الموضوع: عاوز رايكو فى انواع زيوت الموتور

شيل اللى فى المرور دى على ناصية الشارع اللى ساكن فيه يا abdalla

بس كنت عاوز اسال على معنى كلمة تخليقى دى عشان شايف اعلان كبير او ل توتال مكتوب عليه زيت تخليقى فائق الاداء باين او حاجه دى دى ومش فاهم معناها

بص بقى يا باشا هقولك على نوع وعن تجربة بجد وممتاز وسعره تمام قوي اسمه بترومين ultra 7 جربه ولو مرة وقولي رأيك

انا جربت توتال 2500 وكان سعرة 32 جنية والحمد للة مريحنى ......جربة وقولى رائك اية؟؟؟؟؟؟؟ولو حد من الاخوة عند تجربة معاة يقول

مـــوبيل سوبر XHP ممـــتاز جدا وعن تجربة فى الصيف تغيره على 2500 كم وفى الشتاء على 3000 كم

انا يا جماعة كنت بستعمل موبيل xhp في عربيتي لانوس 1 وكنت بسمع هنا في المنتدى ان كفائتة قلت ومكنتش مصدق لغاية ما جيت اغير الاسبوع اللي فات غلى فكرة انا مغير على 2300 كم لان العربية كان صوتها عالي جدا المهم xhp نازل زي الزفت وكلة شوائب ودة زي ما قلت بعد 2300كم لدرجة ان الفني قالي اية دة انت كنت حاطط لهل بلاك ولا اية المهم طلقت xhp بالتلاتة و حطيت shell super الاصفر والاختلاف لا يصدق في صوت العربية و سحبها و اللي من المنصورة انصحوة نصيحة روح بنزينة shell اللي عند المرور و بتمن xhp الزبالة هتحط shell super و يفضل 20 جنية اغسل عربيتك هناك من حوة ومن برة و روح و انت في السحاب على فكرة الفني اللي هناك اسمة محمد شعبان قلة انك من طرف د_امير صاحب اللانوس الصفراء مش هيسيبك الا اما تكون راضي تماما...........

المشاركة الأصلية كتبت بواسطة pcegypt

معلهش ، انا لي رأي بسيط ، أعتقد إن مسالة احسن زيت دي بتتحدد بمجموعة عوامل منها:

1- معامل اللزوجة و مدى ملائمته لجو مصر (معظم الزيوت التخليقية على إختلاف ماركاتها الموجوده بمصر معامل اللزوجة مواصفات أوروبية 5W40 عدا زيت موبيل1 الجديد و للاسف هو اغلى نوع 230 جنيه 5w50 بمعنى نطاق لزوجة أعلى)

2- معدل البخر (معدل تناقص الزيت من المحرك في الظروف العادية وده طبعا يتم تحديده بالخبرة الشخصية)

3- المحافظة على اللزوجة في إتجاه الزمن (وده برضه بيتحدد بالخبرة الشخصية)

4-تادية الوظيفة حتى نهاية عمر الزيت (التزييت وإحتواء الشوائب تنظيف داخل المحرك طول فترة الإستعمال)

عموما انا بتحرك بين موبيل 1 أو شل التخليقي بس حالبا بحط موبيل 1 لانه اقرب مواصفات لزوجة مناسبة لجو مصر مع تمتعه بكافة المميزات السابقة وطبعا شل التخليقي ممتاز لكن فكرة اللزوجة 5W40 دي قلقاني شوية وخصوصا في الصيف.

تحياتي

لا و حاجة تانية كمان ان موبيل1 بيدي اعلي درجة خدمة في الزيوت في مصرsm
بس اهم حاجة تغير زيت في مركز موبيل1 معتمد و سيبك من المحلات الشعبية او البنزينا الي موجودة في حتت مقطوعة علشان غالبا لو فيها موبيل1 بيكون مضروب و دا الي عمل مشاكل لموبيل الفتره الاخيره