ما هى عيوب اللون الأسود ؟ ؟ ؟ ؟ ؟

**Eslam_Race** · 14-11-2009 02:13 PM

السلام عليكم و رحمة الله و بركاته

أتمنى أن يكون جميع أعضاء أحلى منتدى بكل خير

أنا ليا استفسار عن اللون الأسود فى العربيات ... معروف طبعا ان اللون الأسود هو سيد الألوان و أى عربيه سوداء بتكون فى منتهى الشياكه

لكن ...

ايه هى عيوبه ؟؟؟

أنا دايما أسمع أن الاسود بيلم تراب على طول حتى مع استمرار الغسيل و ايضا اشعة الشمس ليها تأثير عليه
يا ريت اى حد معاه عربيه سوداء يقوللى ايه العيوب اللى صادفها ...

و شكرا مقدما

**محمد محمد** · 14-11-2009 02:23 PM

هو عامة في دول الخليج ومصر يفضل الالوان الفاتحة زي الأبيض والفضى والسماوي علشان كمية الأتربة ونسبة التلوث مايظهروش في العربية.
اللى معاه عربية سودا لازم كل يومين علي الأقل يغسلها والا هيضيع جمال اللون علي عكس الألوان الفاتحة ممكن تغسلها كل اسبوع او عشر ايام.
والحل من وجهة نظري هو تشمييع السيارة بالواكس بيبقي اسهل في تنظيف السيارة بالفوطة العادية وكمان ان العربية علي طول تكون متغطية.

**mnabil1980** · 14-11-2009 02:39 PM

كنت قرأت فى الجريدة أيضا عن دراسة أثبتت أن السيارات ذات الألوان الغامقة تكون أكثر عرضة للحوادث ليلا مقارنة بالسيارات ذات الألوان الفاتحة.

**mada121977** · 14-11-2009 03:11 PM

بما انى من عشاق اللون الاسود فى السيارات اللى زى ماحضرتك قولت انه من اشيك الالوان فالعيبين الاساسيين للون الاسود هما التراب والحراره وللتغلب على مشكله التراب معايا فوطه زفره بتشيل التراب على طول وبركن فى جراج علشان السايس بينظف العربيه على طول ....والمشكله التانيه بتاعه الحراره يمكن تلافيها بالركنه فى الظل وتشغيل التكييف , مادون ذلك فاللون الاسود رااااائع :)

**Eng_Mostafa_89** · 14-11-2009 03:59 PM

لو عيل صغير ابن تيييييييييييييييييييييييي يييت
خربشهالك بمسمار بيبان قوى غير اللون الفضى

**MoHaMed HaMeD** · 14-11-2009 04:03 PM

انا جبت الون الاسود علشان جماله وعارف انه بيلم تراب بس لما ينظف شيك اوى

وثانيا العربيه بتاعتى مفيش منها كثير اسود فمديها مذاق خاص

بس المشلكه الى تعبنى هى التراب لال اكثر