الموضوع: خايف أغير الفتيس ميطلعش السبب

السلام عليكم ورحمة الله وبركاته
أنا هحكيلكو حكاية العربيه وياريت محدش يمل من كتر الكلا اللى تعبت فى كتابته
أنا معايا بروتون ويرا 2005 أشتريتها من حوالى سنه أو أكتر عامله حوالى 120000 كيلو الأن
العربيه كانت استعمال حريمى فأول ما جربتها لقيت طلعة العربيه فيها رعشه فعرفت ان طقم الدبرياج جاب أخره
المهم عملت طقم سيرفيز كامل سيور وفلاتر حتى سير الكاتينه أنا اللى ركبته وظبت التقسيمه (كانت مأخره)
جيت عند الفتيس فكيته أنا وصنايعى وطلعت عنينا فيه بصراحه المهم لقيت مكان مسمار من مسامير الفتيس كان مكسور وملحوم الله أعلم من أه من شغل قديم يعنى مكانه أعلى الفتيس يعنى لو تحت الفتيس كنت قلت العربيه واخده مطب ... المهم
المهم أشتريت طقم دبرياج صينى أسطوانه 4 سوسته ودسك وبليه
ركبتهم وتمام وبعد ما قفلت لقيت الرعشه لسه موجوده عرفت ان الطقم مضروب
اشتريت طقم فاليو كورى ممتاذ 8 سوسته وفكيت الفتيس تانى وفكيت الطقم فعلا" طلع طقم تعبان(الصينى) وركبت الفاليو ... برضه نفس الرعشه موجوده
أشتريت الطقم الأصلى زى اللى كان راكب بالظبط تمنه ضعف تمن الفاليو وفكيت الفاليو طلع سليم قلت يمكن وركبت اليابانى الأصلى وبرضه نفس الرعشه
فى الأخر من يومين فى القاهره روحت لميكانيكى ممتاذ طلعنى أنا اللى مش عارف أشتغل فى العربيه خليته يفك بنفسه قاالى الفلام معووج المهم عملته على المخرطه طلع فيه سنه عالى وواطى بسيط جدا" فعرفت السبب وروحت نازل مع الميكانيكى تحت العربيه وركبت الطقم وطلعت أجرب وللأسف أتصدمت ..... الرعشه زادت لدرجة أنها بتبتدى تقطع قواعد الموتور
أنا مليت وجيت فى يوم وليله فكرت أبيع العربيه وأنا متضايق من نفسى انى مش عارف أجيب مكان العيب مش ملل من العربيه نفسها
روحت قلت أمرى الى الله أشترى فتيس وفى نفس الوقت قلقان
مش عارف العيب فين فى طقم الدبرياج ولا فى الحله بتاعة الفتيس ولا فى الموتور ولا فيه أنا ؟؟
ياريت تفيدونى يا خبراء الورشه .... متنسانيش يا م/سمير ..
مستنى الرد وأسألونى وأنا هجاوبكم