الميجان 2008 مافيهاش عيب في الاتوماتيك....

**3mr Farrag** · 20-11-2007 08:55 AM

سألت واحد معاه الشكل الجديد علي موضوع العيب اللي في الاتوماتيك.....قال لي ان بتاعتوا مافيهاش المشكله ....
و موجوده بس في الموديل اللي قبل ديه.......
غير انه قالي ان كان في الشكل القديم عيب في الدريكسيون ......مش عارف ايه بالضبط.....بس المهم انه بيقول ان العيب ده كان ممكن و انت بتلف الدريكسون مايرجعش تاني :?
بس طبعا ده مش في كل العربيات و ممكن تحصل و ممكن لأ
و اعتقد ان تعديل موضوع الاتوماتيك ده مش من علبه التروس نفسها ....انما تعديل في الكومبيوتر بتاع العربيه

**Sharky** · 20-11-2007 10:42 AM

العيبد دا كان فى بعض عربيات 2005 و بيتعالج بالسوف وير الجديد و العيب دا كان عبارة عن نتشة خفيفة بين نقلة الأولى و التانى فقط عند الجرى بالعربية و التهدئة بعد الجرى بيها يعنى العربية بتنقل و بيتمشى و مابيأثرش على الفتيس نهائى
بالنسبة لعيب الدريكسيون كان فيه شحنة جت كان فيها بعض العربيات القليلة عيب فى علبة الدريكسيون و كان يتغيير ببلاش فى التوكيل و هما دول فقط مع عيب الجنوط اللى كانت بتتنى فى الحفر عيوب الميجان اللى ظهرت من 2005 حتى الأن .

**3mr Farrag** · 20-11-2007 10:46 AM

ازيك يا شاركي باشا............
انت نسيت اني ركبت معاك و شوفت الناتشه ولا ايه
يعني الموضوع ده ممكن يتحل عندك عن طريق السوفت وير بقي.........طيب ما تعملها و تريح ديماغك

هو كريم باشا صدرلك امر انك تضغر التوقيع :D

**Sharky** · 20-11-2007 10:55 AM

ازيك يا شاركي باشا............
انت نسيت اني ركبت معاك و شوفت الناتشه ولا ايه
يعني الموضوع ده ممكن يتحل عندك عن طريق السوفت وير بقي.........طيب ما تعملها و تريح ديماغك

أنا كمان كنت ناسى إنك ركبت معايا :D
هى دى النتشة اللى إنت حسيت بيها و إنت معايا
أنا ناوى إن شاء الله أعملها مع الصيانة الجاية بس هى مش مأثره فى العربية أو حتى فى السحب فعلشان كده مكسل أروع مخصوص التوكيل أعملها .

هو كريم باشا صدرلك امر انك تضغر التوقيع

دا واضح إن مش أنا لوحدى يا عمرو :D

**ecybrarian** · 20-11-2007 11:38 AM

واحد معرفة شغال في رينو كان راح خد Training بره على الميجان. وقالي إن عمر الميجان ما كان فيها عيب في الفتيس..الناس هي إللي مش مستوعبة التكنولوجيا الجديدة في الفتيس..
بمعنى إن الفتيس على كمبيوتر بيعمل حساباته على أساس الأمان ومعدلات الاستهلاك (للبنزين والزيت والحمل والقدرة)..وعليه فإن الفتيس في الطرق الزحمة (خطوة ووقفة خطوة ووقفة) بيسجل الحالة دي فلما الشارع يفتح مرة واحدة الفتيس بيكون لسة مسجل الحالة السابقة (حالة الزحمة) علشان كده السواق بيحس انه لازم يحرق على RPM اكتر من الطبيعي علشان يجري..والعكس..يعني لو جاي من طريق سريع لطريق واقف تلاقي العربية متعفرتة

اما عن التصحيح إللي تم..ماحصلش تصحيح دول لغوا بعض معاملات الأمان دي علشان العربية تشتغل زي الكوري (زي عربيتي يعني)

والعبرة على الأخ بتاع رينو....والله أعلم

شكل الرينو دي معملوة لدول المرور فيها نضيف

**Sharky** · 20-11-2007 11:49 AM

يعنى من الأخر يا هشام باشا مانزلش السوفت وير اللى فى التوكيل و أسيبها كده

**ecybrarian** · 20-11-2007 11:50 AM

أسأله وأقولك يا شاركي باشا

**Karim_Monir** · 20-11-2007 12:47 PM

هو كريم باشا صدرلك امر انك تضغر التوقيع

دا واضح إن مش أنا لوحدى يا عمرو :D

اتفقسنا

منه لله اللي عمل الكاميرات 8 ميجا و10 ميجا بيكسل

**Ahmed Selim** · 27-11-2007 11:22 AM

يا شباب أنا النتشة اللى فى الفتيس دى معصبانى جداً بصراحة و قولتلهم فى التوكيل عليها علشان أنا بعمل صيانة ال 6000 عقبال عندكوا. لو ظبطوها هابلغكوا أن شاء الله.

احد دلوقتى ملبسنى فى طرمبة مياه و كوع تبريد زيت الموتور و دول لوحدهم بحوالى 1500 جنيه مع أن أصلاً العربية الحمد لله زى الفل و مفيهاش أى مشاكل ما عدا نتشة الفتيس اللى هى ما بتظهرش غير بعد المشى لمدة نصف ساعة أو أكثر فى الزحمة............حسبي الله ونعم الوكيل.

الموضوع: الميجان 2008 مافيهاش عيب في الاتوماتيك....

LinkBack

أدوات الموضوع

عرض

الميجان 2008 مافيهاش عيب في الاتوماتيك.... - انشر الموضوع فى :

-

-

-

-

-

المواضيع المتشابهه

عايز اغير زيت الفتيس الاتوماتيك للالنترا 2008

عندى مشكله فى الجير الاتوماتيك الالنترا 2008

مشكله فى الفتيس الاتوماتيك الالنترا 2008

هيــونــداى الانترا المنوال او الاتوماتيك 2008

الكلمات الدلالية لهذا الموضوع

المفضلات

المفضلات

ضوابط المشاركة