الموضوع: فوكاس ولا سوبارو ولا سيفيك ؟؟

المشاركة الأصلية كتبت بواسطة bmw323

السيفك ثم السيفك ثم السيفك

أنا موافقك والله تمام لكن قلت إنها مشكلتها إنها منخفضه أوي وأنا ليا تجارب سابقه مع سيارات منخفضه والعناء إللي بشوفوه على مطب وآه بقى لو كان مطب من بتوع الكماين جبل ومحفور مكان العجلتين يعني كده كده بطن السياره هتحضن المطب
لكني بعشقها ومصر هي إللي هتفرقنا عن بعض

انا يا جماعه هااتكلم في اللي اعرفه ودي حاجه ممكن توفؤني عليها او ترفضوها ورايي قد يكون في احتمال للخطأ السوبارو... اعلى عربيه في الثبات العربيات اللي حضارتكم ذكرتوها وتليها السيفيك... والفوكاس معرفش عنها حاجه وهيا تقريبا نفس نظام مازدا 3 في التعليق اي ثبات المازد وان مش متأكد من المعومه دي....وشكرا

المشاركة الأصلية كتبت بواسطة kareemhisham

اظن ان حضرتك شفت موضوع الاستاذ سبعاوى .. و البيقول فيه ان مكونات السيارة كلها اوروبية .. و من ماركات عالمية ..

التقفيل الجنوب الافريقى ممتاز .. مشفتش فيه مشاكل .. و دة كلام كل الملاك هنا .. و محدش لقا اى عيب فى التقفيل ..

بالنسبة لموضوع الفتيس .. هو مفيهوش مشاكل .. انما هو له طريقة سواقة خاصة بيه تختلف تماما عن اى فتيس مانيوال او اوتوماتيك و محتاج تعود .. عشان كدة فى ناس متقبلتوش و افتكرا ان في مشاكل ..

و عشان حضرتك تتأكد بنفسك .. حضرتك ممكن تسأل ملاك الmmtهنا هتلاقى انهم بيشكروا فيه

فعلا ياأستاذ كريم قرأت موضوع الأستاذ سبعاوي وبقت عندي فكره عن الmmt الحمد لله وأنا شايف إن الأنسب ليا زي ماحضرتك قولتلي الأتوماتيك العادي إللي نازل في ال2010 وألف شكر على رأي حضرتك .

المشاركة الأصلية كتبت بواسطة ابو الوليد المصرى

111111111111111111+
التوكيل ثم التوكيل ثم التوكيل حتي لو هاتشتري عربية غير الكورولا.
كفاية الضمان.
تفتكر لو كان مشكلة السوفت وير بتاعت الفتيس موجودة في الخليجي او اي عيب اخر كنت هاتعمله فين ومين هيصلحولك وبكام.
كمان اعرف ناس جايبين خليجي كل مايشوفوا العربية بتاعتنا عينهم هاتطلع عليها.

فعلا والله عندك حق ياأستاذ أبو الوليد هو بس الخوف كان من الوكيل والحمد لله ناس كتير شكرت فيه وفي الخدمه بس هتعمل إيه عندنا عقدة الخواجه لسه "أصل دي أوروبي " أو "أصل دي خليجي " بس أنا شايف إن مستوى الخدمه ومواصفات السيارات بقت أحسن بكتيررر في مصر .

المشاركة الأصلية كتبت بواسطة mohammedwa

انا يا جماعه هااتكلم في اللي اعرفه ودي حاجه ممكن توفؤني عليها او ترفضوها ورايي قد يكون في احتمال للخطأ السوبارو... اعلى عربيه في الثبات العربيات اللي حضارتكم ذكرتوها وتليها السيفيك... والفوكاس معرفش عنها حاجه وهيا تقريبا نفس نظام مازدا 3 في التعليق اي ثبات المازد وان مش متأكد من المعومه دي....وشكرا

طيب حضرتك ياأستاذ محمد معاك سوبارو أو حتى جربتها لفتره أرجوك تفدنا بمعلوماتك عنها ..

انا جربت السيفيك واتوهمت بيها وسؤتها في الرياض كانت مع ابن عمي وكان ثباتها رائع جدا اما السوبارو انا مسؤتهاش بس معروف عن الشركه دي الثبات القوي وان هي شركه بتستخدم البوكسر انجين والدفع الرباعي يعني ثبات عالي من الناحيه النظريه وانا ركبتها بس مسؤتهاش بس الواضح من اراء الاعضاء ان ثباتها عالي جدا وعربيه يمكن مقارنتها بعربيات اعلى منها في الامكانيات وده طبعا في موضوع الثبات وانا ان شاء الله ناوي اشتري عربيه جديده على بدايه السنه وان شاء الله هتكون الامبريزا....وشكرا