تقييم وحادث بسيط لأفيو 2010

**Dr_Smart** · 13-11-2009 03:32 AM

صاحبي معاه افيو 2010 اوتوماتيك ولسه عامل صيانة 5000 كم

هبدأ بتقييم بسيط من وجهة نظري وبعدين هتكلم عن حادث بسيط حصلنا

اهم ميزه في الافيو شكلها شيك خارجيا وداخليا وحجمها عملي والشنطه كويسه

السحب كويس جدا خصوصا انها اوتوماتيك ... انا شديت معاه بال sx4 طبعا مفيش منافسه ...
بس السحب بيقل بشكل ملحوظ بتشغيل التكييف ... لكن التكييف ممتاز

ميزه في العربيه انها عاليه فبتعدي من معظم المطبات بسهوله ...

العفشه معقوله مش ناعمه ولا ناشفه ... لكن فيه صوت تزييق لما تلف الدركسيون للآخر مش عارف ده عادي ولا لا

الثبات ... لو ماشي في طريق طوالي كويسه لكن مش حلو لما تفادي اي حاجه وانت ماشي بسرعه العربيه بتعوم

الحادث ... صاحبي كان بيشتكي من الفرامل انها بعيده وضعيفه وكنا كذا مره هنلبس في اللي قدامنا

جينا في حته فيها رمل عالارض وكان ماشي 60 تقريبا وفرمل عادي خالص عشان ياخد ملف وهوب مره واحده العربيه عومت وطلعت عالرصيف

الخسائر ... الفرده الشمال نامت والله اعلم اذا كان الجنط اتعوج ... كارتيرة زيت الفتيس اتخبطت وحصل فيها خرم صغير بيسرب بشكل بسيط

غيرنا الاستبن ... طبعا خفنا نمشي عشان تسريب الزيت ... بس كان بسيط جدااا ... رحنا لميكانيكي معرفه فك الكارتيره عدلها ولحمها اكسجين ...

في الصيانه قالوله القنطره الشمال اتعوجت وعايزه تتغير ...

وقالهم على الفرامل ... ولا زالت وحشه

بس الصراحه انا مش عايز ألقي باللوم على ثبات العربيه بشكل مباشر لأن صاحبي لسه مش متمكن اوي من السواقه عشان يتحكم في المواقف دي ... بس لا شك ان الفرامل وثبات العربيه فيهم مشكله أدت لفقد السيطره بالشكل ده

**Hosam_Optrawy** · 13-11-2009 03:44 AM

شكرا على التقييم والحمد لله ان الحادثه بسيطه

وان شاء الله تتصلح وترجع زى الاول

**fady.bekatcho** · 13-11-2009 08:01 PM

هو بس حكاية انها بتعوم دى بتفرج من واحد للتانى لانى مرة كان عربجى ما بيفهمش بيعدى الطريق من على الرصيف وكنت هلبس فية لولا انى رميت يمين جامد وعدلت والعربية ما عومتش

ومرة برضوا خدت بيها غرزة اصلا كنت اول مرة اعملها بس علشان الراجل الى قدامى خنقنى طول الطريق الغرزة تعتبر كانت مقفولة ورميت وعدلت وما عومتش منى

بس الحق يتقال مرة عومت من اخويا ودى حسب كلامة من غير اى سبب والله اعلم

بس انا بحكى على الى حصل معايا

وفراملها معايا حلوة جدا الصراحة

او ممكن علشان ما جربتش على اكتر من 100

انا جربت لغاية 80 وحلوة جدا

**Dr_Smart** · 13-11-2009 09:03 PM

المشاركة الأصلية كتبت بواسطة fadymelad

هو بس حكاية انها بتعوم دى بتفرج من واحد للتانى لانى مرة كان عربجى ما بيفهمش بيعدى الطريق من على الرصيف وكنت هلبس فية لولا انى رميت يمين جامد وعدلت والعربية ما عومتش

ومرة برضوا خدت بيها غرزة اصلا كنت اول مرة اعملها بس علشان الراجل الى قدامى خنقنى طول الطريق الغرزة تعتبر كانت مقفولة ورميت وعدلت وما عومتش منى

بس الحق يتقال مرة عومت من اخويا ودى حسب كلامة من غير اى سبب والله اعلم

بس انا بحكى على الى حصل معايا

وفراملها معايا حلوة جدا الصراحة

او ممكن علشان ما جربتش على اكتر من 100

انا جربت لغاية 80 وحلوة جدا

على فكره هو ممكن فرق الفرامل عشان عربيته اوتوماتيك

بس اكيد بتظهر اكتر على السرعات العاليه

انا لما شديت معاه ضرب فرامل جامد على 140 او 150 كده ( بس ده طبعا غلط ) العربيه عومت منه جااااامد و خبط في الرصيف ولولا ستر ربنا كان ممكن يتقلب ... هو طبعا ده غلط ان واحد يفرمل جامد وهو على سرعه عاليه بس هنفترض ان ده كان لسبب مفاجئ وكان مضطر يفرمل بقوه وهو ماشي بسرعه عاليه المفروض ماتعومش بالمنظر ده لو الاستابيليتي كويس والفرامل مظبوطه خصوصا انه ماشي استريت مش بيلف

**zidaneelwaly** · 16-11-2009 01:19 AM

اصيله يا افيو

**Dr_Smart** · 16-11-2009 01:37 AM

على فكره العربيه مش طبيعيه

نقلات الفتيس بقت بتتأخر غير الاول

صوت الموتور بقى عالي

ولما يقرص عليها فيه صوت غريب بيطلع مش عارف مصدره بالظبط زي مايكون فيه حاجه صاج مش راكبه كويس