وعملتلها مفتاح مشفر احتياطي (Audi A4 1.6 Auto 1998)

**Ahmad Allawy** · 14-12-2009 12:41 PM

شولوصفة بالظبط هو المركز اللي المنتدي عامل العرض معاه.. هتلاقيه في قسم العروض الخاصة و كده.. و ممكن يحتاج توريله استيكر المنتدي.. بس انا بصراحة مجرد ما قولتله عمل الخصم من غير ما يشوفه..

**ehaballam** · 14-12-2009 12:44 PM

هي تعملها كام دلوقتي وياترى قطاع غيرها بكام ...وموجودة ولا لأ ؟

**Ahmad Allawy** · 15-12-2009 02:48 PM

المشاركة الأصلية كتبت بواسطة ehaballam

هي تعملها كام دلوقتي وياترى قطاع غيرها بكام ...وموجودة ولا لأ ؟

شوف يا باشا..
نفس الشكل ده موجود من 94 لحد 98.. و بعدين في اختلاف بسيط في الشكل لحد 2001
سعرها من 55 الف لحد 65-67 الف.. حسب الحالة و الموديل.. و ماشية قد ايه..

قطع غيارها الكبيرة الاساسيات كلها فولكس باسات.. و موجوده غالية شوية اي نعم لكن موجوده و متوفرة جديد و استيراد..

و الحاجات العادية بتاعتها فوانيس و مرايات و الكلام ده موجود برضه جديد و استيراد عادي مفيش منه قلق.. انا كنت مقلق م الموضوع ده قبل الشرا لكن الحمد لله كله تمام..

**ehaballam** · 15-12-2009 09:31 PM

أنا طبعا عارف عارف يعني ايه audi بس الناس اللي حواليا خلاص بدأوا يشككوني في نفسي ... أنت رأيك أجيب ميجان من 2004 ل 2006 ولا حاجة زي دي ....عارف إن الفرق كبير .... بس حضرتك رأيك ايه ؟

**Ahmad Allawy** · 15-12-2009 10:13 PM

بصراحة.. من رأي و كلام ناس باثق في رأيهم.. لو عايز ميجان هات موديل بعد 2006.. من اول 2007 و انت طالع..وشوف هتلاقيها بكام..!!!!! مش اقل من 80 الف جنيه.. هتلاقي فرق سعر حوالي 15 الف جنيه بينها و ال2005-2006.. وده اكيد وراه سر..وهو تعديلات اتعملت في العربية.. خلتها احسن من الاول.. و تلافوا فيها عيوب كانت في الموديلات دي..

لو حابب بقي شوف حاجة تانية في رينج السعر.. لكن ميجان.. هات الموديل اللي قولتلك عليه و هيكون غالي..
السعر ده ممكن يجيبلك اوكتافيا موديل اوائل الألفينات.. تكون حالة نضيفة ولو أودي لازم تكشف عليها كويس جدا.. عشان بصراحة مكلفة شوية..

**mantoros** · 15-12-2009 11:11 PM

ادينا يا احمد بك فكرة بعد اذنك عن تكاليف السيارة
يعتي مثلا علبة الدركسيون.....الفوانيس........ا� �عفشة

جديد و استيراد

و ربنا يكرمك يا رب