ممكن تنسى ركنت عربيتك فين

**misoalex** · 20-12-2009 04:43 PM

انا بقى كنت مره بجيب حاجه من سوبر ماركت على مسافه حوالى 200 متر من البيت وروحت ونسيت العربيه مفتوحه وراكنه صف تانى

المهم صحيت تانى يوم نزلت عادى بشوف انا راكنها فين مالقتهاش

دورت فى كل حتة مفيش فايده . روحت مكلم بوليس النجده وبلغت على ان العربيه اتسرقت

المهم دقايق كده واقعدت استغفر ربنا وافتكر انا كنت فين امبارح وركنتها فين

المهم افتكرت انى روحت اخر مرة للسوبر ماركت وهف عليا هاتف وقالى يانهار اسود هو انا ممكن اكون نسيتها فعلا هنااااك

روحت نازل جرى على انى استحاله اكون نسيت عربيتى وكانت الصدمه ههههههههههههه روحت لقيتها مرميه رميه التييييييت لوحدها

طبها كلمت البوليس علطول واعتذرتلهم بس الحمد لله انى كنت كلمتهم قبلها ب 10 دقائق بس عشان لو كان زاد عن كدة كنت حروح فى كلبوش ازعاج السلطات

بس الحمد لله عدت وجت سليمة
بس انتم عارفين انا لما شوفت العربيه دمعه نزلت من عينى عشان صعبت عليا اوى انى نستها

بس الحمد لله انها كمان ماتسرقتش

دا انت كده المفروض تاخد جائزه احسن قصه فى الموضوع ههههههههه

ياراجل دانت كنت حتعمل لنفسك قضيه

**misoalex** · 20-12-2009 04:46 PM

كنت في مشوار في مصر الجديدة وراكن في شارع جانبي ونزلت ادور على العربية ملقتهاش والف وادور مفيش فيده وكنت على واشك ابلغ لحد ما لقيت جنوط العربية بتعتي بينه من تحت غطا عربية غريب برفع الغطا لقيت العربية بتعتي ولما سألت بواب عمارة قالي الغطى ده كان واقع على الارض وهو شاله وغطى بيه العربية كان فاكر انه غطى تبعي عشان كان جنب العربية بتعتي

انا كان معايا اقاربي وكنت موصلهم لدكتور في روكسي وكنت راكن صف ثاني وجلست في العربية عشان المرور لو حد جه وشديت الكرسي ونمت

ومن التعب رحت في النوم

وكان الموبيل فاصل شحن وصحيت على اذان الفجر والعربية في نصف الشارع تقريبا والشارع فاضي هما الي نسيوني انا والعربية

ههههههههه حلو اوى موقف النوم ده بس حاجه جميله ان الواحد بصحى من النوم يلاقى نفسه فى الشارع الفجر ههههههه احساس حلو
بس ياترا كملت نومك ولا عملت ايه وسبت صحابك على الموقف الى عملوه فيك

**د.محمود صلاح** · 20-12-2009 08:50 PM

حصلت معى أيام العجلة ركنتها فى حتة وركبت عجله شبهها ومشيت نادانى صاحبها افتكرنى حرامى قلت له آسف دى شبه بتاعتى !!

**shaddadfalcon1** · 20-12-2009 09:32 PM

في سموحه كل يوم بركن عند التأمين ورا يات وفي مره ركنت في حته تانيه وبرده رحت نفس المكان اللي بركن فيه كل يوم
وساعات بسهي وبعدي علي العربيه ومخدش بالي منها
ومرة تانيه اول ماركبت قلت انزل القزاز اليمين فلقيته مش بينزل
اتارييني كنت ناسيه مفتوح علي البحري ولولا ستر ربنا ثم اني كنت راكن الجنب الليمين جنب شجرة كنت مش هليقها لو اتزرعت مكاني