تفتكر اية اللي ممكن يحصل لو ركنت عربيتك بعرض الشارع تحت بيتك ؟؟؟

**M.Osman** · 15-05-2010 01:55 AM

سلبية
تلوث سمعي
تخلف
تصرفات تحرق الدم و تجيب شلل رعاش
تصرفات تحسسك ان احنا رجعنا تاني لقبيلة قريش ايام الجاهلية

هو دا اللي الواحد بقى بيشوفه من جيرانه ...

فكنت بفكر اسيب العربية طول اليوم مركونة بعرض الشارع و تسده.... تفتكروا اية اللي ممكن يحصل يعني ؟؟

هيسيبوا الشارع و يعدوا من اي شارع تاني ... بس كدا

انت عندك في الشارع اية اللي ممكن يحصل ؟؟؟

(حسبي الله و نعم الوكيل في جيراني كلهم .... واحد واحد ... المثقف قبل الجاهل)

معلش اصلي على اخري

**ahmed_khalil** · 15-05-2010 02:03 AM

عادى هايلفوا و يرجعوا
يمشوا عكسى لو كان رايح جى
الشعب المصرى عنده حلول لكل المشاكل

**hamedo0** · 15-05-2010 02:14 AM

ولدى الله يرحمه كان مريض سكر ولما كان بيخرج بــ العربيه ويحب يخش الحمام كان يجي جرى علي البيت عشان يركن حتي مش كان بيقفل العربيه كنت بنزل اقفلها انا وهو يطلع البيت كان بيجي يلاقي جيران العماره القدمنا ركنين عربيتهم ورصيفهم فاضي عشان قدامهم محلات
التكلم معاهم مرة بذوق شرح ليهم الظرف البيبقي مافيش فايضه برده
راح عمل حاجه شبه الانت بتكلم عليها دى ركن العربيه في مدخل البيت ده ولمده تلات ساعات محدش عارف ينزل ولا يطلع لحد ما نزل خد العربيه ومشي انا صحيح مش كنت مؤافق وهو بيعمل كده بس كنت بزعل اوى لما يجي البيت عشان يدخل الحمام وهو مش لاقي مكان يركن
الهم يرحم المؤمنين والمؤمنات الاحياء منهم والاموات

**nabaster** · 15-05-2010 02:35 AM

انصحك بلاش :)

حصلت مرتين عندنا في الشارع مره معايا ومره مع واحد جاري

الموقف الي حصل معايا

واحد عمل مشكله معايا وكان بيتخانق وراح قافل عليا بعرض الشارع وساب العربيه وطلع بيتهم (عربيه 128)

ببساطه كان معايا اخويا الصغير شيلتله العربيه من قفاها وركنتهاله علي جمب وعديت :)

الموقف التاني بتاع جاري

كان جايب جرار زراعي الي هوا بمقطوره ده علشان كان بينزل من بيتهم (كسر طوب ورمل وزلط وكده)

واحد معاه شيفر كابرس الطويله الضخمه وككانوا متخانقين مع بعض لان الراجل المفروض يركن قدام بيته والجرار راكن قدام البيت علشان يحمل الكسر

راح جه قدام الجرار وقفل الشارع

صاحب البيت راجل واصل اصراحه :)

جاب من بيته واير طوييييل صلب

واداه لصاحب الجرار وقاله شد العربيه واعدلها

راح ربط العربيه من تحت من الكارونه وشدها ركنها احسن من كان صاحبها هيركنها :)

تحب تكون انهي فيهم؟؟؟ :)

A.Yakout

**samehafez** · 15-05-2010 03:17 AM

ولا حاجة ..... هتلاقي واحد جه ركن جنبك
هو حد لاقي خرم ابرة يركن

**devilishtigers** · 15-05-2010 03:37 AM

المشاركة الأصلية كتبت بواسطة samehafez

ولا حاجة ..... هتلاقي واحد جه ركن جنبك
هو حد لاقي خرم ابرة يركن

**icehearted girl** · 15-05-2010 10:24 AM

بالنسبة لي الناس هيفتكروها مطب ويعدوا من فوقيها

او مخزن الجمعية اللي تحت هيرص فوقيها سكر

لما بركنها عدل وبنزل الاقيها متغرقة سكر فمابالك لو سبتها بعرض الشارع؟؟

**FunnyMickey** · 15-05-2010 11:05 AM

حصلت قبل كده بس بطريقه اجمد بقي
ظابط شرطه عنده شغل الصبح بدري
نازل من بيتهم
لقي عربيته قافل عليها عربيه بالعرض وشادد الهاند ومدي نقله

شوف البجاحه
الظابط عمل ايه بقي
لم الغفرا اللي في الشارع كله
بتاع 10
وشالوا العربيه وفضلوا يزقوا فيها لحد ما نزلها لعرض الشارع قفله
وراح طالع بعربيته
وقاللهم لو جيت ولقيت العربيه دي متحركه من مكانها مش عارف حعمل فيكو ايه
عشان يتربي

وراحت مامته واقفه في البلكونه
واي حد يهوب ناحيه العربيه يزقها ولا يحركها تزعقله

وفضلت العربيه عالحال ده حوالي بتاع 7 ساعات
والناس مكنتش بتعمل اي حاجه غير انها تلف وترجع تاني

-

الموضوع: تفتكر اية اللي ممكن يحصل لو ركنت عربيتك بعرض الشارع تحت بيتك ؟؟؟

LinkBack

أدوات الموضوع

عرض

-

-

-

-

-

المواضيع المتشابهه

ايه اللي ممكن يحصل موتور 1600 راكب علي شكمان 1000 ايه اللي ممكن يحصل

ممكن تنسى ركنت عربيتك فين

ياترى لو واحده ست خبطط عربيتك ايه ممكن يحصل

أيه اللي ممكن يحصل في أسعار المستعمل

الكلمات الدلالية لهذا الموضوع

المفضلات

المفضلات

ضوابط المشاركة