الكاتالوج بالعربى

**menocomp** · 15-11-2009 04:58 PM

مساء الجمال على أحلى ناس فى أحلى منتدى
معايا رينو لوجان 2010 وكنت عايز الكاتالوجات بتعتها بالعربى معلش أخوكم مش أد كدة فى الأنجليزى .
أنا حاولت اقراة بالانجليزى بس لقيت ان بالطريقة دية حيخلص على صيانة 100000 كم.
المفروض العربية نازلة من المغرب ولدول العالم التالت فالطبيعى يكون فى ترجمة عربى مش كدة ولا اية؟؟

**zkralla** · 15-11-2009 06:53 PM

يا باشا العنوان الى انت كاتبة بيخلى الى بيقرأه يفهم انك جايب الكتالوج بالعربى مش عاوز الكتالوج بالعربى يعنى انا داخل دلوقتى وبحسب انى هاحمل الكتالوج بالعربى وده الى استغربت ليه لان على قد معلوماتى أن ما فيش كتالوج بالعربى

**menocomp** · 15-11-2009 07:57 PM

المشاركة الأصلية كتبت بواسطة zkralla

يا باشا العنوان الى انت كاتبة بيخلى الى بيقرأه يفهم انك جايب الكتالوج بالعربى مش عاوز الكتالوج بالعربى يعنى انا داخل دلوقتى وبحسب انى هاحمل الكتالوج بالعربى وده الى استغربت ليه لان على قد معلوماتى أن ما فيش كتالوج بالعربى

باشا انا بجد أسف.

**zkralla** · 15-11-2009 08:35 PM

المشاركة الأصلية كتبت بواسطة menocomp

باشا انا بجد أسف.

يا باشا اسف ايه ديه نصيحة من اخوك ورينا يوفقك ويباركك فيك ويباركلك فى عربيتك والمسلمين اجمعين

**Ahmed A Rahman** · 15-11-2009 10:40 PM

هي فعلا دي من الحاجات اللي زعلتني لما استلمت العربية

مزعلتش من رينو....... زعلت من المغرب
المفروض يا حاجه انك منزله كتالوج لمصر بتاع عربية بتتصنع في المغرب
انا عارف ان المغرب اللغة الثانية هي الفرنساوي
يعني كده كده انتي عامله كتالوج للناس اللي مبتعرفش فرنساوي
المفروض انه يبقى بلغتك الاولى

حسيت انه ليه علاقة بالكرامة العربية وبلاش حد يضحك عليا