أسعار الجنوط التايواني في أحمد سعيد

**Ahmed R08** · 13-11-2009 01:27 AM

المشاركة الأصلية كتبت بواسطة tommys

طب الجنوط ألي ب 1700 مش مكتوب عليها تايوان ولاحاجة وصاحب المحل بيقول تايواني ..هل ده سعر التايواني فعلا .. أنا شاكك إنها صيني

90% هى صينى

**M_Nabil** · 13-11-2009 09:59 AM

المشاركة الأصلية كتبت بواسطة tommys

طب الجنوط ألي ب 1700 مش مكتوب عليها تايوان ولاحاجة وصاحب المحل بيقول تايواني ..هل ده سعر التايواني فعلا .. أنا شاكك إنها صيني

ممكن تكون صيني وممكن تايواني فعلاً، بس يفضل تزود 200 أو 300 جنية و تجيب حاجة مضمونة ومكتوب عليها تايواني عشان تبقي في الأمان ولما تيجي تيبعهم بعد كدة محدش يقعد يقولك لأ دى صيني والكلام دة

**YaSSerwIN** · 14-11-2009 09:48 AM

انا نزلت احمد سعيد من فترة كنت بجيب جنوط لعربيتى ولاكن للأسف ملقيتش غير الصينى كل المحلات الى هناك معندهاش غير الصينى

خليك فى ارابكوم فى المرتبة الأولى بعد كدة اشرفكو

**ابوهاشم** · 22-11-2009 01:25 AM

فى محل عند مرور البساتين تحت الدائرى
بيبيع جنوط استعمال وبحاله جيده جدا
بس مش عارف اسعار

**Moe86** · 23-11-2009 02:38 PM

فى محل بيبيع جنوط ايطالى O.Z و sparco و الحاجات الجامدة دى مستعملة ؟

**bedo13** · 23-11-2009 11:19 PM

المشاركة الأصلية كتبت بواسطة el_coach

يا باشا نصيحه مني لوجه الله خليك في اجمد محل في مصر (( أرابكوم )) قدام سيتي ستارز في عمارات رامو.

المحل ده جامد جدا جدا ومعندوش اي حاجه صيني خالص..... وبتدخل زي الباشا بيعرف منك ماركة عربيتك ويدخل علي الكمبيوتر وحضرتك واقف وبيقولك عندي ليك الجنط ده وده وده بس ويحددلك كام شكل كده وسيادتك تختار والتحديد بالكمبيوتر طبعا علشان الابعاد والمقاسات والملفات والاتزان بالنسبه لعربيتك....

أنا عندي النترا 2008 اوتوماتيك اشتريتلها طقمين قبل كده وانكسروا مع انهم كانوا جامدين وغاليييين .... فقررت اني اجيب طقم جامد جامد يعني روحت عالمحل ودخلت واحسن استقبال ومحل وهم الوهم والحمد لله اشتريت طقم جنط تايواني 17 وكاوتشات سرعات fire stone مقاس 225 وركبوا عندهم في ورشتهم وحضرتك قاعد بتشرب الشاي ومزاجك زي الفل ... بس انا شربت نسكافيه عشان كنت رايحلهم من المنصوره مشواااار جاااااااامد؟....

المهم يا باشا الطقم بالكاوتش عامل بعد الخصم (( 6000 )) جنيه . بس ما شاء الله ثبات رهيب لدرجة اني بجيب ال200 ولا في الدماغ مع ان باور الالنترا ريشه ... والمنظر جامد , وخد مطبات براحتك .... المهم يا باشا .... من الاخر ....... الغالي تمنه فيه.

انا طولت عليك معلش اسف ... بس حبيت انصحك لله عشان حرام لما تجيب زيي طقمين جنط في 4 ولا 5 شهور.

عليك وعلي ارابكوم شغل نضيف ومقاسات وتوكيلات وفاتوره وخصومات وعروض ... وربنا يوفقك.... مستني ردك يا باشا

السعر ده اكيد ولا كان عرض ولا ايه النظام؟
اللي شوفتهم عنده كان مومو صيني تقريبا ب 6000 من غير كاوتش بس مش متأكد
ممكن رقم تليفون او email بتاعهم

**us_body** · 28-11-2009 02:34 PM

طيب حد يعرف الجنوط ال 17 تعمل كام؟؟؟؟

**us_body** · 04-12-2009 08:27 AM

سلام عليكم
يا جماعه
محدش رد عليا ليه؟؟؟؟؟
حد يعرف الجنوط ال17 تعملها كام؟؟؟؟؟؟

**dj_bex** · 04-12-2009 02:32 PM

انا اتفق مع الاخ bedo13 في رأيه .. فعلا ارابكم انضف محل في مصر في اكسسوارات العربيات و التيونج ... بالنسبه للجنط انا جايب من عنده جنط مومو 16 كلفني 3500 و الجنط باسم الله جميل بس مشكلته تقيل شويه و ده مثبت العربيه على الملفات و الغرز و كمان اخدت كذا حفره ربنا ميوريييك ومحصلوش حاجه غير ان الشفه بتاعت الجنط اتنت حبه و معملتهاش عشان من مأثره في حاجه و نفس الحفره دي واحد صحبي عدى عليها الجنط بتاعه بقى غير صالع للاستخدام و جنطه صيني من اشرفكو ... ونصيحه انته بتجيب الحاجه مره وحده مش كل يوم .. والغالي فعلا تمنه فيه ..وتقبل مروري و ردي ...