شوية اسالة ومحتاج رايكو

**ibmtop** · 14-11-2009 11:52 AM

السلام عليكم ورحمة الله وبركاتة

عربيتي لانوس 99 - 95000 كم

1- عندي صوت العربية بيعلي اول ماشغل العربية وبيوطي تاني هل دة طبيعي ولا لأ؟؟ واعرف منين ان هو دة الصوت الطبيعي ولا لا؟؟ يعني في حاجة بتتحكم في علو الصوت؟؟

2- عندي مؤشر الحرارة دايما قبل المنتصف بشوية بس ساعات لما امشي اليومين دول والجو كويس بلاقي المؤشر بينزل شوية هل كدة الثرموثتات متشال؟؟ اعرف ازاي؟؟

3- كنت رايح اغير المساعدين امبارح ورحت للعفشجي وطلع معايا بالعربية قالي المساعدين تمام انا استغربت من كلامة وبقولة العربية انا حاسس انها مش كويسة في المطبات قالي لا واكد عليا وقالي المساعيدن الي في عربيتك كويسة واحسن من الي هتشتريهم جديد !!
انا عايز اعرف المساعيدن امتي احتاج اغيرهم ؟؟

وشكرا مقدما

**dr_mak** · 14-11-2009 12:18 PM

صوت العربية عادي والطبيعي انا العربية صوتها بيعلى في اول التدوير وبعدين تهدى

بدل المؤشر مش على عن النص يبقى مفيش مشكلة

دا الطبيعي بتاع الانوس انها مش كويسة في المطبات حتى لو غير المساعدين وجبت مساعدين مونورو هتلاقي الفرق مش كبير ...دي طبيعة في العربية

**tompina** · 14-11-2009 12:44 PM

بالنسبة للصوت .. فالعربية بتسخن نفسها أوتوماتيك وبعدها عدد لفات الموتور بينزل للطبيعي .. وفي ناس عندها العدد 750 والباش مهندس سمير 800 وعربيتي أنا من 900 لـ 1000 لفة ودا الطبيعي على السلانسيه .

موضوع المؤشر بتاع الحرارة .. فالعربية أثناء المشي البطيء بتسخن وبعدها مهمة الكومبيوتر إنه يخليها تثبت على قبل النصف .. مراوح الرادياتير بتشتغل بسرعات مختلفة حسب درجة التبريد المطلوبة للمحرك .
وأما نزوله أثناء المشي فلأن المحرك يصطدم بالهواء البارد وخصوصا واحنا داخلين على الشتا فابيبرد طبيعي والمؤشر بينزل .. وكده الترموستات عندك سليمة وزي الفل .

بالنسبة لمساعدين اللانوس .. آه هما ناشفين حبتين بس كويسين ومعمرين وأقوى من مساعدين الفيرنا مثلا .

**memoo305** · 14-11-2009 01:23 PM

المشاركة الأصلية كتبت بواسطة ibmtop

2- عندي مؤشر الحرارة دايما قبل المنتصف بشوية بس ساعات لما امشي اليومين دول والجو كويس بلاقي المؤشر بينزل شوية هل كدة الثرموثتات متشال؟؟ اعرف ازاي؟؟

بينزل أد أية لو عند الشرطة التانيةويقف ويرجع يطلع تاني قبل النص بشوية . يبقي كدة الترموستات شغال.
لو في يوم برد وعلى طريق طوالي ولقيت المؤشر بينزل لغاية لم بيقى عند أول شرطة. كده بيقى الترموستات متشال أو بايظ (فاتح على طول) ويفضل أن أنت تغيره .

**ibmtop** · 14-11-2009 02:15 PM

متشكر جدا للردود ومستني باقي الزملاء

بينزل أد أية لو عند الشرطة التانيةويقف ويرجع يطلع تاني قبل النص بشوية . يبقي كدة الترموستات شغال.
لو في يوم برد وعلى طريق طوالي ولقيت المؤشر بينزل لغاية لم بيقى عند أول شرطة. كده بيقى الترموستات متشال أو بايظ (فاتح على طول) ويفضل أن أنت تغيره .

لا يباشا مابيحصلش كمان الشرطة دي, هو بيقل شوية بسيطة

**samirayad** · 14-11-2009 03:53 PM

عاوز تعرف الحاله عندك
قارن عربيتك بعربيه تانيه
وعموما وضع الحراره من كلامك عادى
لأن الهواء البارد اليومين دول بيساعد شويه فى رفع كفاءة التبريد
وبالتالى ممكن عداد الحراره يقل حاجه بسيطه
وبالنسبه للصوت
شوف عربيه تانيه وأنت تعرف الفرق (معقول ولا مبالغ فيه )