خبطتين فى الراس توجع :(

**fadyspot** · 14-11-2009 02:26 PM

بدون اطالة , انا رحت النهاردة توكيل رينو فى اسكندرية ( داون تاون ) عشان اخد خطوة فى حجز اللوجان , الصراحة الناس مقابلتها هايلة و ركبت العربية تمام و كله جميل , لما جيت بتكلم مع المسئول عن الحجز قاللى ان انا لو حجزت دلوقتى هاستلم فى فبرابر اللى جاى طبعا من هنا لفبراير كتير اوى , طيب يا عم اوفر برايس مفيش مشاكل بس استلم , " للاسف يا فندم احنا مش بنطبق المبدا ده و احنا بنبيع فقط بالسعر الرسمي " .
المشكلة التانية بقى , انا اللى كنت فهمته من الاخوة الاعضاء ان اللوجان الكاملة اللى سعرها 67000 دى رومانى , لكن اللى المسئول اكدهولى النهاردة انها مغربى و ان الرومانى ده كان رسالة واحدة و نزلت شهر مارس اللى فات و خلصت من بدرى و مش بتنزل تانى .
رجاء افادتى بصحة هذا الكلام , شكرا .

**kareemhisham** · 14-11-2009 02:29 PM

طبعا التوكيل مش بيبيع باوفر برايس .. اومال مين الهيبيع بالسعر الرسمى ..

الاوفر برايس بيبقا عند المعارض فقط

**factorialx** · 14-11-2009 02:30 PM

مافيش روماني كلوا مغربي أنا كان معايا الإفراج الجمركي و كان فيه عشرين عربية كلهم مغربي

و بعدين مصانع رينو في المغرب رينو هي اللي عملها بإشراف فرنسي فهي طبعا أحسن بكتير من مصانع بير السلم اللي عندنا

لو عايز تستلم بسرعه بدون أوفر برايس إحجز عن محمد زكي بس ده في القاهره معرفش موجود في ألكس و لا لأ

**fadyspot** · 14-11-2009 02:31 PM

ايوة يا باشا ان اقصد اوفر برايس للتسليم السريع مش اكتر , لكن انا عارف ان التوكيل مش بيبيع الا بالسعر الرسمي علاوة على كده توكيل رينو محترم جدا .

**fadyspot** · 14-11-2009 02:33 PM

للاسف سمعت كتير عن معارض محمد زكى و مدى احترام الناس دى فى تعاملتها لكن للاسف معندناش فى اسكندرية و بصراحة عشان اشترى عربية زيرو و يبقى اول مشوار بيها من القاهرة لاسكندرية يبقى كتير اوى ده غير غلاسة المرور فى الطريق .

**m_elkhishin** · 14-11-2009 02:38 PM

أنا معرفش أسعار اللوجان ايه بس فرق سعر المغربي من الروماني لازم يكون كبير جدا لأن الأولى عليها 0 جمارك والتانية 40% يعني بنتكلم في فرق ميقلش عن 15-20 ألف جنيه

**MoHaMed HaMeD** · 14-11-2009 02:56 PM

شوف يمان اخره دفعه رومانى كانت ف شهر مارس فعلا وده اخر دفعه وبعد كده كل الى بينزل مغربى لغايه يومنا هذا مفيش رومانى تانى هينزل مصر كله تقفيل مغربى ده نقطه

النقطه الثانيه احسنلك انك تيجى تخد من معض ذكى هنا ف القاهره بالسعر الرسمى والستليم خلاص اسةبعين ولو عنده عربيات هتستلتم فورى بالسعر الرسمى وتعاملهم محترم جدا عن تجبرتى وتجربه كثير من الاعضاء ف منتدنا
ام نقطه رجوعك الى اليكس بعد استلامك السياره ان شاء االله لا تقلق من هذه النقطه لانى المعرض بيديك جواب استلام لمده 24 وده دليل ع استلامك للسياره وسارى دون اى مشاكل ومعاك ورق تثبت ملكيتك للسياره فميش اى مشاكل فتوكل ع الله وانزل لمعرض ذكى وان شاء الله خير وهيبقى احسنلك ومنها تلين العربيه المشوار ده ومبروك مقدما

**A.Saad** · 14-11-2009 02:56 PM

اسال فى محمد زكى
19420
بس مالوش فروع عندكم
ولو على موضوع المشوار ممكن تنقلها بونش
او تدبر نمر تجارية مع ان الموضوع صعب

**Col. Eng. Khaled** · 14-11-2009 03:04 PM

المشاركة الأصلية كتبت بواسطة fadyspot

للاسف سمعت كتير عن معارض محمد زكى و مدى احترام الناس دى فى تعاملتها لكن للاسف معندناش فى اسكندرية و بصراحة عشان اشترى عربية زيرو و يبقى اول مشوار بيها من القاهرة لاسكندرية يبقى كتير اوى ده غير غلاسة المرور فى الطريق .

حاول تنقلها على عربية شبه بتاعة إنقاذ الطريق (مش عارف إسمهم إيه) من القاهرة لإسكندرية و تكلفة النقل عمرها ما

تيجي حاجة في مبلغ الأوفر برايس .

-

الموضوع: خبطتين فى الراس توجع :(

LinkBack

أدوات الموضوع

عرض

-

-

-

-

-

المواضيع المتشابهه

ضربتين في الراس توجع

خبطتين في اسبوع واحد

خبطتين في الرأس توجع؟ طيب ثلاثة بقى (فرامل+دبرياج+رادياتير)

خبطتين فى الراس توجع ...........

قصة توجع القلب - سلم يا رب سلم

الكلمات الدلالية لهذا الموضوع

المفضلات

المفضلات

ضوابط المشاركة