الموضوع: مساعدة من اهل الخبرة

السلامة عليكم

ربنا يوفقك ان شاء الله و تجيبها

انا ان شاء اللة نويت اشترى جين2 بس مش عارف اجيبها مانيوال ولا اتوماتيك ...

والله يا باشا دة عل حسب راحتك لو انت متعود على الأوتوماتيك يبقى خلاص اوتوماتيك لو بتحب المانيوال زى حالاتى يبقى مانيوال

و كل حاجة و ليها ميزة و عيب المانيوال تسارع اعلى سرعة اعلى استهلاك بنزين اقل تجميع فى السرعة اقل مش مريح زى الأوتوماتيك و بالعكس للأوتوماتيك

وبعدين ممكن اى حد فاهم يكلمنى عن العربية بما يرضى اللة علشلن انا واللة هتجنن من كتر الكلام على الجين2

اتمنى يا باشا انك تكون شفت الموضوعين الى انا حاطط فيهم فيديوهين للعربية بيتكلمو عن كل حاجة فى العربية بجد

انا واللة هتجنن من كتر الكلام على الجين2
وان الشركة هتتباع وتفلس وكدة .... وملهاش سوق فى البيع وقطع غيار مش موجودة .. اعمل اية!!!!!!!!!!!

هوة يا باشا كانت فولكس فاجن عاوزة تشترى بروتون و كانت عاوزة تاخد 51% من اسهمها بس بروتون رفضت و خلاص الموضوع انتهى و بروتون مش حتتباع ولا حاجة !!! ;) ;) ;) ;) ;)

و حكاية انها مش بتتباع دية يعنى هية مش سهلة فى البيع زى الكورولا مثلا بس بتتباع اى حاجة بتتباع و حتى انا شايف ان سعرها فى المستعمل فى السبعينات و دة كويس مش وحش

و بالنسبة لقطع الغيار فهى متوفرة فى التوكيل و فية محلات بتبيعهم برة التوكيل و طبعا ارخص و عناوينهم موجودين فى موضوع مثبت

و اى خدمة انا تحت امرك ;)

ربنا يكرمك يا ابو الفهود يا جامد.......
فى مشكلة تانية .... دلوقتى مفيش غير 2007 و موديل 2008 هينزل فى 15 يناير وانا سامع انها هتغلى حوالى 3000 وده اللى قالو م/ حبيب ابراهيم . مش عارف فى اى تغيير فى شكلها او الكماليات ولا لأ .....

العفوو يا باشا

انا بصراحة معنديش فكرة عن حكاية الموديلات دية بس هل 2007 الى هوة الكراسى و التابلوة اسود ولا الى التابلوة نصة اسود و نصة بيج ؟

انا رأى اتوماتيك
هتريح فى الزحمة ولو بتحب تجرى عندك الكيك داون
والثبات مفيهوش أختلاف

وموضوع 2007 و2008 مفيش أى كلام عن أختلاف بيتهم حتى فى موقع الشركه
www.proton.com

وربنا يوفأك

نصيحه لوجه الله دايما ابعد عن الاوتوماتيك ماعدا فى العربات الغاليه قوى
او الماركات المحترمه قوى قوى او العربيات الامريكى طبعا
بيكون الاوتوماتيك عمره طوييييييييييييييييييييييي ييييييييييييل وقوى
وادائه محترم
والله اعلم

أنا شخصيا أفضل الأتوماتيك - خصوصا لو إنك من سكان القاهرة العامرة

طبعا إستهلاك البنزين أعلى نسبيا والتجميع أبطأ حاجة بسيطة - بس مش الفرق الفظيع.

في فرق في السعر - حوالي 6 آلاف جنيه - بس لاحظ إن الموديل الأتوماتيك فيه مثبت سرعة وده مريح لو جيت تسافر أو على أي طريق مفتوح

الفتيس الأتوماتيك مفيهوش أي مشكلة - العربية موديل 2006 عاملة 42 ألف كيلو الحمد لله - وهو تصنيع لوتس زيه زي المحرك على حسب معلوماتي وكمان عليه ضمان 5 سنين - عيبه الوحيد في رأيي - وهو ميزة للكثيرين - إنك متقدرش تخرج المفتاح إلا والعربية على الP وطبعا ده أمان للعربية بس طبعا مشكلة في ركن الصف التاني والتالت والحاجات اللي زي كده.

وإن شاء الله نقولك مبروك قريب

المشاركة الأصلية كتبت بواسطة MOHAMED RAMADAN ABDOU

السلام عليكم ورحمة اللة وبركاتة ،،،
انا ان شاء اللة نويت اشترى جين2 بس مش عارف اجيبها مانيوال ولا اتوماتيك ...
وبعدين ممكن اى حد فاهم يكلمنى عن العربية بما يرضى اللة علشلن انا واللة هتجنن من كتر الكلام على الجين2
وان الشركة هتتباع وتفلس وكدة .... وملهاش سوق فى البيع وقطع غيار مش موجودة .. اعمل اية!!!!!!!!!!!

أنا لسة مستلم العربية إمبارح يا باشا
و متنستناش لغاية موديل 2008 ما ينزل ما أعتقدش إن في فرق
و الشركة مش هاتفلس و لا حاجة و دي شركة محترمة جدا و الوكيل كمان محترم
و الجين 2 عربية زي الفل شكلا و اداءاً
و أتكل على الله
بالنسبة للفتيس أنا أفضل العادي و لا أحبذ الأوتوماتيك ( رأي شخصي )
و على فكرة معاها ضمان 5 سنوات للمحرك أو 100000 كيلومتر
و ضمان على السيارة 3 سنوات أو 60000 كيلومتر
مما يعطي انطباع بالجودة
و ربنا معاك