الموضوع: أغرب الحوادث !

بس الحمد لله مفيش غير السواق اللى اتعور عشان كان الميكروباص فاضى ساعتها وده طبعا ستر من عند ربنا سبحانه وتعالى

الحمد لله فعلا

المشاركة الأصلية كتبت بواسطة Shocky

السلام عليكم ورحمة الله وبركاتة

انا فتحت الموضوع دة يا جماعة عشان كل واحد يقول عن اغرب الحوادث اللى شافها فى حياتة

وهبدأ بنفسى :

كنت فى أرض الجولف - نبيل الوقاد , واقف مع جماعة اصحابى بصيت لقيت عربية نص نقل بتجرى جامد فى نبيل الوقاد وخبطت ست عجوزة جداً كانت بتعدى الشارع الست دى لفت ادامى فى الهوا والله واترمت على الأرض , العربية النص نقل طبعا فرملت عشان ينزل يشوف الست اللى اكيد ماتت دى , المهم هو فرمل من هنا لبس فى عربية تقريبا دايو لانوس او حاجة زى كدة , والمهم الراجل ملتفتش للدايو اهم حاجة الست اللى هو فاكرها ماتت دى , طبعا رحنا عشان نحاول نساعد ,, الغريبة ان عقبال ما وصلنا للست دى قامت مشيت .. ! والله قامت مشيت على رجلها على الرصيف وكأن شيئاً لم يكن, وكملت فى طريقها عادى جداً بدون حتى ما تبص للعربية النص نقل ولا اى حاجة , الحادثة دى بجد اثرت فيا , وفعلا الأعمار بيد الله سبحانة وتعالى

صادق يا باشا
أنا شفت نفس الحادثة بإختلاف الشخصيات
سيارة ميكروباص فولكس من بتوع الهرم
المكان شارع الهرم
التوقيت صباحا
الضحية عامل في شركة سيد للأدوية
و أتخبط و قام مشي عادي و مات بعد ساعتين
بسبب نزيف داخلي
لذلك يجب أن يتم الفحص الشامل مباشرة بعد أي خبطة زي دي علشان تتأكد إن مفيش نزيف داخلي