عايز اتعلم قيادة المانيوال.

**Dodo2009** · 10-01-2010 08:37 PM

المشاركة الأصلية كتبت بواسطة eng.geo

معلش الكلام ده في الاول بس
شوية كدة وهتلاقية تمام

شكرا يا بشمهندس افادكم اللة ليا بعض الاستفسارات الاخرى لو سمحت فية بعض الناس بتجيب المور مع اليو تيرن يعنى قبل الملف يدى دبرياج و فرامل ويديها مور وبعد الملف يديها السرعة المناسبة انا عايزة اعرف اية فايدة المور والعربية ماشية يعنى بيهدى العربية ودة احسن واريح للعربية ولا اية بردوا كنت قريت لو لا قدر اللة الفرامل مش شغالة الحل هو تسقيط النقلات لحد ما اوصل للاول حتقف بردوا مش فاهمة لو ممكن شرح مبسط وخاصة انى باسوق على الطريق الدايرى اقصى حاجة ليا 90 بس لو حاجة زى دية حصلت حاعمل اية وهل ادوس دبرياج بيهدى العربية ولا اعمل اية وشكرا

**Eng.Geo** · 10-01-2010 10:12 PM

المشاركة الأصلية كتبت بواسطة dodo2009

شكرا يا بشمهندس افادكم اللة ليا بعض الاستفسارات الاخرى لو سمحت فية بعض الناس بتجيب المور مع اليو تيرن يعنى قبل الملف يدى دبرياج و فرامل ويديها مور وبعد الملف يديها السرعة المناسبة انا عايزة اعرف اية فايدة المور والعربية ماشية يعنى بيهدى العربية ودة احسن واريح للعربية ولا اية
بالنسبة للجزئية ده فالمور مابيخليش العربية تفرمل ولا بيساعد علي الفرملة ولكن العكس هو الصح وهو انك لما بتموري العربية بتفصلي حركة الموتور عن العجل وبكدة مش هتخلي الموتور يساعدك في الوقوف ومالهاش لزمة حكاية المور في اليوترن (مثال بسيط : لما يكون في عربية مافيهاش هاند وحبيتي تركني وتفرمليها فبتعشقي علي نقلة مش بتموري يعني التعشيق بيساعد علي الفرملة مش المور ولكن لو مورتي ممكن تزقي العربية بسهولة
الخلاصة ماتموريش في اليوتيرن عشان ملوش لزمة
بردوا كنت قريت لو لا قدر اللة الفرامل مش شغالة الحل هو تسقيط النقلات لحد ما اوصل للاول حتقف بردوا مش فاهمة لو ممكن شرح مبسط وخاصة انى باسوق على الطريق الدايرى اقصى حاجة ليا 90 بس لو حاجة زى دية حصلت حاعمل اية وهل ادوس دبرياج بيهدى العربية ولا اعمل اية وشكرا
ربنا يستر طريقنا كلنا ويبعد عننا الحوادث
لو لا قدر الله حصل كدة وانت علي 90 انت بتكوني علي الخامس لو عايزة فرامل جامد عشان الطريق واقف تقومي دايسة دبرياج وتجيبي التالت وتسيب الدبرياج بسرعة هتلاقي كانك دوستي فرامل جامد ولا تهدي اكتر تقومي دايسة دبرياج وتجيبي التاني وتسيبي الدبرياج بسرعة وبعد كدة الاول ومنها العربية هتهدي وتقف ( علي قدر الامكان تكون فترة دوسة الدبرياج قليلة عشان طول مانتي دايسة دبرياج العربية مش هتقف )
يعني هي الفكرة انك بتحاولي تفرملي بالموتور بس ده بيؤثر علي التروس وممكن تتكسر ولكن بتبقي الحكاية ده وقت اللزوم فقط عشان الافضل انك تغيري جير بوكس افضل ماتغيري عربية لاقدر الله

ارجو تكون المسألة وضحت
ولو في اي مشكلة في الكلام المكتوب انا منتظر الاسئلة :)

**Dodo2009** · 10-01-2010 11:26 PM

المشاركة الأصلية كتبت بواسطة Eng.Geo

ارجو تكون المسألة وضحت
ولو في اي مشكلة في الكلام المكتوب انا منتظر الاسئلة :)

متشكرة جدا وربنا يجازيك كل خير كدة الامور وضحت وكلة تمام

**Eng.Geo** · 10-01-2010 11:37 PM

المشاركة الأصلية كتبت بواسطة Dodo2009

متشكرة جدا وربنا يجازيك كل خير كدة الامور وضحت وكلة تمام

لا شكر علي واجب
الحمد لله ان المعلومة وصلت

**Dodo2009** · 11-01-2010 04:14 PM

المشاركة الأصلية كتبت بواسطة eng.geo

لا شكر علي واجب
الحمد لله ان المعلومة وصلت

معلهش يا بشمهندس حاتعبك ليا استفسار انا عارفة ان فى حالة وجود مطب بهدى العربية قبلها وافرمل قبل المطب واسيبها تنساب بهدوء واديها بعد كدة الغيار المناسب طب لو انا ماشية فى شارع طويل (مدة 10 دقايق) والشارع دة كلة حفر وكلاكيع ومعلهش مش لاقية لفظ تانى لوصف حالة الشارع اعمل اية يعنى امشى على الاول ولا التانى مع الفرامل ولا بردوا الفرامل غلط فى الحالة دية سؤال اخر كنت داخلة على شارع رئيسى من احد المداخل ويصادف انة عبارة عن مطلع وكمان فى اخرة مطب عالى وكانت ماساة انا كنت على التانى وطالعة بشدة علشان ما تبطلش وطبعا لقيت المطب اديتها دبرياج و فرامل وافتكرت انها حتنساب بهدوء وحاكمل(مش عارفة فكرت ازاى انها حتمشى لحدها فى مطلع) بس الصراحة هى انسابت لكن للوراء وبطلت وسمعت كلاكسات ورايا وحاجات غريبة ياريت الحل لو مطلع مع مطب اتصرف ازاى واسفة على الاطالة دية السواقة مش بالساهل شكرا

**Eng.Geo** · 11-01-2010 04:53 PM

المشاركة الأصلية كتبت بواسطة Dodo2009

معلهش يا بشمهندس حاتعبك ليا استفسار انا عارفة ان فى حالة وجود مطب بهدى العربية قبلها وافرمل قبل المطب واسيبها تنساب بهدوء واديها بعد كدة الغيار المناسب طب لو انا ماشية فى شارع طويل (مدة 10 دقايق) والشارع دة كلة حفر وكلاكيع ومعلهش مش لاقية لفظ تانى لوصف حالة الشارع اعمل اية يعنى امشى على الاول ولا التانى مع الفرامل ولا بردوا الفرامل غلط فى الحالة دية
لو السرعة فوق ال10 يبقي خليكي علي التاني مفيش مشاكل ولكن لو اقل من كدة يبقي الاول وهو المشي كتير عليه مش كويس بس هي الظروف بقي
مش عارف ايه قصدك بأن الفرامل غلط ....استخدميها عادي
سؤال اخر كنت داخلة على شارع رئيسى من احد المداخل ويصادف انة عبارة عن مطلع وكمان فى اخرة مطب عالى وكانت ماساة انا كنت على التانى وطالعة بشدة علشان ما تبطلش وطبعا لقيت المطب اديتها دبرياج و فرامل وافتكرت انها حتنساب بهدوء وحاكمل(مش عارفة فكرت ازاى انها حتمشى لحدها فى مطلع) بس الصراحة هى انسابت لكن للوراء وبطلت وسمعت كلاكسات ورايا وحاجات غريبة ياريت الحل لو مطلع مع مطب اتصرف ازاى واسفة على الاطالة دية السواقة مش بالساهل شكرا
فكرتيني بأسكندرية عند عمارات مصطفي كامل .... هي اللي بيقي فيها كدة
المهم
لو الطريق فاضي وانت طالعة فدوسي بنزين الكتر عند المطب وماتموريش خالص عشان لو مورتي يبقي اول ماهتلمسي المطب العربية هتقف وترجع تاني
لو الطريق واقف يبقي تعامليه كانه مطلع عادي جدا ولما تقفي شدي الهاند ولما تتحركي تجيبي الاول وتوترفعي دبرياج مع سنة بنزين وتنزلي الهاني ولو علي اول المطب فبتزودي بنزين عشان تعرفي تطلعيه
او ممكن تستخدمي دبرياج مع بنزين زي ماقلت في مشاكة قبل كدة وعند المطب تزودي بنزين اكتر

**أبو صلاح** · 11-01-2010 05:11 PM

ايه رايك نعمل تبادل منافع
انت تخليني اجرب ال mmt وانت تجرب المانيوال
مستني ردك

**Dodo2009** · 11-01-2010 06:16 PM

اشكرك جدا على المعلوملت المفيدة وبالنسبة لموضوع الفرامل انا عارفة ان غلط الفرملة فوق المطب بتبوز العفشة علشان كدة كنت باسال هل ادوس فرامل عادى فى شارع كلة حفر وحالة الشارع صعبة شوية ولا بردوا حيباة غلط على العفشة وكفاية انى امشى على الهادى وخلاص 00000 معلهش انا باتعبك معايا بس انا نفسى استفيد واتعلم صح0000 شكرا

**Eng.Geo** · 11-01-2010 06:22 PM

المشاركة الأصلية كتبت بواسطة dodo2009

اشكرك جدا على المعلوملت المفيدة وبالنسبة لموضوع الفرامل انا عارفة ان غلط الفرملة فوق المطب بتبوز العفشة علشان كدة كنت باسال هل ادوس فرامل عادى فى شارع كلة حفر وحالة الشارع صعبة شوية ولا بردوا حيباة غلط على العفشة وكفاية انى امشى على الهادى وخلاص 00000 معلهش انا باتعبك معايا بس انا نفسى استفيد واتعلم صح0000 شكرا

مفيش تعب ولا حاجة
هي اه بتبوظ العفشة يعني كل ما كانت الفرملة اقوي كل ما كان تأثيرها اكبر بس مش حاجة مخيفة يعني
يعني لو المطبات كتير وبتدوسي فرامل كتير فيها يبقي التأثير هيبان اسرع
التأثير بيقي في الغالب تربيط عفشة مش حاجة صعبة يعني
بس هو الاضمن تمشي بالراحة لو الطريق ملوش ملامح

**canner** · 12-01-2010 11:48 AM

المشاركة الأصلية كتبت بواسطة ابو الوليد المصرى

جزاك الله خيرا ومعلش هاتعبك معايا شوية.
الكلام اللى انا واضع تحته خط يعني انا مثلا في الزحمة ببقي ماشي علي الأول لما اجي ادوس فرامل ادوس دبرياج مع الفرامل علشان العربية ما تبطلش ؟
لما اجي انقل من الرابع للثاني الفتيس هايعدي علي الغيار التالت هيبقي فيه مشكلة ولا حاجة؟
لو انا مثلا ماشي علي الخامس وجيت افرمل بدوس دبرياج مع الفرامل واجيب الفتيس علي الوضع n او المسمي بالمور ولو انا مثلا ماشي علي سرعة 100 يعني الغيار الخامس ولما فرملت رحت ممور الفتيس وسرعة العربية بقت 60 مثلا لما اجي ادوس بنزين تاني اجيب الفتيس علي التالت عادي ولا هيبقي فيه مشكلة.
واسف علي تعبك.

بالنسبة اللى انت تجيب من الرابع للتانى على طول من غير ما تعدى على التالت فده عادى جدا و ممكن لان اهم حاجة تبقى على سرعة الغيار اللى انت ماشى بيه

بالنسبة للسؤال التانى ممكن من المور تغير على السرعة اللى انت ماشى بيها حتى لو على الرابع او التالت مش مشكلة

تحياتى