هل من الممكن سيارتى تقطع هذه المسافه

**مواطن مصرى** · 20-11-2009 11:20 PM

يا فندم انا معايا نوفا ريجاتا 1989 سافرت بيها من القاهره حتى طما (اول مركز فى سوهاج بعد اسيوط) 3 مرات فى شهر واحد فبراير 2009 رايح جاى (لظروف عمل معينه) و كل اللى اخذته السياره فى كل سفريه تفويله بنزين و نصف لتر مياه خضراء بشرط ان حاله العربيه تكون كويسه

انصح حضرتك بالاتى :
خذ الطريق الصحراوى الغربى من المدخل اللى بعد ميدان الرمايه (بيسموه احيانا اول طريق الفيوم)
و لا تستخدم الطريق الزراعى اللى من المنبيب مهما حصل لانك لو اخذتها زراعى و نزلت الصبح هتوصل بعد بكره (الطريق سيىء جدا و ضيق جدا و على شمالك ترعه الابراهيميه الشهيره و على يمينك هتمر على كل قريه مصريه من الجيزه الى اسوان هذا بخلاف الحوادث و عطله الطريق و الكماين بين كل محافظه و الثانيه)

الطريق الصحراوى الغربى واسع و جميل و منور بالليل و فيه كذا استراحه و كذا بنزينه لكن الخوف فيه من سواقين النقل المساطيل + الرادار فيه لغايه 120 + فيه كمين فى مدخل المنيا (بلد اسمها سمالوط) بيوقوفا الملاكى و يفتشوا العربيات فيه غلاسه

المهم الطريق اخره اسيوط (هتوصلها فى 4 ساعات لو ماشى على 100 و ريحت فى النص فى اى كافيتريا) و بعدها هتمسك الرزاعى لمده ساعه هتلاقى نفسك فى سوهاج

و تروح و تيجى بالسلامه ان شاء الله

**amro1965** · 21-11-2009 09:22 AM

شكرا اخى مواطن مصرى
لكن لى ملحوظه حضرتك بتقول
المهم الطريق اخره اسيوط (هتوصلها فى 4 ساعات لو ماشى على 100 و ريحت فى النص فى اى كافيتريا) و بعدها هتمسك الرزاعى لمده ساعه هتلاقى نفسك فى سوهاج

انا اللى اعرفه ان الطريق الغربى ممتد حتى سوهاج لى زميل فى العمل قال لى ان من هذا الطريق اقدر ادخل على قريتى مباشرا وبدون الدخول الى الطريق الزراعى للذهاب الى مدينة سوهاج 000لان من قريتى يتم المرور الى الطريق المودى الى جرجا او الذهاب الى سوهاج المدينه فى حوالى 15 ساعه من قريتى
ثانيا بالنسبه للطريق من مدخل الفيوم هل توجد ارشادات تدل على الطريق الغربى لانى مع مرورى مره واحده من زمان كانت توجد تفريعات كتيرة ولا توجد علامات فى ذلك الوقت
بمعنى اننى لو مسكت مدخل الفيوم هجد الطريق الغربى مباشرا

بالنسبه لتنك الوقود معلوماتى انك سعه التنك 55 لتر هل اعمل حسابى فى جركن 10 لتر اضافى للمسافه
شكرا اخى العزيز على معلوماتك القيمة اللى بتقوينى لخوض هذه التجربة

**mr_sameh** · 21-11-2009 10:20 AM

المشاركة الأصلية كتبت بواسطة x_gomgom

اكيد طبعاً توكل على الله قبل كل شئ ...
اخر مره طلعت على الغربي كان عدد البنزينات قليل و كنت معبى جراكن معايا (كان من 5 سنين مثلاً) اكيد العمليه اتظبطت حالياً انا مش بحذر بس بنقل تجربتي...
و الاخ egyzizo الواحد برضه بيخاف لا قدر الله تعملها معاك في الطريق انت على سفر و ربنا يباركلك في عربيتك امين...
ربنا يوفقك و تروح و ترجع بالسلامه ان شاء الله

فعلا انا سافرت مره طهطا وكان البنزينات قليله وكان المؤشر نازل وكنت مرعوب لحد لما لقيت بنزينة الموقف ده عمري ما انساه في حياتي

**ابوهاشم** · 21-11-2009 02:21 PM

ان شاء الله تروح وترجع بالسلامه
وجمد قلبك

**amro1965** · 21-11-2009 03:36 PM

شكرا لتعاطفكم معى

**D.Tarek** · 26-01-2010 10:33 AM

السلام عليكم
انا اشتريت ريجاتا 85s من القاهرة وسافرت بيها من القاهرة الى سوهاج مباشرة من الطريق الصحراوي الغربي والحمد لله بدون مشاكل.
بس تتأكد من العربية قبل ما تطلع زي ما قالوا الزملاء وتسوق غلى مهلك عشان الرادار (انا اتلسعت في 150 جنيه)

**amro1965** · 26-01-2010 01:29 PM

شكرا اخى العزيز طارق على افادتك وعلى هذه المعلومة

**nabaster** · 27-01-2010 01:24 AM

اهلا بيك يا رايس

علي فكره انا من اسيوط

بالنسبه بقي للطريق اصراحه الغربي نضيف جدا جدا ومش هتحس بالمسافه اصلا

وفعلا اخر الطريق اسيوط وبعد كده هتمشي زراعي

الغربي هتنزل منه علي دايري اسيوط تسئل شويه اي حد علي زراعي سوهاج هيقولك عليه ومش هتوه ان شاء الله

هشرحلك بسرعه تاخد دايري اسيوط ازاي

اكتبه عندك في ورقه يمكن تحتاجه

اخر الغربي تدخل دخلة اسيوط وبعدين تمشي هتعدي في سكتك علي مصنع الاسمنت وهتعدي علي مصنع بيبسي اخر الطريق ده هتلاقي قدامك تقاطع ده الزراعي (بس كده انتا لسا قبل اسيوط) هتاخد يمين وتدخل الزراعي (هيبقي علي شمالك في التقاطع كشك شرطه عسكريه) تمشي لغاية كمين منقباد بعد الكمين عدل تدخل يمين (لان لو مشيت علي طول هتدخل البلد نفسها) تمشي بقي في الطريق(هدي سرعتك في الطريق ده خليك 60 مثلا)ده علي طول زي ما انتا (هتعدي علي ورش وسمكريه وكلام من ده) تمشي شويه كمان هتطلع كوبري اول ما تطلع الكوبري دور علي اول نازله يمين تنزل تبقي انتا كده خلاص في الزراعي بتاع سوهاج

لفت الدايري مش هتاخد معاك ربع ساعه والزراعي لو ماشي 80 هتاخدها من اسيوط لسوهاج نفسها في ساعه او ساعه وربع بالكتير

وان شاء الله توصل بالسلامه

بس ظبط عربيتك الاول علشان متعملش معاك اي دقة نقص في السكه

عايز تليفوني اامرني وهيكون عندك علي الخاص لو توهت او احتجت اي حاجه

A.Yakout

**ahm2000** · 29-01-2010 12:12 AM

أنا كان معايا ريتمو 81 رحت بيها اسكندرية ورجعت في نفس اليوم يعني تقريباً نفس المسافة وكان يوم حر جداً المهم ما تهملش في موضوع إنك تاخد رست في الأوقات المناسبة لأن السخونه المستمرة مش مستحبة أنا في المشوار ده بعد ما رجعت القاهرة علبة الشكمان إتأثر جامد بس ده كان سببه إتي رحت و رجعت من غير ما أريح في أي رست وزي ما قلت لك كان يوم حر جداً

الموضوع: هل من الممكن سيارتى تقطع هذه المسافه

LinkBack

أدوات الموضوع

عرض

-

-

-

-

المواضيع المتشابهه

وقت +بنزين=اجمالى المسافه accent rb

المسافه من القاهره حتى الجونه

من اجل شجرة لم تقطع بعد

عداد المسافه

انجدوني الدايو تقطع

الكلمات الدلالية لهذا الموضوع

المفضلات

المفضلات

ضوابط المشاركة