عايز اتعلم قيادة المانيوال.

**محمد محمد** · 18-11-2009 10:33 PM

المشاركة الأصلية كتبت بواسطة Eng.Geo

يعني لو انت علي الرابع وهديت لغايت 30 يبقي تجيب التاني وهكذا
لقيت نفسك في زحمة يبقي هتفرمل كتير وسرعتك هتبقي بطيئة وعشان ماتفصلش بتدوس دبرياج للاخر كل ما بتقل ل 1000 rbm
وكل ده بالاحساس بيبقي تمام يعني مسالة وقت

جزاك الله خيرا ومعلش هاتعبك معايا شوية.
الكلام اللى انا واضع تحته خط يعني انا مثلا في الزحمة ببقي ماشي علي الأول لما اجي ادوس فرامل ادوس دبرياج مع الفرامل علشان العربية ما تبطلش ؟
لما اجي انقل من الرابع للثاني الفتيس هايعدي علي الغيار التالت هيبقي فيه مشكلة ولا حاجة؟
لو انا مثلا ماشي علي الخامس وجيت افرمل بدوس دبرياج مع الفرامل واجيب الفتيس علي الوضع n او المسمي بالمور ولو انا مثلا ماشي علي سرعة 100 يعني الغيار الخامس ولما فرملت رحت ممور الفتيس وسرعة العربية بقت 60 مثلا لما اجي ادوس بنزين تاني اجيب الفتيس علي التالت عادي ولا هيبقي فيه مشكلة.
واسف علي تعبك.

**Eng.Geo** · 18-11-2009 11:01 PM

المشاركة الأصلية كتبت بواسطة ابو الوليد المصرى

جزاك الله خيرا ومعلش هاتعبك معايا شوية.
الكلام اللى انا واضع تحته خط يعني انا مثلا في الزحمة ببقي ماشي علي الأول لما اجي ادوس فرامل ادوس دبرياج مع الفرامل علشان العربية ما تبطلش ؟
ايوة بدوس دبرياج مع الفرامل عشان ملتبطلش بس مش مثلا انت ماشي علي 30 وهتفرمل عشان تقف تقوم دايس علي الدبرياج مع الفرامل علي طول ....الكلام ده مش صح بس في ناس بتعمله كتير وكل تاثيره هيبقي علي الاسوانه بتاعة الدبرياج هتتاكل اسرع بس هي عمرها الافتراضي الطبيعي بيبقي تقريبا 80 الف كم ومع دوس الدبرياج كتير ممكن توصل ل 30 الف كم
الصح انك تدوس فرامل عادي جدا ولما توصل عدد لفات الموتور ل 1000 rbm دوس دبرياج عشان ماتبطلش
لما اجي انقل من الرابع للثاني الفتيس هايعدي علي الغيار التالت هيبقي فيه مشكلة ولا حاجة؟انت مش هاتجيب التالت خالص وانت علي الرابع وعايز توصل للتاني هات التاني عادي جدا من غير ماتجيب التالت
لو انا مثلا ماشي علي الخامس وجيت افرمل بدوس دبرياج مع الفرامل واجيب الفتيس علي الوضع n او المسمي بالمور تمام
ولو انا مثلا ماشي علي سرعة 100 يعني الغيار الخامس ولما فرملت رحت ممور الفتيس وسرعة العربية بقت 60 مثلا لما اجي ادوس بنزين تاني اجيب الفتيس علي التالت عادي ولا هيبقي فيه مشكلة. انت هتدوس دبرياج وتجيب الافضل الرابع وتسيب دبرياج بالراحة مع سنة بنزين
انا قلت رابع ليه مش تالت...لانك لو جبت التالت هيكون عدد لفات الومتور عالي لانك في اخر الغيار ...علي فكرة اخر الغيار مش 60 هي ممكن توصل ل 110 في العربيات المالوفة بس من بعد ال70 بيعتبر حرق علي الغيار بيتعب الموتور ويستهلك بنزين اعلي بكتير
يبقي الرابع افضل لانك بتكون في اوله وعدد اللفات اقل ومريح الموتور
انما في حالة ممكن تجيب فيها التالت علي 60 وهي مطلع الكوبري عشان لو جبت الراع هيكون العزم اقل مع المطلع فهيكون حمل علي الموتور والسحب هيقل فالحل انك بتجيب التالتوتثبت رجلك شوية علي 70 لغاية اما تيجي نازل الكوبري وتسيب بنزين عشان تدوس فرامل خفيف عشان السرعة هتزيد في النزلة
واسف علي تعبك.

مفيش تعب انت تأمر

**abo_lamar** · 18-11-2009 11:11 PM

ممكن تروح مركز لتعليم السواقة وبيكون طبعا على عربيات مانيوال

**Dr Zezo** · 18-11-2009 11:26 PM

اخي الحبيب ابو الوليد

تحتاج فقط الي سيارة مانيوال و عيش حياتك في شوارع العبور الفسيحة

و كما اري انك ملم بالاساسيات للقيادة المانيوال تحتاج فقط للتجربة بنفسك و اذا واجهتك مشكلة تستطيع الاستفسار عنها ...

**محمد محمد** · 19-11-2009 12:06 AM

المشاركة الأصلية كتبت بواسطة eng.geo

مفيش تعب انت تأمر

جزاك الله خير بدعيلك من قلبي.

المشاركة الأصلية كتبت بواسطة elakawy

ممكن تروح مركز لتعليم السواقة وبيكون طبعا على عربيات مانيوال

المشاركة الأصلية كتبت بواسطة dr zezo

اخي الحبيب ابو الوليد

تحتاج فقط الي سيارة مانيوال و عيش حياتك في شوارع العبور الفسيحة

و كما اري انك ملم بالاساسيات للقيادة المانيوال تحتاج فقط للتجربة بنفسك و اذا واجهتك مشكلة تستطيع الاستفسار عنها ...

جزاكم الله خيرا ان شاء الله هتكون دي الخطوة الجاية .

**Dodo2009** · 09-01-2010 08:47 PM

واللة حاجة غريبة ان حد عايز يسوق مانيوال انا بقالى شهرين باسوق وكرهت الفتيس رغم ان الحمد للة باسوق كويس بس عندى مشكلتين اولا لو صادف ان مطلع كوبرى واقف مش عارفة حاعرف اتصرف صح ولا حترجع وتبطل منى فياريت لو فية نصيحة للموضوع دة تانى حاجة موضوع الدبرياج مع الفرامل وان دة غلط على اسطوانة الدبرياج انا لما باكون على سرعة عالية باقدر ادوس فرامل بس بس فى الشوارع المزدحمة الصراحة باخاف ولازم ادوس الاتنين مع بعض السؤال باة على اى سرعة يفضل استخدام الدبرياج مع الفرامل وشكرا

**Eng.Geo** · 09-01-2010 10:52 PM

معلش الكلام ده في الاول بس
شوية كدة وهتلاقية تمام

المشاركة الأصلية كتبت بواسطة dodo2009

بس عندى مشكلتين اولا لو صادف ان مطلع كوبرى واقف مش عارفة حاعرف اتصرف صح ولا حترجع وتبطل منى فياريت لو فية نصيحة للموضوع دة
في الحالة ده
الصح انك لما تيجي تقف ترفع الهاند وانت دايس دبرياج قبلها عشان متبطلش وبعد كدة مور ولما تيجي تمشي تجيب الاول وترفع رجلة شوية من الدبرياج مع سنة بنزين هتلاقي العربية بتتهزبسيط فتقوم منزل الهاند وترفع من علي الدبرياج بالراحة مع تزويد البنزين
والحل التاني ده بيستخدم اكتر لو الطريق بيمش ويقف كتير وهو انك بعد ماتوقف العربية بالفرامل العادية تفضل دايس فرامل عادي ولما الطريق يتحرك ترفع رجلك شوية من علي الدبرياج وانتدايس فرامل ولما تلاقي العربية بتتهز بسيط تقوم سايب الفرامل وتروح بسرعة للبنزين وتطلع
تانى حاجة موضوع الدبرياج مع الفرامل وان دة غلط على اسطوانة الدبرياج انا لما باكون على سرعة عالية باقدر ادوس فرامل بس بس فى الشوارع المزدحمة الصراحة باخاف ولازم ادوس الاتنين مع بعض السؤال باة على اى سرعة يفضل استخدام الدبرياج مع الفرامل وشكرا
هو اصح حاجة ليها ان لما عدد دورات الموتور تقل عن 1000 rbm وده تقريبا بيعادل 10 كم/س بس ماتتعبش نفسك مع عداد السرعة كتير او الrbm
احنا بنقول الكلام ده عشان تبقي عارفه وبالتجربة والاحساس هتجيبها علي طول

**amrdiab** · 10-01-2010 12:31 AM

المشاركة الأصلية كتبت بواسطة Eng.Geo

معلش الكلام ده في الاول بس
شوية كدة وهتلاقية تمام

+1

**ultrasoft** · 10-01-2010 08:05 AM

راجع اللينك ده ... فيه حتة فيديو مفيده جدا ليك

http://www.nilemotors.net/Nile/117160-a.html

**ehab_gamal** · 10-01-2010 07:40 PM

المشاركة الأصلية كتبت بواسطة Eng.Geo

هي الفكرة بسيطة بس لازم عملي بس هقولك علي شوية حاجات مهمة
في البداية وانت طالع بتدوس دبرياج علي الاخر وتجيب الاول وانت دايس دبرياج اوعي تسيبه بسرعه عشان ماتفصلش وبعد ماتجيب الاول حط رجلك علي البنزين واعمل ميزان الكفتين بتوعه هما البنزين والدبرياج يعني وانت بتنزل سم بالبنزين تكون بترفع سم بالدبرياج وكل ده بالتقدير مش بالضبط بس كل ماتقرب من الصح كل ما تطلع معاك افضل
عايزين نغير : كل ما ال rbm ييجي علي 3 دوس دبرياج وانقل للي بعده وسيب دبرياج بالراحة عشان ماتنتش ودوس بنزين علي خفيف
طاب عايزين نقلل في النقلات :
الاول 0/20
التاني20/40
التالت40/60
الرابع60/80
الخامس80/220
يعني لو انت علي الرابع وهديت لغايت 30 يبقي تجيب التاني وهكذا
لقيت نفسك في زحمة يبقي هتفرمل كتير وسرعتك هتبقي بطيئة وعشان ماتفصلش بتدوس دبرياج للاخر كل ما بتقل ل 1000 rbm
وكل ده بالاحساس بيبقي تمام يعني مسالة وقت

شكرا يا باشا على الوصف التفصيلي ده