السلام عليكم..
اليكم اخر الاخبار..
عملت النهاردة مفتاح مشفر للعربية عند مركز سعيد و عصام اللي في جسر السويس..
اللي المنتدي هنا عامل عرض خاص معاه..
المفتاح بتاعها اتكلف حوالي 175 جنيه و اخدت الخصم ال15% بتاع المنتدي وقف عليا بحوالي 150 جنيه و الحمد لله..
اكيد المفتاح الجديد شكله اوحش من الاصلي شوية.. بس مش مشكلة خالص.. المهم انه بيدور و خلاص..و الحمد لله..

سألت بقي علي معلومة اني اعملها مفتاح بريموت زي بتاع الجيتا و الاوكتافيا الجديدة..
الراجل قالي خبر صادم.. خلاني صرفت نظر عن الفكرة.. وهي كانت ان تمن المفتاح الريموت لوحده.. من غير موضوع الوحدة اللي هتستقبل الرسالة بتاعت الريموت و تشغل السنتر بيها.. بيتراوح بين 550 و 850 جنيه..
وهنا ماتت الفكرة في دماغي قبل ما تتولد..

و انا مروح من عند الراجل اشتريت طقم مساحات rubber ب 60 جنيه.. و ركبتهم..
و الحمد لله نضاف جدا.. و بينضفوا القزاز كويس جدا..