هتحط المفتاح فى الكونتاكت وتفتح سنة واحدة كأنك هتشغل الراديو
وتدوس على زرار الغلق فى الريموت اكترمن 20 ثانية هتسمع نغمة من الريموت (Du DU)
والسرينة بعديها برضه هتعمل صوت اضغط مفتاح الفتح فى الريموت

مرة واحدة هتلاقى الليد نور على طول اقفل الكونتاكت كده الانذار مش شغال
لما تحب تشغله تانى نفس حركة الكونتاكت ودوسة واحدة على مفتاح الغلق فى الريموت وهتسمع (DU)"

**A.Saad** · 17-11-2009 10:02 PM

المشاركة الأصلية كتبت بواسطة Egyzizo

الحقيقة ان دى مش كل امكانياته ، بس دى الحاجات اللى ركبت عندى ، لأن فيه امكانيات تانية ماركبوهاش وقالوا ان الحاجات دى لو ركبت هتبقى لعب فى العربية وتضيع الضمان (مش عارف هو كده واللا هم مايعرفوش يركبوها) زى مثلاً إمكانية انك تشغل تأمين العربية وانت جواها بالضغط على الفرامل (anti-hijacking) وإمكانية انك تبطل وتدور العربية من الريموت يعنى لو حد سارق العربية وطلع يجرى بيها ممكن تبطلها من الريموت وانت بعيد. وفيه حاجة كمان اسمها microwave sensor ودى بتخلى العربية تدى انذار لو حد وقف جنبها فترة أكبر من 5 ثوانى حتى من غير ما يلمسها.

[/URL]

وحدة الميكروويف
مش نازلة اصلا مع الانذار فدى هما مظلومين فيها
وبرده تبطيل العربية من الريموت اعتقد محتاج حاجة مش مع الجهاز

وده كلام شركة الدولية اللى مستورده للجهاز لانى اشتريته منهم وركبته عند ادريان

اللى عندى وممكن يكةن مش عندك
ان مع اول دوسة فرامل السنتر يقفل
مع تبطيل الموتور يفتح

**Egyzizo** · 17-11-2009 11:49 PM

وشكراً يا وسام باشا على المعلومات القيمة ، وهاجربها بكره ان شاء الله ..

**wisambasha** · 18-11-2009 09:50 AM

ممكن تحط لنا صورة الريموت لان الجهاز ده نزل منه 2 موديل حسب علمي

**Egyzizo** · 18-11-2009 02:30 PM

المشاركة الأصلية كتبت بواسطة wisambasha

ممكن تحط لنا صورة الريموت لان الجهاز ده نزل منه 2 موديل حسب علمي

هو نفس الريموت اللى مع الزميل ahmed_su
واحد بشاشة ، والتانى من غير شاشة

أنا شفت الريموت بتاعك هناك فى موضوع الزميل أحمد وفعلاً فيه اختلاف

**wisambasha** · 18-11-2009 05:23 PM

طب اسأل المهندس احمد يمكن يفيدك في الخواص دي لو كانت عنده

**Egyzizo** · 19-11-2009 11:17 AM

تشكر يا ذوق ..
بس أنا هاذاكر الكتالوج الأول بس عشان كنت مكسل اقراه كويس

-

الموضوع: افيدونى عن كيفية تركيب انذار لوجان

LinkBack

أدوات الموضوع

عرض

-

-

-

-

-

-

-

-

المواضيع المتشابهه

كيفية تركيب فتيس اوتوماتيك

كيفية تركيب الزينون

كيفية تركيب فوج لايت لللانوس

كيفية تركيب عداد

كيفية شراء سياره لوجان بالتقسيط

الكلمات الدلالية لهذا الموضوع

المفضلات

المفضلات

ضوابط المشاركة